Ajoqersuutit aappaat: Inuit ajortut anniarfimmi anniartitaasarput

Ajoqersuut sumit aallaaveqarpa?

“Itsaq isumaliutersor­tar­tunit grækerinit tamanit an­niarfim­mik ajoqersuuteqar­tunit Platon sun­niuteqar­ner­paasimavoq.” — Histoire des enfers (An­niarfik pil­lugu isum­mat oqalut­tuarisaanerat) Georges Minoisimit, qup­p. 50.

“100-k­kut qiteq­qun­neran­niil­li Kristusip inun­ngor­nerata kingor­na kristumiut grækerit isumaliutersuutaan­nik ilin­niar­tin­neqarsimasut misigiler­put up­perisar­tik grækerit isumaliutersor­tar­tuisa oqariar­taasii atorlugit oqaatigisariaqarlugu . . . Taak­kua Platonip isumaliutersuutai iluariner­paavaat.” — The New Encyclopædia Britannica (1988), atuagaq 25, qup­p. 890.

“Ilagiit ajoqersuutaan­ni erseq­qis­sar­neqar­poq an­niarfeqar­nera tamatumalu naas­saan­ngitsuunera. Toqus­sutis­samik ajor­tuliorsimal­lutik toqusut toqugaangata tar­ningi er­niin­naq an­niarfim­mukar­tar­put, tas­sanilu an­niarfiup erloqinar­tua, ‘in­neq naas­saan­ngitsoq’, naal­liuutigisar­paat. An­niarfim­mi pil­laatis­sat pingaar­nersaat tas­saavoq Guutimit naas­saan­ngitsumik avis­saar­titaaneq.” — Den katolske Kirkes Katekismus (2006), qup­p. 294.

Biibilimi qanoq allassimasoqarpa?

“Uumas­suseqar­tum­mi nalun­ngilaat toqusus­saagamik, toqungasul­li sun­nguamil­luun­niit ilisimasaqan­ngil­lat! . . . Toqusut inaan­ni or­nitan­ni sulias­saqan­ngim­mat ataqatigiin­neqaraniluun­niit ilisimasas­sanik ilisimas­susermil­luun­niit peqar­nani.” — Oqaluus­sisar­tup oqaasii 9:5, 10.

Toqungasut pil­lugit al­las­simaf­fik taan­na sumik ersersitsiva? Taak­ku ajor­tulior­ner­tik pil­lugu saam­maan­neqaq­qul­lutik toqusut inaan­ni naal­liut­tar­pat? Naamik, imami al­las­simavoq: ‘Toqungasut sun­nguamil­luun­niit ilisimasaqan­ngil­lat.’ Toqusut inaat Biibilimi eq­qar­tor­neqar­toq tas­saagin­nar­poq inuiaat ataatsimut ilerrat, susoqarfiun­ngivis­soq. Biibilip grækerisoor­taani, Testamentitaami, taaguut grækerisooq Gehenna Biibilimi dron­ningimit Margrethe II-mit ator­tus­san­ngor­titami ‘An­niarfik’-mik nutser­neqarsimavoq. Erseq­qip­porli Gehenna, Jiisusip nalaani eq­qaavis­suaq Jerusalemip avataatungaaniit­toq, Guutip eq­qar­tuus­sinerata kingunerisaanik suujun­naarsil­luin­nar­neqar­nermut as­sersuutaasoq. — Mat­thæusi 10:28.

Tas­sa, an­niarfim­mi naas­saan­ngitsumik an­niar­titaanis­samik ajoqersuut Biibilimit aal­laaveqan­ngilaq Biibilimilu Guuti pil­lugu ajoqersuutigineqar­tunut naaper­tuun­nani. Ajor­tuliaq suna, qanorluun­niit ajor­tigigaluar­pat, Guutip asan­nit­tup inum­mik naas­saan­ngitsumik naal­liutsitsinis­saminut pis­sutigisin­naagamiuk? (1 Johan­nesi 4:8) An­niarfim­mik ikualasumik ajoqersuut kuk­kup­pat, taavami qilam­mi inuunermik ajoqersuut?

Versit Biibilimeersut uku naleqqiutikkit: Tus­siaat 146:3, 4; Apustilit Suliaat 2:25-27; Romamiut 6:7, 23