Inuuneq artornarsigaangat

As­sersuutigalugu Sal­lya USA-meersoq anoraasuarsuarmi pigisami ilar­pas­suinik an­naasaqarsimasoq, ima oqalut­tuar­poq: “Piner­tusaaq­qis­sin­naajun­naar­punga. Ul­lor­pas­suar­ni ar­torsin­neqar­tutut misigivunga.”

Asasamim­mi toqusooraan­ni? Janicep Australiameersup er­nerminik marlun­nik toquk­kut an­naasaqarsimasup inuunera sus­saan­ngilaq. Ima oqalut­tuar­poq: “Guutimut ima kimigiiser­punga: ‘Guuti, uum­matiga sapilivip­poq! Siniliin­narlanga. Iteq­qik­kusun­ngilanga.’”

Daniel nuliani al­lasiorsimam­mat aliatsangaar­poq. Ima nas­suiaavoq: “Nuliara al­lasiorsimal­luni nas­suermat uum­matik­kut savim­mik kapineqar­tutul­lusooq misigivunga. Qaam­mater­paalun­ni timik­kut taamatut an­nerujus­suaqat­taar­punga.”

Napasuliaq Alapernaarsuiffik-mi matumani sam­mis­savar­put inuunermik nuan­naarutigin­neq­qit­toqalersin­naasoq ima pisoqarsimatil­lugu:

• Ajunaarnersuaqaraangat

• Asasamik toqusooraanni

• Aappaq allasiorsimappat

• Perulunnartumik nappaateqaraanni

• Misigissutsit inoorusukkunnaarsitsigaangata

Siul­lermil­li sam­meriar­tigu ajunaar­nersuaqaraangat qanoq naam­magit­tar­toqarsin­naanersoq.