Guuti qanoq iliorsimava?

Inuit arlaat ilisarisimaler­niaruk­ku taas­suma naam­mas­sisimasai unam­miniar­nar­tunul­lu qanoq iliuuseqarsimasoq paasiguk­kit ilisarisimaler­nis­saanut iluaqutigis­savat. Taamatul­li Guuti ilisarisimal­lualerumaguk­ku qanoq iliuuseqarsimanersoq paasisariaqar­pat. Ilisarisimaler­niar­til­lugu im­maqa tupaal­laatigis­savat uagut iluaqutigisatsin­nik siunis­satsin­nul­lu tun­ngasunik itsaq qanoq iliorsimanersoq paasiguk­ku.

GUUTI ILUAQUTISSATSINNIK SUNIK TAMANIK PINNGORTITSIVOQ

Jehovap pin­ngor­titsisorsuup pis­susii takus­saan­ngitsut “silarsuup pin­ngor­titaaneraniil­li takus­saagaluar­put suliaasigul­lu ilisimaneqarlutik”. (Romamiut 1:20) “Naalak­kap nuna pin­ngor­tip­paa pis­saas­sutsimigut silarsuarlu tun­ngavilerlugu ilisimas­sutsimigut, paasisimasaqas­sutsimigul­lu qilak isivitip­paa.” (Jeremia 10:12) Guutil­lu uagutsin­nik soqutigin­nin­nera pin­ngor­titarsuup alutor­nar­neranit erser­poq.

Jehovap inuit “im­minik as­silil­luni” pin­ngor­tik­kamigit inuunitsin­nik im­mik­kuul­laris­suutitsinera eq­qarsaatigiuk. (1 Mosesi 1:27) Tas­sa imaap­poq pis­susiminik nuan­ningaar­tunik an­nikik­kaluamik ilaarsisin­naatip­paatigut. Anersaak­kut it­tunik, tas­sa nam­mineq isigin­nit­taatsiminik pingaar­titaminil­lu, paasin­nis­sin­naatip­paatigut. Paasisavul­lu tamak­ku inuunitsin­ni maleruarutsigit pil­luar­nerul­lutalu inuuner­put siuner­taqar­nerus­saaq. Aam­mat­taaq im­minut at­taveqarsin­naatip­paatigut.

Guutip uagutsin­nut misigis­susii pin­ngor­titarsuarmit erser­put. Apustili Paulusi al­lap­poq Guuti ‘im­minut nalunaajaas­sutigisimasoq ajun­ngitsulior­nermigut tunisarlusi qilam­mit sialum­mik ul­lunil­lu naal­luarfiusunik, qaarsil­lar­tit­tarlusi uum­matisilu nuan­naar­tit­tarlugit’. (Apustilit Suliaat 14:17) Guutip inuugin­nar­nis­samut pisariaqar­tuin­nar­nik pilersun­ngilaatigut. Inuunitsin­nik nuan­naarutigin­nis­sin­naatil­luta naam­mangaar­tunik as­sigiin­ngitsor­pas­suar­nil­lu pilersitsivoq. Tamak­kor­pas­suit Guutip uagutsin­nut tun­niuk­kumasaasa ilaminiin­naraat.

Jehovap nunarsuaq inun­nut pin­ngor­tip­paa. Biibilimi ima al­las­simavoq: ‘Nuna inun­nut tun­niup­paa’ aam­ma “soqan­ngitsus­san­ngorlugu pin­ngor­tin­ngilaa, kisian­ni najugaqarfis­san­ngor­til­lugu”. (Tus­siaat 115:16; Esaja 45:18) Kik­kut najugaqarfigis­savaat qanorlu sivisutigisumik? “Iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsumik.” – Tussiaat 37:29.

Taamaat­tumik Jehovap angut siul­leq Adami ar­narlu siul­leq Eva pin­ngor­tip­pai nuna paratiisiusoq “naggoris­saq­qul­lugu paareq­qul­lugulu”. (1 Mosesi 2:8, 15) Guutip taak­ku marlun­nik pis­sanganar­tunik sulias­sip­pai: “Kinguaas­siorlusi amerliar­toritsi nunarsuaq tamak­kerlugu ilis­sin­nul­lu naalatsigitil­lugu.” (1 Mosesi 1:28) Adami Evalu nunami naas­saan­ngitsumik inuusin­naagaluar­put. Ajoraluar­tumil­li Guutimut naalan­ngin­niarlutik aalajanger­put taman­nalu pis­sutigalugu ‘iluar­tunut nunamik kingor­nus­sisus­sanut’ ilaajun­naarlutik. Takus­savar­pul­li taak­kua iliuusii Jehovap nunarsuarmut siuner­taminik al­lan­nguis­sutigin­ngik­kai. Siul­lermil­li Guuti aam­ma qanoq iliorsimanersoq sam­meriar­tigu.

GUUTIP BIIBILI TUNNIUPPAA

Biibili Guutip oqaasianik taaneqar­tar­poq. Sooq Jehovap Biibili uagut pil­luta pilersip­paa? Pingaar­ner­tut, Jehova ilisarisimaler­nias­sagatsigu. (Ussatit 2:1-5) Ilumoor­poq Guuti pil­lugu apeq­qutigisin­naasavut tamarmik Biibilimi – atuak­kaniluun­niit al­lani – akineqan­ngitsut. (Oqaluussisartup oqaasii 3:11, Testamentitoqaq 1990-imi naqitigaq) Guutil­li ilisarisimaler­nis­saanut Biibili tamaat iluaqutigis­savar­put. Inun­nik qanoq pin­nit­tar­nersoq pil­lugu atuar­nitsigut taan­na qanoq it­tuunersoq paasis­savar­put. Inuit qanoq it­tut nuan­narinerai nuan­narin­ngin­neraalu malugis­savar­put. (Tussiaat 15:1-5) Guutisior­nermut, ileq­qoris­saar­nermut pigisanul­lu isigin­nit­taasia paasisaqarfigis­savar­put. Jiisusip oqaasii iliuusiilu Jehovap qanoq it­tuuneranik takorlooruminar­ner­paatitsip­put. – Johannesi 14:9.

Jehovap oqaatsiminik, Biibilimik, pilersitsineranut pis­sutaasoq al­la tas­saavoq pil­luarluta siuner­taqar­tumil­lu qanoq inuusin­naasugut paasisin­naanias­sagatsigu. Biibili aq­qutigalugu Jehovap oqalut­tuup­paatigut ilaqutariit­tut qanoq pil­luarsin­naasugut, qanoq nalerisimaarsin­naasugut isumakuluutil­lu naam­magalugit qanoq atorsin­naagivut. Atuagas­siamilu matumani qup­per­nerit tul­liut­tut ilaan­ni nas­suiar­neqar­poq inuunermi apeq­qutit pingaarutil­lit Biibilimi akineqar­tut, ilaatigut uku: Sooq taama naal­liun­nar­toqar­tigaa? Siunis­saq qanoq is­sava? Aam­ma nas­suiar­neqar­poq Guutip aal­laq­qaam­mut siuner­tani naam­mas­sisin­naaq­qul­lugu qanoq iliorsimasoq.

Biibili atuagaavoq Guutimeersoq al­lar­pas­suar­tigut­taaq maluginiar­nar­tuusoq. Ukiut 1.600-t ingerlaneran­ni angutinit 40-nit al­lataagaluar­toq Guuti tamatumin­nga atuak­kior­tuum­mat oqariar­tuutaa ataasiin­naavoq. (2 Timotheusi 3:16) Atuak­kiat itsaq al­latat al­lat tam­marsimanerat­tut in­nani ukiut ingerlaneran­ni Biibili tamarmi tam­matsaalineqar­poq, Biibilil­lu suli eq­qorluar­tuuneranut al­lagatoq­qat as­sam­mik al­latat itsar­nitsat up­per­narsaataap­put. Aam­ma Biibilip nutser­neqatsaalinera, siam­matsaalineqar­nera atuar­neqatsaalineralu iluatsin­ngil­lat. Ul­lumik­kut atuak­kanit siam­marsimaner­paajul­lunilu nutser­neqar­ner­paajuvoq. Biibilip piujuar­nera up­per­narsaataavoq ‘Guutit­ta oqaasiata naas­saan­ngitsumik atanis­saanut’. – Esaja 40:8.

GUUTIP SIUNERTAMI NAAMMASSINEQARNISSAA QULAKKEERPAA

Guutip pilersitaa al­la tas­saavoq siuner­tami naam­mas­sineqar­nis­saa qulak­keer­niarlugu im­mik­kut it­tumik pilersitsinera. Eq­qaaneqareersutut Guutip inuit nunami naas­saan­ngitsumik inuunis­saat siuner­taraa. Adamili Guutimut naalan­ngin­niarluni aalajangerami taamaalil­lunilu ajor­tuliorami nam­mineq qitor­nar­taas­samilu naas­saan­ngitsumik inuunis­sar­tik an­naavai. ‘Inuk­kut ataasiin­nak­kut ajor­ti silarsuarmut tikiup­poq ajor­tik­kul­lu toqu tikiul­luni, taamatut toqu inun­nut tamanut an­ngup­poq tamarmik ajor­tuliormata.’ (Romamiut 5:12) Adami naalan­ngim­mat Guutip siuner­taa piviusun­ngorsin­naar­pasik­kun­naar­poq. Jehova qanoq qisuariar­pa?

Jehovap iliuusii pis­susiinut naaper­tuup­put. Naaper­tuil­luarluni Adami Evalu iliuusiinut akisus­saatip­pai, asan­nil­lunili kinguaarilerumaagaan­nut siunis­saqar­titsivoq. Jehova ilisimas­sutsimini aalajanger­poq qanoq ilius­sanerluni, ingerlaan­narlu aaq­qiis­sutis­saq nalunaarutigaa. (1 Mosesi 3:15) Ajor­timit toqumil­lu aniguif­fis­saq Guutip er­nera Jiisusi Kristusi aq­qutigalugu pilersin­neqas­saaq. Qanoq?

Inuit Adamip pikitsitsineranit uter­tik­kumal­lugit Jehovap Jiisusi aal­lar­tip­paa inuit inuunermut aq­qum­mik ilin­niar­teq­qul­lugit “inuuninilu akis­satut tun­niutis­sal­lugu amerlasuut uter­tin­neqaatis­saat­tut”.a (Matthæusi 20:28; Johannesi 14:6) Jiisusi inuugami Adamitul­li naam­mal­luin­nar­toq uter­titsis­sum­mik pilersitsisin­naavoq. Adamili naalan­ngitsuusoq as­siginagu Jiisusi al­laat toqumut naalal­luin­nar­tuuvoq. Jiisusi ajor­tiliun­ngin­nami toqusus­saan­ngik­kaluar­poq, taamaat­tumik Jehovap toqusunit qilam­mut makitip­paa. Maan­na Adamip saper­nar­titaa – inuit naalat­tut naas­saan­ngitsumik inuunis­saan­nik neriuutis­siineq – Jiisusip naam­mas­sisin­naaler­paa. “Soorlumi inuup ataatsip naalan­ngitsulior­neratigut inuit amerlasuut ajor­tilin­ngor­tut, taamatut inuup ataasiin­narluin­naap naalan­neratigut inuit amerlasuut iluar­tun­ngorumaar­put.” (Romamiut 5:19) Jiisusip uter­titsis­sutitut pil­liutaa iluaqutigalugu Guutip inuit nunami naas­saan­ngitsumik inuunis­saan­nik neriorsuutini naam­mas­sisin­naavaa.

Adamip naalan­ngin­nerata kingunerinut Jehovap qisuariar­neranit taan­na pil­lugu paasisaqarluar­pugut. Paasivar­put Jehovap naam­mas­siumasai sumil­luun­niit akor­nuser­neqarsin­naan­ngitsut; oqaasia iluatsit­tumik ‘naam­mas­sis­saaq’. (Esaja 55:11) Aam­ma Jehovap uagutsin­nik asan­nin­nersua qujamasuutigaar­put. “Matumuuna Guutip asan­nin­nera akor­natsin­ni saq­qum­mersin­neqarsimavoq: Guutip er­nituani silarsuarmut aal­lar­tim­magu taas­sumuuna inooq­qul­luta. Asan­nin­neq tas­saan­ngilaq uagut Guuti asagatsigu, tas­saavorli Guutip asam­matigut er­ninilu aal­lar­tim­magu ajor­tivut pil­lugit pil­liutitut saam­maan­nar­titsis­sutitut.” – 1 Johannesi 4:9, 10.

Guutip ‘al­laat er­nini erliginagu tamat­ta pil­luta tun­nius­simam­magu’ up­peraar­put Guutip neriorsuinermisut sunik ‘tamanik tuniumaaraatigut’. (Romamiut 8:32) Uagut pil­luta Guuti qanoq ilior­niarluni neriorsuiva? Qup­per­nerup tul­lia atuaruk.