Anersaat silarsuaanniittut pillugit apeqqutit

Inup­pas­suit oqar­tar­put anersaat silarsuaat ilisimasaqarfigisin­naan­ngik­kip­put tas­san­ngaan­neersunik oqalut­tuuk­kiar­tor­neqarsiman­ngin­nat­ta. Tun­ngavilersuinerli taman­na eq­qun­ngilaq. Jiisusi Kristusi nunamut pin­ngik­kal­larami qilam­miip­poq, anersaat silarsuaan­ni. Taman­na iser­tor­nagu Jiisusi nalimini up­perisarsior­nik­kut siut­tunut ima oqar­poq: ‘Qilam­mit aq­qar­punga uanga nam­mineq piumasara pin­nagu aal­lar­titsisimali piumasaa naam­mas­siniarlugu.’ Tas­sa Jiisusip nam­mineq misigisani apustiliminut oqalut­tuarai ima oqarami: “Ataatama il­luani inis­sat amerlaqaat.” – Johan­nesi 6:38; 14:2.

Jiisusip Guuti, Jehovamika atilik, ataatagaa. Jehoval­lu ‘il­lua’ qilan­niip­poq. (Tus­siaat 83:19) Tas­sa Jehovap Guutip aam­ma Jiisusip Kristusip silarsuaq takus­saan­ngitsoq kimil­luun­niit oqalut­tuaril­luar­nerusin­naavaat. Itsaq inuit aalajaatsut alutor­nangaar­tunik takorruuisin­nerisigut anersaat silarsuaat pil­lugu sor­pas­suit paasinarsisip­paat.

Al­laaserisami tul­liut­tumi angutit takorruuisin­neqar­nik­kut takusaat Biibilimi al­laatigineqar­tut sam­mineqar­put. Takorruuk­kat taak­ku misis­sor­til­lugit eq­qaamajuk anersaat silarsuaat inuit silarsuaan­nit allaanerusoq, tas­sa inuit tigusin­naasaan­nik takusin­naasaan­nil­lu soqan­ngilaq. Taamaat­tumik anersaat silarsuaat pil­lugu pin­ngor­titat anersaajusut kisimik paasisin­naasaan­nik nas­suiaanani Guuti takorruuisitsinermigut anersaat silarsuaata qanoq it­tuunera inun­nut paasisin­naan­ngor­tip­paa. Takorruuk­kat taak­ku iluaqutigalugit kik­kut qilam­mi ‘inis­sani amerlaqisuni’ ineqar­nersut paasis­savat.