Bibelimik atuarnermi pingaarnersat: Nâgûme 1:1–3:19

Guuti akiniaalerpat annattoqarsinnaassaaq

„GUUTIITSOQ erniinnaq peeruttussaavoq.“ (Tussiaat 37:10) Oqaatsit tamakkua eqquukkumaarnissaat Bibelip atuagartaasa ilaanni Nâgûmip agdlagai-ni aammalu Hâpakûp agdlagai-ni erseqqissarluarneqarpoq. Angutit tatituut taakkua siulittuutiminnik allattuinertik naalagaaffimmi Judami ukiut 700-ssaata u.n.a.s. naalernerani naammassivaat.

Guutip siulittuutaa Nahumip allagaa sammeqqaariartigu. Sunik ilinniagassartaqarpa?

Guuti akiniaajumaarpoq

Jehovap tunniusimalluinnarneq piumavaa. (2 Môrsase 20:5, NV) Assyriami illoqarfiit pingaarnersaannut, Ninevemut, tusarliussamigut Nahumip ersersippaa Guutip qinngarsortini taamatut imminut tunniusimanngitsut akiniaaffigissagai. Taassuma saani qaqqat sajupput, qattunerit aalerput, nunalu qaffiumisaarpoq! Taassuma kamannerata kissarnera kia akiorsinnaavaa? — 1:1-6.

Jehova qimarnguffissatut tatigisinnaavarput. Aap, Guutip qimarnguffigisini sernissortarpai. Qinngarsortini tamaasa nungoreerpagit eqqanaarnartumik nalliuttoqaqqissanngilaq. Eqqissinissamut tunngasumik nuannersumik Juda tusagassaqarpoq, eqqortumik pallorfiginninneq akornuserneqassaassammat. — 1:7–2:3.

Iluaatsut iluanaassanngillat. Ninevemut pisimasunit tamanna nalunanngilaq. Assyriamiut tiguakkaminnik naakkittaatsumik iliorfiginnittarnertik pillugu illoqarfiat taaneqarpoq ’ungaluugaq aaviaanilissuaq’. Liivit najugaattut illuni illorpassuaqarfik pallittaalilluagaq taanna qarmarsuami iluaniilluni isumannaatsutut ikkaluarpoq. Guutilli peqqusineratigut Assyriamiut itsaq No-Amonimut, imaluunniit Thebenimut kuussuup Nilip sinaaniittumut, atugaritissimasaata assinganik Nineve atugaqassaaq. Ajortuliani pissutigalugit Assyriap illoqarfiisa pingaarnersaat piuneerutinneqassaaq. Siulittuut tamanna eqquutinneqarpoq Babylonip kunngiata Nabopalassarip Mediamiullu Kyaxaresip sakkutooqatigiivisa peqatigiillutik Nineve ukiumi 632 u.n.a.s. ajugaaffigimmassuk. — 2:4–3:19.

Bibelimik atuarnermi pingaarnersat: Hâpakuk 1:1–3:19

HABAKKUKIP ilinniarpaa Jehovap piffissaq aalajangersakkani nallerpat naqisimannittut naakkittaatsut iliuuseqarfigiumaarai. Kisianni „iluartoq aalajaatsuunermigut inuuginnassaaq“. (2:4, NV) Siulittuulli tamanna sumik allamik ilinniarfigisinnaavarput?

Uppersuseqartut annakkumaartut

Kiffami qinnutaat Jehovap tusartarpai. Habakkuk ima aperaaq: ’Jehova, qanoq sivisutigisumik torlulassaanga, tusarumanngitsutillu?’ Aap, innarluissuteqanngilaq, iluaatsullu iluartut iluaat. Guutili tusaasarpoq, pillaatitullu ’kaldæerit pilerisaarumaarpai’. Qanorli ililluni pissaanillit sorsuttartut sakkugisinnaassavai? Guutip akissutissaa pruffiitip utaqqivaa, avoqqaarineqarnissani ilimagalugu. — 1:1–2:1.

Iluartut aalajaatsullu kisimik inuuginnassapput. Tamatuminnga Jehovap Habakkuk neriorsoqqissaarpaa. Takorluugaq siulittuutaasoq, naak mullussaasutut ikkaluarluni, Guutip nallersiisaa nallerpat ’nalliutissaaq’. Akeqqap imminut tatigisup inuiannik piiaaffiginnittartup anguniakki angussanngilaa. Kaldæerit pillarneqanngitsuussanngillat. — 2:2-5.

Iluaatsut eqqanaq!

Peqquserlulluni iluanaarniarneq, nakuuserneq guutipilussiornerlu ingalakkit. Sooq? Piginngisaminik peqangaarniartoq, peqquserlulluni iluanaarniartoq, toqoraanikkut illoqarfimmik qarmaasoq, nakuusernikkut narrujuumminartuusumik ajorsartitsisoq, guutilianillu uumaatsunik tatiginnittoq iluanaarnavianngimmat. Taamaattut suliaat Guutip taamaatitikkumaarpai. Nunamiut tamarmik Jehovap naalannassusianik misigitinneqassapput, taassumalu saani tamarmik ataqqinnillutik qeqassapput. — 2:6-20.

Jehovamit annaanneqarnissat naammagittarlutit utaqqiuk. Habakkukip qinutilluni eqqaavai Guutip pissaanerminik ersersitsisimaneri: Jehovap nuna allorarfigaa, kamalluni inuiaat tukkartorlugit. Aammattaaq aallarsimavoq innuttani annaakkiartorumallugit. Naak sapileraluarluni Habakkuk aalajangerpoq ’annikilliornarfissaq uninngavigissallugu’. Atugarliornarfeqartassagaluartoq Jehova tipaatsuutigissavaa Guutilu annaassisini qiimasuutigissallugu. — 3:1-19. (wD 15/5 89)

[Qupp. 8-mi ungalusaq]

ALLASSIMAFFIIT PILLUGIT OQAASEQAATIT

○ Nâgûme 1:4 — Basan, Karmel aammalu Libanon naggorissuupput alianaaqisut. Taakku toquninngussagaluarpata taakkuninnga pinngitsoorsinnaanngitsunut ajunaarnersuussagaluarpoq. Tamatuma erseqqissarpaa Jehovap kamannerminik takutitsinerata sakkortussusia.

○ 1:10 — Nineve isumaqarpoq kakillarnaqutitut ilassimasutut pitarneqarsinnaanngitsigaluni, ataqqinaateqarumatunermillu putumasuulluni. Illoqarfilli nungutitaassaaq innerup ivissuarnik panerluinnartunik ikuallatsitsineratut sukkatigisumik. Taamatuttaaq Guutip ullumikkut innuttaasa qinngarsortaasa Jehovap eqqartuussineri innertut ittut akiorsinnaassanngilaat.

○ 2:7 — Ninevep saassunneqarnerata nalaani siallersorsuunera pissutigalugu kuussuaq Tigris qarsutsivoq. Taamaalilluni illoqarfiup ilaa qarsunneqarpoq qarmarsuullu ilaa uppitinneqarluni. Tamanna pissutigalugu Assyriap illoqarfiisa pingaarnersaat saassussisunit tiguaruminarsisimavoq.

○ 2:12-14 — Nersutitut nujuartatut illutik Assyriamiut inuiannik peqqarniisaarfiginnittarput piiaaffiginnittarlutillu. Liiveq nunagisaannut ilisarnaataannguatsiarpoq. Ninevep illukuini liiviusaliarpassuit nassaarineqarsimapput.

○ 3:3, 4 — Arnatut akilersilluni atortittartutut illuni Ninevep inuiaat salloqittartarpai eqqissisaalluni ikinngutiginninnissaminik neqeroorfigalugit ikiuinissaminillu neriorsuuteqarluni. Salloqittartittulli taassuma naqisimanninnera naalliuutigilerasuartarpaat, soorlu Judap kunngiata Akazip tamanna misigisimagaa. — 2 nalunaerssûtigdlit 28:16, 20, 21.

[Qupp. 9-mi ungalusaq]

ALLASSIMAFFIIT PILLUGIT OQAASEQAATIT

○ Hâpakuk 1:2-4 — Upperigamiuk Jehova Guutiusoq iluaassutsimik ilaginnaaneq ajortoq suna pillugu ajorsuseq atuuttuarnersoq Habakkukip apeqqutigaa. Allatut isiginnittaaseqalersinneqarnissaminut piumassuseqarpoq. (2:1) Pissutsit aalajangersimasut sooq ilaginnarneqarnersut eqqarsaatigigaangatsigu, Jehovap naapertuilluassusianik tatiginninnitta isummatsigut aalajaatsuuginnartissavaatigut taassuminngalu utaqqinniinnartissalluta. — Tussiaat 42:5, 11 .

○ 2:5 — Babylonimiut ataatsimut isigalugit tassaapput angut sakkulisartoq sakkuni atorlugit inuiannik ajugaaffiginnittartoq. Sheolisut (uneriffittut) toqutullu, toqutaminnik naammatsinneq ajortutut, illuni suli aammalu ajugaarusuttuaannarpoq. (Naleqqiuguk ússatit 30:15, 16.) Aalakoornartunit sunnerneqarsimasutut illuni ajugaaqattaarnini putumassutigai. Babylonili ukiumi 539 u.n.a.s. uppititaammat ajugaaqattaarunnaarpoq.

○ 3:13 — Guutip annaassisinnaanera innuttaasa qinigaasut tanitaasullu, inuiaqatigiit Israelikkut, akulikitsunik misigisarpaat. (Tussiaat 28:8, 9) Piffissaq aalajangersagaq nallermat Messias, tassa ’arnap’ Guutip piata qilammiusup ’kinguaassaa’, inuiaqatigiinnit taakkunannga pilluni takkuppoq. (1 Môrsase 3:15) ’Kinguaassamut’ taassumunnga ilaasortat sinneruttut, tassa Jesusip ajoqersugaanut anersaamik-tanitaasunut sinneruttut, Satanimit inuiannillu saassunneqarnerannit Jehovap annaakkumaarpai. — sarĸúmersitat 12:17.