Ullormi eqqartuussiffissami susoqassava?

1. Ulloq eqqartuussiffissaq suua?

Soorlu as­silis­sami qup­per­nerup taler­piatungaaniit­tumi takusin­naagit inup­pas­suit takorloor­tar­paat ul­lormi eq­qar­tuus­sif­fis­sami tar­nit mil­liardil­lit Guutip is­siavis­saarsuata saanut sas­sar­tin­neqas­sasut sior­natigul­lu iliuuserisarsimasatik tun­ngavigalugit eq­qar­tuun­neqas­sasut — ilaat qilam­mi inuunis­samik akis­sarsisin­neqas­sal­lutik al­lal­lu an­niarfim­mi naas­saan­ngitsumik an­niar­titaas­sal­lutik. Biibilimili takutin­neqar­poq inuit naaper­tuil­luan­ngin­nermit an­naan­nis­saat ul­lup eq­qar­tuus­sif­fiup siuner­tarigaa. (Tus­siaat 96:13) Nunarsuarmi naaper­tuil­luar­neq atuutilerseq­qin­niarlugu Guutip Jiisusi eq­qar­tuus­sisus­satut toq­qarsimavaa. — Atuakkit Esaja 11:1-5; Apustilit Suliaat 17:31.

2. Ullormi eqqartuussiffimmi naapertuilluarneq qanoq atuutilerseqqinneqassava?

Inuk siul­leq, Adami, piaaraluni Guutimut pikitsitsim­mat kinguaavi tamarmik ajor­timut, naal­liun­nermut toqumul­lu naalatsigitiler­put. (Romamiut 5:12) Jiisusip naaper­tuil­luar­neq atuutilerseq­qin­niarlugu inuit mil­liardil­lit toqumit makitis­savai. Saq­qum­mersitani takutin­neqar­poq taman­na Jiisusip ukiuni 1000-ini naalak­kersuinerani pis­sasoq. — Atuakkit Saqqummersitat 20:4, 11, 12.

Toqumit makititaasimasut sior­natigut qanoq iliorsimanerat tun­ngaviginagu kisian­ni ‘map­persak­kat’, Saq­qum­mersitani kapitali 20-mi eq­qaaneqar­tut, imai qanoq qisuariarfigineraat tun­ngavigalugu eq­qar­tuun­neqas­sap­put. (Romamiut 6:7) Apustili Paulusi oqar­poq toqumit makititaasimasut Guutilu pil­lugu ilin­niar­nis­samut periarfis­saqalersut ilaat tas­saas­sasut “iluar­tut iluaatsul­lu”. — Atuaruk Apustilit Suliaat 24:15.

3. Ullormi eqqartuussiffimmi suut naammassineqassappat?

Jehova Guuti ilisimanagu kif­far­tuus­simanagulu toqusimasut inut­tut al­lan­ngor­nis­samut ‘ajun­ngitsumil­lu ilior­nis­samin­nut’ periarfis­sin­neqas­sap­put. Makititaasimasut ajun­ngitsuliorunik “inuunis­samut” makititaas­sap­put. Makititaasimasul­li ilaat Jehovap aq­qutigeq­qusai ilin­niarusus­san­ngilaat. Taak­ku ‘makil­lutik eq­qar­tuun­neqas­sap­put’. — Atuakkit Johannesi 5:28, 29; Esaja 26:10; 65:20.

Ul­loq eq­qar­tuus­sif­fik ukiunik 1000-inik sivisus­susilik naam­mas­sip­pat Jehovap aal­laq­qaam­mul­li siuner­tarisimasamisut inuiaat naalat­tut naam­mal­luin­nar­tun­ngor­tis­savai. (1 Korinthimiut 15:24-28) Inuian­nut naalat­tunut tamanut neriuut nuan­ningaarami! Misiliutitut kingul­ler­tut Guutip Saatani Diaavulu itinersuarmit ukiuni 1000-ini par­naarus­saaq­qaf­fianit iperas­savaa. Saatanip inuit Jehovamut tunus­sitin­niarsareq­qis­savai, inuil­li Saatanimik itigar­titsisut nunarsuarmi naas­saan­ngitsumik inuus­sap­put. — Atuakkit Esaja 25:8; Saqqummersitat 20:7-9.

4. Ulloq eqqartuussiffik alla suna inuiannut iluaqutaassava?

Iluaatsunut ‘ul­loq eq­qar­tuus­sif­fik’ aam­ma Biibilimi eq­qaaneqar­poq, ul­lormilu tas­sani pis­sutsit aaq­qis­suus­saanerat maan­na atuut­toq atorun­naarsin­neqas­saaq. Ul­loq eq­qar­tuus­sif­fik taan­na Noap nalaani ulersuaqar­neratul­li tas­san­ngaan­naq aal­lar­tis­saaq, taamanilu inuit ajor­tut kinguaariit ataatsik­kut suujun­naarsin­neqar­put. ‘Iluaatsunil­li’ suujun­naarsitsinis­saq nunarsuarmi inuiaat ‘iluar­tut najugaqar­nis­saan­nik’ aq­qutis­siuis­saaq. — Atuakkit 2 Petrusi 3:6, 7, 13.