“Mianersoritsi napitinneqaqqunasi”

1. Kolos­semiut 2:4, 8 naaper­torlugit Saatanip qanoq eq­qarsar­taaser­put aqun­niarsarisar­paa?

SAATANIP Jehovamit tunus­sitik­kusup­paatigut. Taman­na anguniarlugu im­minul­lu naalat­tun­ngor­tin­niarluta eq­qarsar­taaser­put sun­ner­niar­tar­paa. Malin­nias­sagatsin­ni kajungerisavut atorlugit sal­loqit­tar­niar­tarlutalu uukapaatin­niar­tar­paatigut. – Kolossemiut 2:4, 8 atuakkit.

2-3. (a) Mianersoq­qus­sut Kolos­semiut 2:8-mi al­las­simasoq sooq pingaar­tis­savar­put? (b) Al­laaserisami suut sam­mis­savavut?

² Saatanimit tam­mar­titaanis­samut ilumut navianar­torsior­pugut? Aap! Eq­qaamas­savar­put Kolos­semiut 2:8-mi mianersoq­qus­sut Paulusip up­per­tuun­ngitsunut al­lan­ngim­magu. Kristumiunut anersaamik il­ler­nar­tumik tanin­neqarsimasunut taman­na al­lap­paa. (Kol 1:2, 5) Kristumiut taamani navianar­torsior­put, uagul­li nalitsin­ni navianar­torsior­neruvugut. (1 Kor 10:12) Sooq? Saatani nunarsuarmut igitaanikuul­luni Guutip kif­faanik aalajaatsunik sapin­ngisaminik tam­mar­titsiniaam­mat. (Saqq 12:9, 12, 17) Tamatuma saniatigut nalitsin­ni ‘inuit ajor­tut peq­quserlut­tul­lu ajor­tumut nak­kaak­kiar­tuin­nar­put’. – 2 Tim 3:1, 13.

³ Saatanip ‘sal­loqit­taatit piun­ngitsut’ atorlugit eq­qarsar­taatsitsin­nik sun­niiniarsarisar­nera al­laaserisami sam­mineqas­saaq. Periaasipiluisa ilaat pingasut paasis­savavut. (Ef 6:11) Al­laaserisap tul­liani periaasii eq­qarsar­taatsitsin­nut ajor­tumik sun­niuteqarsimap­pata qanoq iliorsin­naasugut sam­mis­savar­put. Siul­ler­tul­li, Israelik­kut nunamut neriorsuutigisamut isereer­neran­ni Saatanip taak­kunin­nga tam­mar­titsisimanera qanoq ilin­niutigisin­naanerlutigu sam­meriar­tigu.

GUUTIPILUSSIORNIS­SAMUT USSERNEQARTUT

4-6. Mosesimik al­lak­kat tal­limaat 11:10-15 naaper­torlugit Israelik­kut nunami neriorsuutigisami nunalereriaatsimin­nik qanoq al­lan­nguisariaqar­pat?

⁴ Saatanip peq­qusersusaarluni Israelik­kut guutipilus­sior­nis­samut us­ser­pai. Qanoq taamaalior­pa? Nerisas­sanik atorfis­saqar­titsinerat ator­nerlul­lugu piumasaminik ilior­tin­niarsarai. Israelik­kut nunamut neriorsuutigisamut pigamik nerisas­saqarumal­lutik nunalereriaaser­tik al­lan­ngor­tit­tariaqar­paat. Israelik­kut Egyptenimi nunalerigaangamik kuus­suarmit Nilenimit imer­terisar­put. Nunamili neriorsuutigisami Nilenitut it­tumik kuus­suaqan­ngim­mat nunalerinermin­ni sialuk silaan­nal­lu isugutser­tar­nera pisariaqar­tip­paat. (5 Mosesi 11:10-15 atuakkit; Es 18:4, 5) Tas­sa Israelik­kut nunalereriaatsinik nutaanik ilin­niar­tariaqar­put. Taman­nali ajor­naatsuin­naasimanavian­ngilaq, nunalerisutum­mi misilit­tagaqarluar­tut amerlaner­paat inoqajuitsumi toqusimap­put.

⁵ Jehova in­nut­taminut nas­suiaavoq pis­sutsit atugaat al­lan­ngorsimasut. Taava nunalerinermut tun­ngas­suteqar­pasin­ngik­kaluar­tumik ima mianersoq­qusivoq: “Tunus­sititaaniaqinasili guutit al­lat guutisiorfigilerlugit pal­lorfigisarlugit.” (5 Mos 11:16, 17) Sooq Jehovap nunalereriaatsinik nutaanik ilin­niar­nis­sap eq­qar­tor­nerani guutipilus­sioq­qunagit mianersoq­quai?

⁶ Jehovap nalun­ngilaa Israelik­kut nunalereriaatsinik nunami tas­sani nalingin­naasunik ilin­niarumal­lutik guutipilus­sior­tunut saaf­figin­nin­nis­samut us­ser­nar­torsiorumaar­tut. Soorunami inuiaat eq­qaamiui nunalerinermut tun­ngatil­lugu Israelik­kun­nit misilit­tagaqar­nerup­put. Guutil­lu in­nut­taasa taak­ku ilin­niarfigingaarsin­naavaat. Navianar­tor­taqar­porli. Kana’animi nunalerisut eq­qarsar­tariaasiat Ba’alimik pal­lorfigin­nin­nermin­nik sun­ner­neqarsimavoq. Up­peraat Ba’ali qilam­mik pigin­nit­tuul­lunilu sial­ler­titsisar­tuusoq. Jehovap in­nut­tami ajoqersuutipalaanit taama it­tunit uukapaatin­neqar­nis­saat piumasarin­ngilaa. Israelik­kul­li arlaleriarlutik Ba’alimik pal­lorfigin­nin­niarlutik aalajanger­put. (4 Mos 25:3, 5; Eqq 2:13; 1 Kng 18:18) Saatani Israelik­kun­nik tam­mar­titsinermini qanoq periaaseqar­nersoq maluginiaruk.

ISRAELIKKUT SALLOQITTARNIARLUGIT SAATANIP PERIAASII PINGASUT

7. Nunamut neriorsuutigisamut pigamik Israelik­kut qanoq up­per­nik­kut misilin­neqar­pat?

⁷ Saatanip periaasia siul­leq tas­saavoq Israelik­kut sialum­mik pis­susis­samisoor­tumik kis­saateqar­neran­nik ator­nerluinera. Ukiut tamaasa apriilip naaler­neraniit septembarip naaler­neranut nunami neriorsuutigisami sial­ler­piar­neq ajor­poq. Israelik­kut nerisas­saqarumal­lutik sialuk oktobarip nalaani aal­lar­tit­tar­toq pisariaqar­tip­paat. Saatanip Israelik­kut uukapaatip­pai eq­qarsar­til­lugit nunalerinermin­ni iluatsitsis­sagunik inuiaat eq­qaamiumik ileq­qui ilaar­tariaqaraat. Inuiaat taak­kua up­peraat guutitik sial­ler­titsis­sap­pata aalajangersimasunik ileq­qulersuuteqar­tariaqarlutik. Jehovamik tatigin­nin­ngitsut ileq­qulersuutinik maleruaal­lutik Ba’alimik guutipilus­sior­put, isumaqaramik aatsaat taamaalior­nik­kut paner­nersuaqas­san­ngitsoq.

8. Saatanip periaasia al­la suua? Nas­suiaruk.

⁸ Israelik­kun­nut tun­ngatil­lugu Saatani aam­ma al­lamik periaaseqar­poq. Kinguaas­siuutitigut inuuner­lun­nis­samut us­ser­pai. Inuiaat eq­qaamiuusut maajun­nar­tunik kinguaas­siuutitigut inuunerlul­lutik guutipilus­sior­tar­put. Tamatumani ilaap­put naalaf­fim­mi ar­namik angum­mil­lu ator­tit­tar­toqar­neq. Anguteqam­mik atoqateqar­neq al­latul­lu kinguaas­siuutitigut kan­ngunar­tulior­neq akuerineqaan­narani nalingin­naasutut isigineqar­poq. (5 Mos 23:18, 19; 1 Kng 14:24) Inuiaat taak­ku isumaqar­put guutimik nuna naggoris­sitis­sap­pas­suk taamaalior­tariaqarlutik. Guutipilus­sior­tut kinguaas­siuutitigut inuunerlun­nermik ileq­qulersuuteqar­nerat Israelik­kut kajungerigamik­ku aalajanger­put guutipilus­sior­niarlutik. Taamaalil­lutik Saatanimit napitin­neqar­put.

9. Hosea 2:18, 19 naaper­torlugit Jehovap kinaaneranik Saatani Israelik­kun­nik qanoq paatsiveerutsitsiva?

⁹ Saatanip periaasiisa pingajuat tas­saavoq Jehovap kinaaneranik Israelik­kun­nik paatsiveerut­sit­sinera. Pruf­fiitip Jeremiap nalaani Jehova oqar­poq Israelik­kut pruf­fiitioq­qusersunit sun­ner­til­lutik ‘Ba’alisior­nermik­kut Jehovap atia puiorsimagaat’. (Jer 23:27) Guutip in­nut­taasa ilaasa Jehovap aq­qa taasarun­naarunar­paat Ba’alimik, ‘pigin­nit­tumik’ imaluun­niit ‘naalak­kamik’ isumaqar­tumik, taarserlugu. Taamaalior­nermik­kut Jehovap Ba’alimit al­laanerunera paasiuminaatsiler­paat, kingunerisaanil­lu Ba’alisior­nermi ileq­qulersuutit Jehovamik pal­lorfigin­nin­nermin­nut akuliup­paat. – Hosea 2:18, 19 atuakkit.

NALITSINNI SAATANIP PERIAASII

10. Nalitsin­ni Saatanip suut periaaserai?

¹⁰ Saatanip periaasii al­lan­ngorsiman­ngil­lat. Suli kis­saatinik pis­susis­samisoor­tunik ator­nerluinermigut, kinguaas­siuutitigut pileris­susipalaanik us­siinermigut aam­ma Jehovap kinaaneranik paatsiveerutsitsinermigut inun­nik napititsisar­poq. Ataasiak­kaarlugit sam­meriar­tigit, kingul­leq siul­liul­lugu.

11. Jehovap kinaaneranik Saatani inun­nik qanoq paatsiveerutsitsiva?

¹¹ Jehovap kinaaneranik Saatani inun­nik paat­siveerut­sit­sisar­poq. Apustilit toqunerisa kingor­na inuit kristumiuunerar­tut eq­qun­ngitsunik ilin­niar­titsisaler­put. (ApS 20:29, 30; 2 Th 2:3) Tunus­sisut taak­ku Guutip ilumoor­tutuap kinaaneranik paatsiveerutsitsisaler­put. As­sersuutigalugu Biibilimik as­siliil­lutik al­latamin­ni Guutip aq­qa ator­tarun­naarlugu taaguutit, soorlu “Naalagaq”, ator­taler­paat. Guutip aq­qata ‘Naalak­kamik’ taarser­neratigut Biibilimik atuar­tumut Jehovap ‘naalak­kanit’ al­lanit Biibilimi eq­qaaneqar­tunit al­laanerunerata paasil­luar­nis­saa ajor­nar­tiler­paat. (1 Kor 8:5) Jehova Jiisusilu ‘Naalak­kamik’ taagamik­kit taak­ku im­mik­koor­tik­kuminaatsiler­paat. (Joh 17:3) Taamatut paatsiveerutsitsineran­ni ataasiul­lunilu pingasuus­suseq ajoqersuutigineqar­taler­poq, naak Biibilimi ilin­niar­titsis­sutigineqan­ngik­kaluar­toq. Tamatuma kingunerisaanik inup­pas­suit up­peraat Guuti paasis­saan­ngitsuugami ilisarisimaler­neqarsin­naan­ngitsoq. Taman­na ajor­torujus­suarmik sal­lulior­neruvoq! – ApS 17:27. 

12. Up­perisarsior­nermi eq­qun­ngitsumi suna nalingin­naava, taman­nalu Romamiut 1:28-31 nas­suiar­neqar­tutut qanoq kinguneqar­pa?

¹² Saatani kinguaas­siuutitigut inuuner­lun­nis­samut inun­nik us­siiniar­tar­poq. Itsaq Israelik­kut nalaan­ni Saatanip up­perisarsior­neq eq­qun­ngitsoq aq­qutigalugu inuit kinguaas­siuutitigut inuunerlun­nis­saan­nut sun­ner­tar­pai. Nalitsin­ni aam­ma taamaap­poq. Up­perisarsior­nermi eq­qun­ngitsumi kinguaas­siuutitigut inuunerlun­neq akuerineqarlunilu nalingin­naasutut saq­qum­miun­neqar­poq. Taman­na pil­lugu Guutimut kif­far­tor­nerar­tut ilar­pas­suisa taas­suma najoq­qutas­siai paatsuugas­saan­ngitsut sumigin­narsimavaat. Paulusip Romamiunut al­lak­kamini tamatuma kingunerisai nas­suiar­pai. (Romamiut 1:28-31 atuakkit). Iliuutsit ‘ileq­qus­saan­ngitsut’ ilagaat kinguaas­siuutitigut as­suar­nar­tulior­neq, soorlu anguteqam­mik atoqateqar­neq. (Rom 1:24-27, 32; Saqq 2:20) Biibilimi ilin­niar­titsis­sutigineqar­tunik paatsuugas­saan­ngitsunik maleruaanis­sar­put pingaaruteqangaarami!

13. Saatanip periaasia al­la suua?

¹³ Saatanip pis­susis­samisoor­tumik kis­saateqar­ner­put ator­ner­lul­lugu tam­mar­tin­niar­tar­paatigut. Im­minik ilaqut­tatsin­nil­lu pilersuisin­naajumal­luta ilin­niarusus­suseqar­ner­put pis­susis­samisoor­poq. (1 Tim 5:8) Amerlaner­tigut ilin­niarfin­ni atuar­tuul­luar­nik­kut taman­na angusin­naasar­par­put. Mianersor­tariaqar­pugul­li. Nunar­pas­suar­ni ilin­niar­tut atoriaan­naasunik ilik­kagaqaan­nar­natik inuit ilisimaq­qis­saar­niutaan­nik ilin­niar­tin­neqar­tar­put. As­sersuutigalugu Guutip ilumut piunerata apeq­quser­nis­saa Biibilil­lu tutsuigin­ngin­nis­saa kajumis­saarutigineqar­tar­poq. Ilin­niar­tut oqarfigineqar­tar­put inuit silatuut tamarmik pin­ngoriar­tuaar­neq up­perisaraat. (Rom 1:21-23) Taamatut ilin­niar­titsineq ‘Guutip ilisimas­susianut’ akerliuvoq. – 1 Kor 1:19-21; 3:18-20.

14. Inuit ilisimaq­qis­saar­niutaat sunik ineriar­tor­titsip­pat?

¹⁴ Inuit ilisimaq­qis­saar­niutaat Jehovap najoq­qutas­siaanut naaper­tuil­luar­tunut akerliup­put. Guutip anersaavata inerititaanik pin­nani ‘uin­ngup suliaanik’ ineriar­tor­titsip­put. (Gal 5:19-23) Pingaar­niar­tuunermik makitanermil­lu siuarsaap­put, kingunerisaanil­lu inuit ‘tas­saaler­tar­put nam­minis­sarsior­tut’. (2 Tim 3:2-4) Taamatut pis­suseqar­neq maniguut­tuunis­samut, Guutip kif­faasa pis­suserisas­saan­nut, naaper­tuutin­ngilaq. (2 Sam 22:28) Kristumiut ilaat universitetimi ilin­niarsimasut Guutip eq­qarsaataanit pin­natik inuit eq­qarsar­taasian­nit ilusilersor­neqarsimap­put. Tamatuma qanoq navianar­tigisin­naaneranik as­sersuuteqariar­ta.

15-16. Qatan­ngutip ar­nap misigisaa qanoq ilin­niutigaajuk?

¹⁵ Qatan­ngut ar­naq ukiut 15-it sin­nerlugit pif­fis­saq tamaat kif­far­torsimasoq oqalut­tuar­poq: “Nalunaajaasutut kuisimasutut universitetimi ilin­niagaqar­nerup navianaatai atuarlugil­lu tusar­tarsimavak­ka. Tamak­kuli soqutigin­ngilak­ka, isumaqarama siun­nersuutit uan­nut atuutin­ngitsut.” Kingunerisaanik qanoq ajor­nar­torsiuler­pa? Ima nas­suer­poq: “Ilin­niagaqar­nin­nut pif­fis­saq ima an­ner­tutigisoq atorsimavara al­laat pisar­nit­tut Jehovamut qinunis­san­nut pif­fis­saqar­piarun­naarlunga. Aam­ma oqaluus­sisar­nis­san­nut ataatsimiin­ner­nul­lu piareersarluar­nis­samut qasual­laar­tar­punga. Qujanar­tumil­li paasivara qaf­fasis­sumik ilin­niagaqar­nera Jehovamut at­taveqar­nin­nut ajoqutaasoq unitsit­tariaqarlugulu. Taamaalior­pungalu.”

¹⁶ Qaf­fasis­sumik ilin­niagaqar­nini qatan­ngutit­ta eq­qarsar­taatsiminut qanoq sun­ner­neqaatigaa? Ima akivoq: “Ajoraluar­tumik taamatut ilin­niagaqar­nera al­lanik, ingam­mik up­peqatin­nik, isor­nar­torsiuinis­samut sun­ner­neqaatigaara. Aam­ma piumaf­figival­laar­tarlugil­lu im­mik­koor­niar­taler­punga. Eq­qarsar­taatsima al­lan­ngor­tin­niar­nera sivisuvoq. Inuunin­ni taama misigisaqarama paasivara Ataatat­ta qilam­miusup peqatigiis­sor­tamigut mianersoq­qus­sutaanik sumigin­naaneq qanoq navianarsin­naatigisoq. Jehovap uan­nit nalun­ngin­neruaanga. Naalas­simasariaqaraluar­para!”

17. (a) Sunis­sar­put aalajangiusimal­luin­nas­savar­put? (b) Al­laaserisap tul­liani suna sam­mis­savar­put?

¹⁷ Saatanip silarsuaata ‘ilisimaq­qis­saar­niutaanik sal­loqit­taataanil­lu piun­ngitsunik’ napitin­neqan­ngin­nis­sat aalajangiusimal­luin­naruk. Saatanimit sal­loqit­tar­teqinak! (1 Kor 3:18; 2 Kor 2:11) Jehovap kinaaneranik Saatanip paatsiveerutsitsinera itigar­tiguk. Jehovap najoq­qutas­siai qutsis­sut maleruak­kit. Siun­nersuutaasalu sumigin­nar­nis­saanut Saatanimit uukapaatin­neqaqinak. Taavami silarsuup eq­qarsar­taasianit sun­ner­neqareersimal­lutit paasiguk­ku qanoq ilius­savit? Biibili iluaqutigalugu eq­qarsaatit ileq­qul­lu pigiliutiin­nak­kat ‘pal­lit­taalisaliatut’ it­tut qanoq ajugaaf­figisin­naanerivut al­laaserisap tul­liani sam­mineqas­saaq. – 2 Kor 10:4, 5.