NALUNNGILIUK?

Josefip kina ataatagaa?

Josefi, sanasoq Nazaretimiu, Jiisusimut ataatarsiaavoq. Josefil­li kina ataatagaa? Mat­thæusip iivangkiiliuani Jaaku Jiisusip siuaasaatut eq­qaaneqar­poq, Lukasili al­lap­poq Josefi ‘Elip er­nerigaa’. Sooq naaper­tuup­pasin­ngil­lat? – Lukasi 3:23; Mat­thæusi 1:16.

Mat­thæusip iivangkiiliuani grækerit oqaasiinit “Jaakup Josefi [er­ner­taaraa]”-mik nutser­neqar­tumit ersersin­neqar­poq Josefip Jaaku ataatavigigaa. Tas­sa Daavip kinguaavinik kun­ngik­kormiunik Josefip siuaaqar­nera taamaalil­lunilu kun­ngius­sutsip er­nersiaanut, Jiisusimut, ingerlateq­qin­neqarsin­naanera Mat­thæusip al­laatigaa.

Lukasili al­lap­poq ‘Josefi Elip er­nerigaa’. Matumani oqaaseq ‘er­nera’ aam­ma ‘ningaamik’ isumaqar­poq. Taamatut­taaq Lukasip iivangkiiliua 3:27-mi “Shealtieli”, Jekonjap er­nera, ‘Nerip er­neranik’ taaneqar­poq. (1 Nalunaarsuutit 3:17; Mat­thæusi 1:12) Shealtieli Nerip pania atiagut taaneqan­ngitsoq nuliar­taarigamiuk Nerimut ningaan­ngor­poq. Taamatut­taaq Elip pania Maria Josefip katik­kamiuk tas­saaler­poq ‘Elip er­nera’. Tas­sa Jiisusip anaanamigut, Mariak­kut, “uinik­kut” siuaavi Lukasip al­laatigai. (Romamiut 1:3) Jiisusip anaanaminit ataataminil­lu siuaavi Biibilimi al­las­simap­put.

Biibilip nalaani annoraamerngit qalipaatissallu suut atorneqartarpat?

Savat, savaasat qatigat­tuul­lu meq­qui itsaq Kangiani qiterlermi an­noraaminiliarineqar­tar­put. Uumasut meq­quinit an­noraaminiliat nalingin­naaner­paap­put, Biibilimilu savat, kis­saaneq atisal­lu savat meq­quinit sanaat eq­qaaneqakulasar­put. (1 Samueli 25:2; 2 Kun­ngit 3:4; Jobi 31:20) Ilupaas­sias­sat kanaar­taat, atisanut an­noraaminer­nut ator­neqar­tar­tut, Egyptenimi Israelimilu naatin­neqar­tar­put. (1 Mosesi 41:42; Josva 2:6) Biibilip nalaani Israelik­kut bomuldinik naatitsisarsimagunan­ngil­lat, Al­lak­kanili an­noraas­sias­sat ikaar­titik­kat Persiami ator­neqar­tar­nerat al­laatigineqar­poq. (Esteri 1:6) Siiliki akisuujuvoq qaqutigoor­toq niuer­tunit angalasar­tunit Kangiani ungal­lermeersunit nioq­qutigineqar­tar­toq. – Saq­qum­mersitat 18:11, 12.

Atuak­kami Jesus and His World-imi al­las­simavoq “an­noraas­sias­sat as­sigiin­ngitsunik, qaq­qoris­sumiit kajor­tumut taar­tumut, qalipaateqar­tar­tut”. Tamatuma saniatigut an­noraas­sias­sat qalipan­neqar­tar­put. Pur­puri akisooq uumasunit qitut­tunit aalajangersimasunit piiagaasar­poq. Naasut, sorlaat, pilut­tat sul­lineril­lu aap­palut­tumik, sungaar­tumik, tungujor­tumik qer­ner­tumil­lu qalipaasior­nermut ator­neqar­tar­put.