Mosesi — angut up­per­toq

UP­PER­NEQ SUUGAMI?

Biibilimi oqaaseq “up­per­neq” ator­neqar­toq up­per­narsaatit takus­saan­ngitsuusut tutsuiginar­tut tun­ngavigalugit up­perisaqar­nermut tun­ngas­suteqar­poq. Inuup Guutimik up­perin­nit­tup taas­suma neriorsuutiminik eq­quutitsiumaar­nera qularutigin­ngil­luin­nar­tar­paa.

MOSESIP UP­PER­NINI QANOQ ERSERSIT­TAR­PAA?

Guutip neriorsuutaanik up­perin­nin­nini Mosesip inuunermini pingaar­ner­paatip­paa. (1 Mosesi 22:15-18) ‘Sivikitsuin­narmik ajor­timi inuul­luataar­nis­samin­ngar­nit Guutip in­nut­tai naal­lioqatigerusun­nerugamigit’ Mosesi Egyptenimi ilorrisimaarluni inoorusun­ngilaq. (Hebræerit 11:25) Kingusin­nerusuk­kut peq­qis­simis­sutigisas­saminik eq­qarsaq­qaar­nani taamatut aalajanger­pa? Naamik, Biibilimimi al­las­simavoq Mosesi ‘takus­saan­ngitsumik isigisaqarlunilusooq piner­tusaar­toq’. (Hebræerit 11:27) Mosesip up­per­nini pis­sutigalugu aalajangiisar­nini peq­qis­simis­sutigin­ngisaan­nar­pai.

Mosesi al­lat up­per­neran­nik nakus­satsitsiniar­tuar­poq. As­sersuutigalugu Israelik­kut Faraop sak­kutuuisa Im­mal­lu Aap­palaar­tup akor­nan­ni qimaariarfis­saarup­pasin­neran­ni qanoq pisoqar­toq eq­qarsaatigiuk. Israelik­kut ajunaar­nersuaqarsin­naaneranik siooragin­nip­palul­lutik Jehovamut Mosesimul­lu ikioq­qul­lutik nil­liap­put. Mosesi qanoq perias­sava?

Guutip Israelik­kut qimaaf­fis­saan­nik aq­qutis­siuuk­kumal­lugit Im­mamik Aap­palaar­tumik avitsiumaar­nera Mosesip nalusimas­savaa. Guutil­li in­nut­taminik ser­nis­suiniarluni arlaan­nik iliuuseqarumaar­nera Mosesip qularutigin­ngil­luin­nar­paa. Mosesil­lu Israelik­kut nam­minermisul­li up­perin­nin­nis­saat kis­saatigaa, imami al­las­simasoqar­poq: “Mosesil­li Israelik­kut oqarfigai: ‘Erseqinasi! Inis­sititerlusi Naalak­kap an­naan­niarlusi qanoq ilior­nis­saa isigin­naagin­narsiuk.’” (2 Mosesi 14:13) Mosesip Israelik­kut up­per­neran­nik nakus­satsitsiniar­nera iluatsip­pa? Aap, Biibilimimi ima al­las­simasoqar­poq: “Up­per­nik­kut Imaq Aap­palaar­toq nunatut paner­tutut ingerlavigaat.” (Hebræerit 11:29) Mosesip up­per­nini nam­mineq iluaqutigiin­nan­ngilaa, aam­mali maligas­siaanik ilin­niarfigin­nit­tut tamarmik iluaqutigaat.

QANOQ ILIN­NIARFIGISIN­NAAVAR­PUT?

Inuunitsin­ni Guutip neriorsuutaanik pingaar­ner­paatitsinitsigut Mosesi ilaarsin­naavar­put. As­sersuutigalugu Guutip neriorsor­paatigut taas­sumin­nga pal­lorfigin­nin­nitsin­nik sal­liutitsigut­ta pigisatigut pisariaqar­titatsin­nik isumas­sorumaarluta. (Mat­thæusi 6:33) Soorunami nunarsuarmi inuuf­figisatsin­ni pigisaleritunerup nalingin­naaqisup akior­nis­saa unam­miniar­nar­tis­sin­naavar­put. Pilimanian­ngitsumil­li inuunis­sar­put aalajangiusimajuarutsigu pal­lorfigin­nin­ner­pul­lu sal­liutit­tuarutsigu Jehovap pisariaqar­titatsin­nik tamanik tuniumaaraatigut qularutigin­ngil­luin­narsin­naavar­put. Ima neriorsor­paatigut: “Iperas­san­ngilak­kit im­miniigin­nas­sanal­lu.” — Hebræerit 13:5.

Uagut­taaq Mosesitut al­lat up­per­neran­nik sapin­ngisatsin­nik nakus­satsitsiniar­tar­pugut.As­sersuutigalugu angajoq­qaajul­luar­tut meeq­qami up­per­neran­nik ineriar­tor­titsinis­samin­nut im­mik­kut pisin­naatitaaf­fitsik eq­qumaf­figis­savaat. Meeq­qat peroriar­tor­nermin­ni Guutip piuneranik taas­sumalu suup eq­qor­tuuneranut suul­lu eq­qun­ngitsuuneranut najoq­qutas­sianik uagutsin­nut tun­nius­sisimaneranik pingaaruteqarluin­nar­tumik ilisimasaqar­neq pisariaqar­tip­paat. Tamatuma saniatigut taas­suma najoq­qutas­siaanik maleruaanerup pitsaaner­paaneranik paasin­nin­nis­saan­nut ikior­neqar­tariaqar­put. (Esaja 48:17, 18) Angajoq­qaat meeq­qatik Guutip piuneranik ‘ujarlersiminil­lu akis­sarsisitsiumaar­neranik’ up­perin­niler­nis­saan­nut ikiorunik­kit erlin­nar­tumik tunis­savaat. — Hebræerit 11:6.