’ugperissara uvavnut ajúngilak!’
JEHOVAP NALUNAIAISSUINIT pulaorneĸarângavit taimatut oĸarsimavit? — ímaĸalo nangitdlutit: ’ugperissaĸ táuna angajorĸâvnut táukualo angajorĸâvinut ajorsimángilaĸ, taimáitumik sôĸ uvanga ugperissamut avdlamut nũsaunga?’
sôruname angajorĸâvta silatunerat misiligtagaitdlo iluaĸutigissaĸâgut. kisiáne ugperissamik torĸainivtíne tamána túngavigísavdlugo nãmagpa? angajorĸâvtame táukualo angajorĸâvisa ĸanoĸ iliornere tamaisa íssuarneĸ ajorpavut. sôrme? píssutigalugo ilisimássutsíkut pâsisimassaĸarníkutdlo sujuariartortoĸartuarmat.
una ássersûtigisigo: ukiut 40-t matuma sujornagut inuit nápautinik ássigĩngitsunik toĸússuteĸartarput píssutigalugo nápautit tamáko nakorsarneĸardluarsínausimángingmata. 1943-mîtdle antibiotika, amerdlasût inûneránik ánáussissoĸ, pigineĸalerpoĸ. antibiotikap atornigssâ itigartitsíssutigísanerparput âtákuvta tamatumínga ilisimassaĸarsimángínerat píssutigĩnardlugo? nâmik, nutât sarĸúmersut ajúngitsortait silatûmik nalilerniásavavut. ãmalo silatusârneruvoĸ nangmineĸ ugperissaĸ taimatut písavdlugo.
apustile Paulusimik pisimassup ersserĸigsaivfigâtigútaoĸ kingornússamik ugperissaĸarângavta imáingitsoĸ Gûtip iluarissânik patdlorfigissarigput. Paulus isumatârdlune kristumiúngúngíkatdlarame „avĸut“-mut ingerdlassut, tássa kristumiut, tamaisa ajornerpâmik iliorfigissarsimavai, „Gûtip ilagîgsai sualugtumik ĸinugissaravkit nungutíniardlugitdlo“. sôruna? píssutigalugo ’sujuaissame maligagssiait pivdlugit’ ilungersorsimagame. ugperissaminut sujugdlermut ugperdluarnerata Jesus Kristusimik sagdlusuíssúmik akuerssisínaunerigaluanit akornusersimârsimavâ — tamánalo Gûtip piumassarisimanaviángilâ. — apustilit suliait 9:1, 2; Galâsiamiut 1:13, 14.
ugperissat nangmineĸ torĸarpiuk?
amerdlanertigut ugpeĸatigît sût inûp átavigissai nalautsornerínákut aulajangigáuput. ĸanoĸ? âp, ímaĸa nâggârtũngorsimáput, katûlíngorsimavdlutik, hindũngorsimavdlutik taolerissúngorsimavdlutik buddhasiortúngorsimavdlutigdlũnît angajorĸâmik taima ítûnerat píssutigĩnardlugo. atagule oĸariarta nuname avdlame ilaĸutarîngnilo avdlame inúngorsimassut. tauva ímaĸa ugperissamik avdlamik sákortûmik tapersersugaĸásagaluarput. tauva silatûmik erĸarsarneruva isumaĸásavdlune mêraunermîtdle ugperissaĸ ilumôrtûsimásassoĸ?
mãnákut ugperissaĸ mêraunernîtdle pigisimagaluarugko pigisimángíkaluarugkulũnît — sule ímaĸa isumaĸarputit ugperissat ilingnut ajúngitsoĸ. kisiáne nangmineĸ isúmane iluarissanilo túngavigĩnardlugit inuk ugperissamik torĸaigínarsínauva? tássauva najorĸutagssaĸ tutsuviginartoĸ?
ímaĸa tamána ássersũneĸarsínauvoĸ mêraĸ aperiguvtigo suna perusungnerâ — kâge spinatilũnît. mêrĸap ĸularnángivigsumik kâge torĸásagaluarpâ. kisiáne inũssutigssartaĸarnerpâĸ torĸarpâ? taimatut ípoĸ nangmineĸ iluarissamik ugperissaĸaráine: imáingilaĸ anersãkut pitsaunerpaussoĸ. — nalerĸiúkit Rûmamiunut agdlagkat 10:2, 3.
ugperissaĸ inûp nangmineĸ isumai túngavigĩnardlugit nalilerneĸarsínáungilaĸ. Gûtimúme patdlorfigingningnermut túngavoĸ, taimáitumik ugperissaĸ Gûtip maligassarerĸussainut nagdlersũtariaĸarpoĸ. taimáitumik aperĸut una pingârnerpâjúngilaĸ: ugperissara uvavnut ajúngila? unale pingârnerpauvoĸ: Gûte patdlorfigissarpara táussuma iluarissânik? (wD 15/7 85)