Naalagaaffimmik oqaluussissutiginnittut nalunaarutaat
’Guuti nakerisarsiortuunngilaq’
UKIUT 1900-t matuma siorna apustili Peter isumassarsisitaalluni ima allassimavoq: ’Guuti nakerisarsiortuunngilaq, kisianni inuianni tamani kinaluunniit mianerinnitsini naapertuilluartumillu iliortoq nuannaraa.’ (apustilit suliait 10:34, 35, NV) Jehovap nalunaajaasuisa akornanni inuit naggueqatigiinnit tamaneersut upperisarsiornikkullu tamanik tunuliaqutaqartut nassaassaapput. Naapertuilluarnissamik kissaateqarput Guutimillu mianerinnittuullutik. Tamaasa Jehovap silarsuassami nutaami inuiaqatigiinnut tikilluaqquai, soorlu arnamut aalajangersimasumut Chadimeersumut taamaaliorsimasoq.
Arnap taassuma upperisani naammagisimanngilaa. Ukiut arlallit matuma siorna atuagaq Hvordan du får det bedste ud af din ungdom (Inuusuttuunerit — pitsaanerpaamik atoruk), Jehovap nalunaajaasuinit naqiterneqarsimasoq, neqeroorutigineqarmat tigusimavaa, unnersuussutillu atuakkap imarisai nuannarisorujussuuai. Biibilimik atuaqqissaaqatigineqartalerpoq, tamatigullu atuaqqissaarneq pisarpoq. Rigssalimili ataatsimiinnermut ornigunnissaminik kajumissaarneqarami qisuarianngilaq. Sooq? Naak atuaqqissaartarnera uiata ajorinngikkaluarlugu rigssalimut ataatsimiigiarnissaanik akueriumanngilaa.
Arnaq ataatsimeersuarnermut peqataarusulermat atuaqqissaaqatiginnittaata ataatsimeersuarnissami sammineqartussat allattorsimaffiat uianut takutippaa, unnersuussutit pitsaasut saqqummiunneqartussat innersuussutigalugit. Nuliami „ataasiaannarluni“ ilaanissaa akueraa. Ataatsimeersuariaqataavoq, nuannarisorujussuuaalu. Ataatsimeersuarnermi ilikkakkaminik oqaluttuutereeranilu ataatsimiinnernut ilaasarnissaa uiata akerleriunnaarpaa. Ilagiit inunnik naggueqatigiinnit assigiinngitsuneersunik imminnut soqutigeqatigiilluinnartunik ilaasortaqarnerat maluginiartorujussuuaa. Kingusinnerusukkut ataatsimeersuaararnermut ilaagami nuannaartorujussuuvoq takugamigit meeqqani nalunaajaasunit nunanit assigiinngitsuneersunit nereqatigineqartut, ingammillu nuannaarutigaa ilaqutaasutut pineqarlutik asannittumik iliorfigineqarnerat. Tamanna inuunerani allanngulerfiuvoq.
Akimmiffissalli takkuttalerput. Naak kisittuugaluarluni ataatsimiinnerni oqaaseqartalerpoq aammalu qanigisami sanilimillu pitsaanngitsumik tusangiasaarisarneri aalajaalluni atortalerlugit. Naak aappani ukiorpassuarni inooqatigisimagaluarlugu allagartaqarfiginngilaa. Qanoq ililluni inatsisinut naapertuuttumik katinnissartik saqqummiunniassavaa? Ilungersorluni Jehovamut qinoreerluni uini oqaloqatigaa, taannalu oqarpoq periarfissamik misissuiumalluni. Kiisamilu taamaaliormat inatsisinut naapertuuttumik katipput.
Sakiatsiaq najugaqataat assut ajornartorsiortitsisarpoq, uiatali nuliani illersortarpaa. Ilaanni uiata ataataa pulaarpoq. Ernini naalakkerpaa nuliani allamik upperisaqalersimammat avissagaa. ’Pitsaanerujussuarmik nuliarnissaanut’ akiliukkumallugu neqeroorfigaa. Ernerata akivaa: „Naamik, taamaaliorusunngilanga. Nuliara nuliaalluartuuvoq. Nammineq qimakkumappanga tamanna allaavoq, uangali qimaqqussanngilanga.“ Nulia sakiminut inussiarnisaartumik pissuseqaannarpoq, sakiatalu pissusilersornini kanngutsaatigaa. Nunaqarfimminulli uterami ernerminut allappoq naggammik periarfissillugu. Allaffigaa nuliani qimannianngippagu erneriunnaassallugu. Erneratali nuliani qimakkusunngilaa. Uimi aalajangersimalluinnartumik iliornera nuliata nuannaarutigeqaa.
Ullumikkut ernerisa marluk anaanartik ataatsimiigiaqatigissallugu nuannarisaqaat. Allaat ataatartik qilernerusanik tuneqqullutik qinnuigaat, qatanngutimmi angutit qilernerusalisaartut takusaramikkik. Ullumikkut arnaq taanna qatanngutaavoq kuisimasoq.
Chadimi nalunaajaasut pilluartut Jehovap naalagaaffianik nutaarsiassamik nuannersumik oqaluussissutiginnittartut ’Guutillu nakerisarsiortuunnginneranik’ nuannaarutiginnittut 345-sut arnaq taanna ilagaat. (wD 1/3 94)