Oqaluus­siner­put qanoq aningaasalersor­neqar­pa?

Ukiut tamaasa Biibilit Biibililersaarutil­lu 100 mil­lionilik­kuutaat naqiter­tarlugil­lu nas­sius­suut­tar­pavut. Nunani tamalaani im­mik­koor­tor­taqarfiit naqiteriveqarfiil­lu atugas­savut sanaar­tor­tar­pavut. Ilagiit 10 tuusintilik­kuutaat sumiif­fin­ni ingasaas­sil­luni kusas­sagaan­ngitsuni, naalagaaf­filersaarfin­nik taaneqar­tar­tuni, ataatsimiit­tar­put. Tamak­ku qanoq aningaasalersor­neqar­tar­pat?

Suliner­put kajumis­sutsimik tunis­suteqar­nermit taamaal­laat aningaasalersor­neqar­poq. (2 Korinthimiut 9:7) 1879-imi atuagas­siap matuma siul­ler­paap tul­liani ima al­las­simasoqar­poq: “‘Zion’s Watch Tower’ [taamani atuagas­siap taaguutaa], up­perisar­put naaper­torlugu JEHOVAMIT saq­qum­mersin­neqar­tar­toq, taperseq­qul­luni qin­nuuluun­ngisaan­nas­sal­lunilu qinun­ngisaan­nas­saaq.” Suli taamaalior­nis­sar­put aalajangiusimavar­put.

Tunis­sutit im­mik­koor­tor­taqarfim­mut nas­siut­tarlugil­luun­niit naalagaaf­filersaarfin­ni aningaasanik nak­kaatitsivin­nut nak­kar­tit­tar­pavut. Iser­titat qulinginik akiliisitsiniar­toqar­neq ajor­poq, katersuisitsiniar­toqar­neq ajor­poq kif­far­tuus­sinerlu Biibililersaarutil­luun­niit pil­lugit akileeq­qusisoqar­neq ajorluni. Akeqan­ngitsumik oqaluus­sisarlutalu ilagiin­ni ilin­niar­titsisarlutalu pal­lorfigin­nit­tarfin­nik sanaar­toqataasar­pugut. Jiisusi ima oqar­poq: “Akeqan­ngitsumik tunineqar­pusi, akeqan­ngitsumik tunisigitsi!” (Mat­thæusi 10:8) Im­mik­koor­tor­taqarfin­ni qul­lersaqarfim­milu kif­far­tor­tut, Jehovap Nalunaajaasuisa Siulersuisoqatigiivi ilan­ngul­lugit, akis­sarsiaqan­ngil­lat.

Tunis­sutit aam­ma pin­ngor­titami ajunaar­nersuarmut tun­ngatil­lugu ator­neqar­tar­put. Kristumiut siul­liit atugarlior­tunik ikiuiner­tik nuan­naarutigaat. (Romamiut 15:26) Uagut­taaq ajunaar­nersuarmit eq­qugaasut angerlarsimaf­fim­min­nik ataatsimiit­tarfim­min­nil­lu sanaar­tor­tut ikior­tarlugil­lu nerisas­sanik, atisanik nakorsaatinil­lu tunisar­pavut.