Nersutit Saqqummersitani eqqartorneqartut – soormi taakku pillugit atuassasugut?
SAQQUMMERSITAT! Bibelip atuagartaasa kingulliit taanna taaguutigaat. Allakkani taakkunani assersuutit, soorlu kuukkooriaasarsuaq aammalu nersutit assigiinngitsut pingasut, takorloornarsisitaallutik oqaluttuarineqarput. Inuit ilaasa nersutit taakkua oqaluttuarineqarnerat annilaarnartippaat. Ilaasali angutip utoqqarsuup takorluuinerinnaatut sumiginnarpaat. Soormitaava illit nersutit Saqqummersitani eqqartorneqartut pillugit atuartussaavit? Siunissami pilluarnissat apeqqutaammat.
Ukiut 1900-ngajaat matuma siornatigut Saqqummersitat allakkamigit apustili Johannes utoqqarsuugaluarpoq. Tassali imaappa utoqqaanermit anersaakkut nukillaalersimagami nersutit taakku takorruugariinnarai? Naagga, aammalu utoqqaat tamakkununnga assingusunik takorluugaqartut Johannes siullersarinngilaat. Angut Danielimik atilik utoqqarsuanngorluni nersutinik takorluugaqarpoq, kingusinnerusukkullu paasineqarpoq taassuma takusai eqqortumik siulittuutaasut inuit naalakkersuinerisigut nikittaqattaarumaartussanut. (Dânialip agdlagai, kapitalit 7 8-lu) Aammalu Jesusip Kristusip nammineq Daniel Guutip sunniineratigut isumassarsisitaatippaa, pruffiitimik taallugu allagaalu issuaaffigisarlugit. — Matîuse 24:15.
Jesusip oqaatigitsiarpaa toqunermi kingornagut apustilit Guutimit aammalu unnersuunneqartassasut. (Juánase 16: 12, 13) Saqqummersitani siumut allaatigineqartut ilarpassui malunnartumik eqquutereersimapput, taamaattumillu qularutissaanngilaq apustilip Johannesip nersutinik takorluugai Saqqummersitani allaatigineqartut Guutip sunniineratigut isumassarsiarititaasut. — 2 Timûtiuse 3:16.
Saqqummersitat oqaatsit uku aallarniutigaat: ’Jesusip Kristusip saqqummersitai, Guutip taassumunnga tunniussai . . . inngilinilu aallartillugu kiffaminut Johannesimut tamakku [nalunaaqqutinngorlugit, NW] nalunaarai.’ (sarĸúmersitat 1:1) Saqqummersitani takusat, nersutit ilanngullugit, assersuutaannaapput, piviusuunatik. Taakku pillugit atuarnissat ersissutissaqanngilaq. Nersutit assersuutaasut allaatigineqarnerisa kristumiut pisariaqarluinnartumik ilisimasaqartippaat, Guutimut pissusertik attattuarsinnaaqqullugu. Taamaammat apustili Johannes allassinnaavoq: ’Pilluarput takorluukkersaarutit makkua oqaasiinik atuaasorlu tusaasullu, taakkunanilu allassimasunik toqquisut [maleruaasut, NW], piffissaq qaneqimmat.’ Aap, assersuutinik tamakkuninnga paasinninnerit maannakkut siunissamilu pilluarnerussutigisinnaavat. — sarĸúmersitat 1:3. (wD 1/2 86)