Jiisusi — Sooq toqua?

JIISUSIP nalun­ngilaa sunik aq­qusaagaqar­tus­saal­luni. Nalun­ngilaa eq­qis­sil­luni inuunaviar­nani. Nalun­ngilaa 30-t sin­nerlugit ukioqarluni inuunini peq­qar­niitsumik kipineqarumaar­toq, taman­nalu piareersimaf­figaa.

Jiisusip toqunera Biibilimi pingaar­tin­neqaqaaq. Qinerlerfis­siaq naaper­torlugu Jiisusip toqunera Kristumiut Al­lagaataan­ni Grækerisuuni imaluun­niit Testamentitaami 175-eriarlugu eq­qaaneqar­poq. Kisian­ni sooq Jiisusi naal­liut­tariaqarlunilu toqusariaqar­pa? Tamatuma paasinis­saa pingaaruteqaqaaq, Jiisusim­mi toqunera inuunitsin­nut sun­niuteqar­torujus­suusin­naavoq.

Jiisusip aqqusaagassamisut naatsorsuutigisai

Ukiumi inuuf­fim­mini kingul­lermi Jiisusip ajoqersuk­kani naal­liutsin­neqar­nis­sani toqunis­sanilu pil­lugit arlaleriarluni oqalut­tuup­pai. Naggam­mik poorskisioriar­torluni Jerusalemimukar­til­lutik apustilini aq­qaneq-marluk ima oqarfigai: “[Inuup] Er­nera palasiuner­nut al­lak­kanil­lu ilisimasunut pisin­neqas­saaq, taak­kualu toqutas­san­ngor­tis­savaat Guutimil­lu nalusunut pisis­sal­lugu, mitaatigis­savaal­lu qitserarlugulu, iperar­torlugu toqul­lugulu.”a (Markusi 10:33, 34) Sooq tamak­kua pinis­saat taama qularin­ngitsigaa?

Jiisusip inuunermi qanoq naggateqarumaar­neranik siulit­tuuter­pas­suit Al­lak­kani Hebræerisuuniit­tut nalun­ngilai. (Lukasi 18:31-33) Siulit­tuutit tul­liut­tut al­las­simaf­fin­nul­lu Biibilimiit­tunut in­nersuus­sutit taak­kua eq­quun­neran­nik ersersitsisut maluginiak­kit.

Missiarsip . . .

• Aningaasat sølvit 30-t pil­lugit kil­luutigineqar­nis­saa. — ZAKARIA 11:12; MAT­THÆUSI 26:14-16.

• Anaaler­neqarlunilu qitserar­neqar­nis­saa. — ESAJA 50:6; MAT­THÆUSI 26:67; 27:26, 30.

• Nap­pak­kamut kikiat­tor­neqar­nis­saa. — TUS­SIAAT 22:17; APUSTILIT SULIAAT 5:30.

• Toqutaanis­saa saar­ngi nal­lor­neqaratik. — TUS­SIAAT 34:21; JOHAN­NESI 19:33, 36.

• Pisuut iliveqarfian­ni ilisaanis­saa. — ESAJA 53:9; MAT­THÆUSI 27:57-60.

Tamak­ku siulit­tuutil­lu al­lar­pas­suit Jiisusimut eq­quup­put. Taan­na siulit­tuuter­pas­suit eq­quun­neran­nut sun­niuteqarsin­naasiman­ngivip­poq. Siulit­tuutit taak­kua tamarmik Jiisusimut eq­quun­nerat taas­suma ilumut Guutimit aal­lar­titaaneranut takus­sutis­saavoq.b

Soormiuna Jiisusi naal­liutsitaal­lunilu toqusariaqar­toq?

Jiisusip toqunera akerleriissutinut pingaarutilinnut akissutaavoq

Jiisusip nalun­ngilaa Naatsiivim­mi Edenimi akerleriis­sut inun­nut pin­ngor­titanul­lu anersaanut tamanut tun­ngasoq pilersimasoq. Adami Evalu pin­ngor­titamit anersaajusumit pikitsitsiumatuumit sun­ner­neqarlutik aalajanger­put Guutimut naalan­ngin­niarlutik. Aap­pariit taak­kua pikitsitsineratigut Guutip Kisimi Oqar­tus­saasutut naalak­kersuisin­naatitaanera, imaluun­niit naalak­kersueriaasia, apeq­quser­neqar­poq. Aam­ma taak­kua ajor­tulior­neratigut inuit misilin­neqar­til­lutik Guutimut ilumut aalajaat­tuas­sanersut apeq­quser­neqar­poq. — 1 Mosesi 3:1-6; Jobi 2:1-5.

Jiisusi Jehovap kisimi oqar­tus­saanerata inuil­lu as­suar­naas­susiata apeq­quser­neqar­neran­nut akis­sutaavoq pitsaaner­paaq. “Toqumut al­laat” naalal­luin­nar­nermigut Guutip kisimi oqar­tus­saaneranik tapersersuivoq. (Filip­pimiut 2:8) Jiisusip aam­ma up­per­narsar­paa inuk naam­mal­luin­nar­toq sak­kor­tuner­paamik misilin­neqaraluarluni Jehovamik ilumoorfigin­nil­luin­narsin­naasoq.

Jiisusi inuiaat aniguisinniarlugit toquvoq

Pruf­fiitip Esajap siulit­tuutigaa Mis­siarsi neriorsuutigisaq naal­liutsitaanermigut toqunermigul­lu inuit ajor­taan­nut saam­maan­nar­titsis­sutaajumaar­toq. (Esaja 53:5, 10) Jiisusip taman­na nalun­ngil­luin­nar­paa, kajumil­lunilu ‘inuunini akis­satut tun­niup­paa amerlasuut uter­tin­neqaatis­saat­tut’. (Mat­thæusi 20:28) Jiisusip inuunerminik pil­liuteqar­neratigut inuit naam­mal­luin­nan­ngitsut periarfis­saqaler­put Jehovamut at­taveqarlualer­nis­samut aam­ma ajor­timit toqumil­lu aniguisitaanis­samut. Jiisusip toquneratigut Adamip Eval­lu an­naasaata pinis­saanut — nunarsuarmi pis­sutsini naam­mal­luin­nar­tuni naas­saan­ngitsumik inuunis­samut — periarfis­saqaler­pugut.c — Saq­qum­mersitat 21:3, 4.

Illit qanoq iliorsinnaasutit

Al­laaserisani mak­kunani Jiisusip sumin­ngaan­neersuunera, sumik ulap­puteqarsimanera aam­ma sooq toqunera pil­lugit Biibilimi qanoq al­las­simasoqar­toq misis­soreer­par­put. Jiisusi pil­lugu ilumoor­tunik tamak­kunin­nga ilisiman­nin­neq taan­na pil­lugu isum­manut kuk­kusunut naq­qiis­sutaasin­naagin­nan­ngilaq. Ilumoor­tut tamak­ku naaper­torlugit iliuuseqar­tar­neq pil­luaq­qusaanermik — maan­nak­kut pitsaanerusumik inooriaaseqar­nermik siunis­samilu naas­saan­ngitsumik inuunermik — kinguneqarsin­naavoq. Biibilimi oqalut­tuarineqar­poq pil­luaq­qus­sutit taak­ku misigis­sagutsigit qanoq ilior­tariaqar­tugut.

• Jiisusi Kristusi taas­sumalu Jehovap siuner­taani inis­sisimaf­fia pil­lugit paasiniaagit. — JOHAN­NESI 17:3.

• Jiisusimut up­perit inooriaatsik­kul­lu ersersil­lugu taan­na an­naas­sisutut akueralugu. — JOHAN­NESI 3:36; APUSTILIT SULIAAT 5:31.

Jehovap Nalunaajaasuisa il­lit Jiisusi Kristusi, Guutip ‘er­nitua’, pil­lugu paasisaqar­nerunis­san­nut ikiorusup­paatsit. Taan­na aq­qutigalugu ‘inuunermik naas­saan­ngitsumik’ tunis­sut pisin­naavar­put. — Johan­nesi 3:16.