INTERNETIKKUT ATUAGAATEQARFIK Watchtower
INTERNETIKKUT ATUAGAATEQARFIK
Watchtower
Kalaallisut
  • BIIBILI
  • BIIBILILERSAARUTIT
  • ATAATSIMIINNERIT
  • w87 1/5 qupp. 8-9
  • Jesusip meeraanera ilaqutariinnilu inuunera

Immikkoortumi matumani isiginnaagassiaqanngilaq.

Ajoraluartumik isiginnaagassiap aanerani ajutoortoqarpoq.

  • Jesusip meeraanera ilaqutariinnilu inuunera
  • Napasuliaq Alapernaarsuiffik — 1987
  • Tamatumunnga assingusut
  • Jesusip meeraanera ilaqutariinnilu inuunera
    Inuk inuit inuusimasut pingaarnerpaartaat
  • Illersuillunilu pilersuillunilu pinertusaarpoq
    Uppersusiat maliguk
  • Jiisusip ilaqutai sumik ilinniarfigisinnaavavut
    Napasuliaq Alapernaarsuiffik — 2004
  • Naartusoq – katissimananili
    Napasuliaq Alapernaarsuiffik — 1986
Amerlanerusut takukkit
Napasuliaq Alapernaarsuiffik — 1987
w87 1/5 qupp. 8-9

Jesusip inuunera ajoqersuineralu

Jesusip meeraanera ilaqutariinnilu inuunera

JESUS Nazaretimi, illoqarfimmi mikillunilu pingaaruteqanngitsumi, alliartorpoq. Nunami qatsissumi qaqqartuumi Galilæamik atilimmi taanna ippoq, Jizre’elip narsarsuata alianaatsup ungasinngitsuani.

Jesus Josef Marialu ilagalugit Ægyptenimit tamaanga pigami immaqa marluk missaanni ukioqarpoq, qularnanngitsumillu Mariap meeratuaraa. Kisianni sivisunngitsumik kisermaajuvoq. Ukiut ingerlaneranni Jakob, Josef, Simon aamma Juda inunngortarput, aamma Maria Josefilu panissaartarput. Tassa Jesus minnerpaamik arfinilinnik nukaqarlunilu najaqarpoq.

Jesus aamma allanik ilaqutaqarpoq. Nalunngereerparput illua angajulliunerusoq, Johannes Judæami, kilometererpassuarnik ungasitsigisumiittumi, najugalik. Galilæamulli ungasinngitsumik Salome, Mariap qatanngutigigunagaa, najugaqarpoq. Salomep Zebedæus uigaa, ernerilu marluk, Jakob aamma Johannes, Jesusip illorisimassavai. Ilisimanngilarput nukappiaqqat taakku Jesusip alliartoqatigisimanerai, kisianni kingorna paasiumaarparput qanittumik ikinngutigilerai.

Josef ilaquttani amerliartuinnartut pilersorniarlugit suleruloortariaqartarpoq. Sanasuuvoq. Josefip Jesus ernermisut perorsarpaa, taamaattumillu Jesus „sanasup ernera“tut taaneqartarpoq. Josefillu Jesus sanasumut ilinniartippaa, ilikkajavorlu. Taamaattumilluuna kingorna inuit aperisartut: „Taanna sanasup issuma ernerinnginnerpaa?“

Josefikkut ilaqutariillutik inuunerata Jehova Guutimik pallorfiginninneq pingaartitaraa. Guutip inatsisai najoqqutaralugit ’illuminni issiasaraangamik aqqusinikkulluunniit ingerlasaraangamik, innaraangamillu makikkaangamillu’ Josefip Mariallu meeqqatik anersaakkut siunnersortarpaat. Nazaretimi juutit naalagiartarfeqarput, qularissanngilarpullu Josef ilaquttani ilagalugit pallorfiginnikkiartorluni taakunnarajussimassasoq. Kisianni qularnanngitsumik eriniginerpaasarsimasaat tassaasimavoq Jehovap naalaffissuanut Jerusalemimiittumut aallartarnertik, tamannalu nangeqattaartup matuma tulliani sammiumaarparput. Mattæus 13:55, 56; Markus 15:40; 6:3; 5 Môrsase 6:6-9. (wD 1/8 85)

◆ Jesus qassinik nukaqarlunilu najaqarpa? Ilaasa aqqinik taasaqarit.

◆ Jesusip illuisa ilaasa pingasut aqqi taasinnaavigit?

◆ Suliassaq suna Jesusip ilinniarsimavaa?

    Kalaallisut (1985-2025)
    Aniffissaq
    Iserfissaq
    • Kalaallisut
    • Ingerlateqqiguk
    • Inissiissutit
    • Copyright © 2025 Watch Tower Bible and Tract Society of Pennsylvania
    • Atuinermut piumasaqaatit
    • Paasissutissanik atueriaaseq
    • Nammineq inissitassat
    • JW.ORG
    • Iserfissaq
    Ingerlateqqiguk