Guutip ikin­ngutigerusup­paatit

SOOQ QULAR­TOQAR­TOQ: Guutimik up­perin­nit­tor­pas­suit taas­suman­nga ungasil­lutik misigip­put. Christina, Irlandimiu naalagiar­tar­toq, ima oqar­poq: “Guuti sunik tamanik pin­ngor­titsisuin­nar­tut isigaara, ilisarisiman­ngilaralu. Qanit­tumik at­taveqarfigalugu misigin­ngisaan­nar­punga.”

GUUTIP OQAASIANI AJOQERSUU­TIGINEQAR­TOQ: Tam­mar­tutut misigigaangat­ta Jehovap im­miniigin­nar­neq ajor­paatigut. Guutip uagutsin­nik isumas­suinera Jiisusip ima paasinarsar­paa: “Inuup 100-nik savaateqar­tup taak­kua ilaat ataaseq tam­mar­pat ilai 99-it qaq­qanut qimal­lugit tam­mar­toq ujariar­tus­san­ngin­ner­paa? ... Taamat­taaq Ataatas­si qilan­niit­tup piumasarin­ngilaa min­nin­nguit ukua ilaan­nik ataatsimil­luun­niit tam­mar­toqas­sasoq.” — Mat­thæusi 18:12-14.

‘Min­nin­nguit taak­kua ilaat’ tamarmik Guutimit pingaar­tin­neqar­put. Guutip “tam­mar­toq” qanoq ‘ujar­tar­paa’? Al­las­simaf­fik qulaani is­suar­neqar­toq naaper­torlugu Jehovap inuit im­minut kajungilersit­tar­pai.

Itsaq Guutip inuit eq­qor­tuliorusut­tut ataasiak­kaat im­minut kajungilersit­tar­pai. As­sersuutigalugu kristumiut siul­liit nalaan­ni Guutip kristumiu Filipi aal­lar­tip­paa Etiopiamiu angalasoq naapigiaq­qul­lugu siulit­tuutip Biibilimeersup Etiopiamiup atuagaata isumaanik oqalut­tuun­nias­sam­magu. (Apustilit Suliaat 8:26-39) Aam­ma Guutip apustili Petrusi Romamiut sak­kutuuisa naalagaan­nut Cor­neliusimut, qinusarlunilu sapin­ngisani naaper­torlugu guutisior­tumut, siulersor­paa. (Apustilit Suliaat 10:1-48) Aam­mat­taaq Guutip apustili Paulusi taas­sumalu angalaqatai kuum­mut il­loqarfiup Filip­pip avataaniit­tumukar­tip­pai. Tas­sani ‘Guutimik mianerin­nit­toq Lydia’ naapip­paat, “Naalak­kal­lu taas­suma uum­mataa am­mar­paa Paulusip oqaasiinik pigilius­sisil­lugu”. — Apustilit Suliaat 16:9-15.

Tas­sa Jehovap im­minik ujarlersut im­minik ilisarisiman­nileq­qul­lugit periarfis­sip­pai. Ul­lumik­kut kik­kut inun­nut sumiik­kaluar­tunul­luun­niit or­nigul­lutik Guuti pil­lugu tusarlius­saq Biibilimeersoq tusarliut­tar­paat? Inup­pas­suit ima akis­sap­put: “Jehovap Nalunaajaasuisa.” Im­minut ima aperigit: ‘Imaas­sin­naava Guutip taak­ku aq­qutigalugit im­minut kajungilersin­niaraanga?’ Guutip im­minut kajungilersin­niarlutit iliuusii ajun­ngitsumik qisuariarfigisin­naaq­qul­lugit taas­sumun­nga qinoq­qul­lutit kajumis­saar­patsigit.a