INTERNETIKKUT ATUAGAATEQARFIK Watchtower
INTERNETIKKUT ATUAGAATEQARFIK
Watchtower
Kalaallisut
  • BIIBILI
  • BIIBILILERSAARUTIT
  • ATAATSIMIINNERIT
  • w88 1/10 qupp. 8-9
  • Ajoqersukkat sisamat aggeqqusaasut

Immikkoortumi matumani isiginnaagassiaqanngilaq.

Ajoraluartumik isiginnaagassiap aanerani ajutoortoqarpoq.

  • Ajoqersukkat sisamat aggeqqusaasut
  • Napasuliaq Alapernaarsuiffik — 1988
  • Tamatumunnga assingusut
  • Ajoqersukkat sisamat qaaqquneqarput
    Inuk inuit inuusimasut pingaarnerpaartaat
  • Siooranermik qularnermillu akiugaqarpoq
    Uppersusiat maliguk
  • „Ajoqersuganngortitsigitsi“
    Napasuliaq Alapernaarsuiffik — 2004
  • Atuartartut apeqqutaat
    Napasuliaq Alapernaarsuiffik — 1989
Napasuliaq Alapernaarsuiffik — 1988
w88 1/10 qupp. 8-9

Jesusip inuunera ajoqersuineralu

Ajoqersukkat sisamat aggeqqusaasut

NUNAQQATIMINIT toqutsiniaraluartunit aniguinermi kingorna Jesus illoqarfimmut Kapernaumimut, Galilæap tasersuata sinaaniittumut, nuuppoq. Taamaalilluni Esajasip siulittuutaasa ilaat eqquuppoq. Tassa siulittuut Galilæamiut qaamanermik angisuumik takunninnissaannut tunngasoq.

Jesusip Naalagaaffimmik oqaluussissutiginninnermigut qaamanermik siaruarteritilluni, ajoqersukkami ilaat sisamat tamaani nassaarai. Siornatigut najorsimagaluarpaat, Judæamiilli uternermik kingorna aalisarnertik ingerlateqqilersimavaat. Qularnanngitsumik massakkut Jesusip ujarpai, maanna piffissanngorsimammat aalajangersimasunik aalajaatsunillu, toquguni oqaluussinermik nangitsinissamut ilinniartissinnaasaminik, ikiorteqalernissaminut.

Jesus tatsip sinaagut ingerlaartilluni Simon Peter ikinngutaalu qassutitik amooraat takuleramigit ornippai. Peterip umiatsiaanut ikivoq qinnuigalugulu avalalaaqqullugu. Avalalaareeramik Jesus umiatsiami ingippoq inunnullu tatsip sinaaniittunut ajoqersuilerluni.

Taava Jesus Peterimut oqarpoq: „Itisuumut avalallutit qassuseritsi pisaqaqqullusi!“

„Ajoqersuisoq,“ Peter akivoq, „unnuaq naallugu piniaraluarpugut angiluttorlutalu; oqaatsilli naalallugu qassuserumaarpunga.“

Qassutitik ningikkaallu aalisakkat takkussuutingaarmata qassutaat alittulerput. Angutit umiatsiamut allamut aalaterinasuarput ikioriartoqqullutik. Erniinnarlu umiatsiat taakku marluk tamarmik ima aalisakkanik ulikkaartigipput allaat kivingajalluinnarlutik. Tamannalu takugamiuk Peter Jesusimut pallorpoq oqarlunilu: „Naalagaq, qimannga, inuugama ajortilik!“

„Erseqinak!“ Jesus akivoq. „Maannamiit inunnik pisaqartarumaarputit.“

Jesusip Peterip qatanngutaa Andreas aammattaaq qaaqquaa. „Malissinga,“ oqarfigai, „inunnik aalisartunngortikkumaarpassi.“ Aalisaqatigisaat, Jakob Johannesilu, Zebedæusip erneri, aamma qaaqquai, taakkuttaaq akuersinasuarput. Aalisarnertik taamaatippaat tassaalerlutillu Jesusip ajoqersugai aalajangersimasut siulliit taassuminnga sumulluunniit malinnittuartut. Lukas 5:1-11; Mattæus 4:13-22; Markus 1:16-20; Isaia 9:1, 2. (wD 1/3 86)

◆ Sooq Jesusip ilageqqulluni ajoqersukkat ilaat qaaqquai, kikkuuppallu?

◆ Tupinnartuliap suup Peter annilaartippaa?

◆ Aalisarneq qanoq ittoq suliareqqullugu Jesusip ajoqersukkani kajumissaarpai?

    Kalaallisut (1985-2025)
    Aniffissaq
    Iserfissaq
    • Kalaallisut
    • Ingerlateqqiguk
    • Inissiissutit
    • Copyright © 2025 Watch Tower Bible and Tract Society of Pennsylvania
    • Atuinermut piumasaqaatit
    • Paasissutissanik atueriaaseq
    • Nammineq inissitassat
    • JW.ORG
    • Iserfissaq
    Ingerlateqqiguk