Isumaliutersuutit Guutimik ilisimasaqarnermut assortuisut suujunnaarsikkit!

1. Apustili Paulusi kristumiunut tanitanut qanoq peq­qusiva?

“SILARSUARMIT matuman­nga ilusilersor­tik­kun­naaritsi.” (Rom 12:2, NW) Apustili Paulusi kristumiunut siul­ler­nut taama al­lap­poq. Sooq angutinut ar­nanul­lu Guutimut tun­niul­luin­narsimasunut anersaamil­lu il­ler­nar­tumik tanin­neqarsimasunut taama toq­qaan­nar­tigisumik peq­qusiva? – Rom 1:7.

2-3. Saatanip qanoq Jehovamut tunus­sitin­niar­tar­paatigut, ajor­tumil­lu eq­qarsaq­qajaasar­ner­put qanoq suujun­naarsis­sin­naavar­put?

² Paulusip kristumiut ilaat Saatanip silarsuaata isumaliutersuutaanik ilisimaq­qis­saar­niutaanil­lu ajoqutaasunik sun­ner­neqarsimanerat isumakuluutigaa. (Ef 4:17-19) Aam­ma uagut sun­ner­neqarsin­naavugut. Jehovamit tunus­sitik­kusul­luta Saatani, silarsuup matuma guutia, ilungersorluni as­sigiin­ngitsunik periaaseqar­tar­poq. As­sersuutigalugu nam­minis­sarsiorluta anguniagaqarusuk­kut­ta tusaamasan­ngorusuk­kut­taluun­niit Jehovamit tunus­sitin­niarsin­naavaatigut. Al­laat tunuliaqutar­put, kulturer­put ilin­niagaqar­ner­pul­lu ator­nerlul­lugit im­misut eq­qarsar­tin­niarsarisin­naavaatigut.

³ Eq­qun­ngitsumik eq­qarsaq­qajaanivut ‘pal­lit­taalisaliatut’ it­tut suujun­naarsis­sin­naavavut? Paulusip akis­sutaa maluginiaruk: “Tas­sa suujun­naarsit­tar­pavut isumaliutersuutaan­naasut an­neruniar­neril­lu Guutimik ilisimasaqar­nermut as­sor­tuisut suul­luun­niit; eq­qarsaatit tamaasa Kristusimi tigusaasutut naalat­tun­ngor­tit­tar­pavut.” (2 Kor 10:4, 5) Aap, Jehova ikior­tigalugu isumaliutersuutit eq­qun­ngitsut suujun­naarsis­sin­naavavut. Soorlu toqunar­tumut akiuus­sutis­saqar­toq, Saatanip silarsuaata sun­niutaanut ajor­tunut Guutip oqaasia akiuus­sutaasar­poq.

‘EQQARSARTAATSIT NUTAANNGORTIGUK’

4. Sal­lusuis­sut ilin­nialeq­qaaratsigu amerlanersavut qanoq al­lan­nguisariaqarsimap­pat?

⁴ Sal­lusuis­sutit Biibilimeersut ilin­nialeq­qaarak­kit Jehovamil­lu kif­far­tor­nis­sat aalajangiuk­kak­ku qanoq al­lan­nguisariaqar­nerlutit eq­qarsaatigiuk. Amerlanersat­ta eq­qun­ngitsulior­nerit taamaatit­tariaqarsimavaat. (1 Kor 6:9-11) Ajor­tut taak­kua taamaatin­nis­saan­nut Jehovamit ikior­neqarsimaner­put qujamasuutigeqaar­put.

5. Romamiut 12:2 (NW) naaper­torlugu iliuuserisas­sat marluk suup­pat?

⁵ Isumaqas­san­ngilagul­li al­lan­nguisariaarul­luta. Kuisitsin­nata ingasat­tumik ajor­tulior­tarun­naareeraluarluta ajor­tulioq­qin­nis­samut us­ser­nar­tut suul­luun­niit ingalas­simanis­saat ilungersuutigiuar­tariaqar­par­put. Qanoq taamaaliorsin­naavugut? Paulusi nas­suiaavoq: “Silarsuarmit matuman­nga ilusilersor­tik­kun­naaritsi, eq­qarsar­taatsis­sili nutaan­ngor­tin­neratigut al­lan­ngoritsi.” (Rom 12:2, NW) Iliuuserisas­savut marluup­put. Siul­ler­tut, ‘silarsuarmit matuman­nga ilusilersor­tik­kun­naar­tariaqar­pugut’. Aap­paat­tut, ‘eq­qarsar­taatsit­ta nutaan­ngor­tin­neratigut al­lan­ngor­tariaqar­pugut’.

6. Jiisusip oqaasii Mat­thæusi 12:43-45 al­las­simasut qanoq ilin­niarfigaavut?

⁶ Al­lan­ngor­neq Paulusip pisaa qal­lik­kut al­lan­ngor­nerin­naan­ngilaq, qamuunali inut­tut qanoq it­tuunitsin­nut at­tuumas­suteqar­poq. (Ungalusaq “Al­lan­ngor­neq imaluun­niit al­lan­ngor­tuusaar­neq?” takuuk). Eq­qarsar­taatsitsin­nik al­lan­nguil­luin­nar­tariaqar­pugut. Qamuuna kinaas­suser­put, misigis­sutsivut pilerigisavul­lu al­lan­ngor­tariaqar­put. Taamaat­tumik tamat­ta im­minut ima aperisariaqar­pugut: “Kristumiun­ngorusul­lunga qal­lik­kuin­naq al­lan­nguivunga? Imaluun­niit qamuuna inut­tut al­lan­ngor­punga?” Matthæusi 12:43-45 al­las­simaneratut suut iliuuserineqar­tariaqar­tut Jiisusip erseq­qis­sar­pai. (Atuakkit). Jiisusip oqaasii pingaarutilim­mik ilin­niarfigaavut: Eq­qun­ngitsunik eq­qarsaateqarun­naar­neq naam­man­ngilaq – eq­qarsaatinik Guutip akuerisaanik taarser­neqar­tariaqar­put.

‘ISUMAKKUT NUTAANNGORTIGIT’

7. Isumak­kut qanoq nutaan­ngor­tis­sin­naavugut?

⁷ Isuma nutaan­ngorsin­naava? Aap, Guutip oqaasia naaper­torlugu taamaalior­toqarsin­naavoq. Ima al­las­simasoqar­poq: ‘Isumas­sigut anersaas­sigul­lu nutaan­ngor­tigitsi atil­lugulu inuk nutaaq Guuti as­silil­lugu pin­ngor­titaq iluarsuseqarlusi up­perluarlusilu sal­lusuis­sutsip piinik.’ (Ef 4:23, 24) Qamuuna inut­tut qanoq it­tuunitsin­nik al­lan­nguisin­naavugut, ajor­naatsuin­naan­ngilarli. Pileris­susipalaat akior­neri ajor­tulior­naveersaar­nerlu naam­man­ngil­lat. ‘Isumatsigut nutaan­ngor­tit­tariaqar­pugut.’ Tas­sa pilerigisavut, iliuutsivut pis­sutiginiak­kavul­lu al­lan­ngor­tit­tariaqar­pavut. Taamaaliorumal­luta iliuuseqar­tuar­tariaqar­pugut.

8-9. Qatan­ngutit­ta ilaata misigisaanit qanoq erser­pa qamuuna inut­tut al­lan­ngor­tariaqar­tugut?

⁸ Qatan­ngutip angutip nakuuser­tar­tuusimasup misigisaa as­sersuutigeriar­tigu. Aalakoor­tar­nini nakuuser­tar­ninilu unitsim­magit kuisis­sin­naaler­poq, taman­nalu eq­qaamiuinut nalunaajaataal­luar­poq. Kuisereerluni un­nuit ilaan­ni ilimagin­ngisaminik misilin­neqar­poq. Angut aalakoorluni paan­nik­kusut­toq qatan­ngutit­ta angerlarsimaf­fianukar­poq unam­mil­lerlugulu. Aal­laq­qaam­mut qatan­ngutit­ta nakuuserusun­nini akior­paa. Angul­li aalakoor­toq Jehovap aq­qanik mital­liim­mat qatan­nguter­put im­minut aqus­sin­naajun­naar­poq. Anivoq unatalerlugulu. Suna ajor­nar­torsiutigaa? Biibilimik atuaq­qis­saar­tar­nini iluaqutigalugu nakuuserusut­tar­nini akior­taleraluarlugu suli isumak­kut nutaan­ngorsiman­ngilaq. Al­latut oqaatigalugu qamuuna inut­tut al­lan­ngorsiman­ngilaq.

⁹ Taamaat­torli qatan­ngutit­ta al­lan­nguinis­sani sulis­sutigiuar­paa. (Uss 24:16) Utoq­qaaner­tanit ikior­neqarluni anersaak­kut siumukar­poq. Pif­fis­sap ingerlanerani utoq­qaaner­tan­ngor­nis­saminut piuk­kun­narsivoq. Un­nuit ilaan­ni naalagaaf­filersaarfiup silataani ukiut arlal­lit tamatuma sior­na misigisimasamisut misilin­neqaq­qip­poq. Utoq­qaaner­taqataa angum­mit aalakoor­tumit saas­sun­neqalersoq takuaa. Qanoq ilior­pa? Maniguul­luni eq­qis­sisimasumik angut aalakoor­toq oqaluul­lugu eq­qis­sisar­paa angerlar­nis­saanil­lu ikiorlugu. Sooruna qatan­nguter­put tamatumani al­latut qisuariar­toq? Isumak­kut nutaan­ngor­tis­simagami. Qamuuna inut­tut eq­qis­sisimasun­ngorsimavoq maniguut­toq, taman­nalu Jehovamut ataq­qinaataavoq.

10. Qamuuna inut­tut al­lan­ngor­nis­samut suut pisariaqar­pat?

¹⁰ Taamatut al­lan­ngor­neq iliuuseqaq­qaarani nam­minerlu pineq ajor­poq. Ukior­pas­suar­ni ‘ilungersungaarluta’ sulis­sutigisariaqarsin­naavar­put. (2 Petr 1:5) Sivisuumik sal­lusuis­sum­miin­neq im­mini naam­man­ngilaq, qamuunali inut­tut al­lan­nguiumal­luta sapin­ngisar­put tamaat iliuuseqar­tariaqar­pugut. Taamatut al­lan­ngorumal­luta iluaqutigisin­naasat­ta ilaat sam­meriar­tigit.

ISUMAKKUT QANOQ ALLANNGORSIN­NAASUGUT

11. Isumak­kut al­lan­ngor­niar­nitsin­ni qinuneq qanoq iluaqutigaar­put?

¹¹ Iliuuserisas­sar­put pingaarutilik siul­leq tas­saavoq qinuneq. Tus­siaasior­tutut ima qinusariaqar­pugut: “Uum­mam­mik minguitsumik pin­ngor­titsivigin­nga, Guuti, aam­maarlutit anersaamik aalajaatsumik tunin­nga!” (Tuss 51:12) Isumak­kut al­lan­ngor­tariaqar­ner­put nas­suerutigalugu Jehovamut ikioq­qusariaqar­pugut. Qanoq qulak­keersin­naavar­put al­lan­ngor­nis­satsin­nut Jehovap ikiorumaaraatigut? Ezekielip nalaani Israelik­kut naalas­seriitsut pil­lugit Jehovap neriorsuutaa una qiim­maal­laatigisin­naavar­put: “Uum­mam­mik nutaamik tunis­savak­ka anersaamil­lu nutaamik ilumioqalersil­lugit. ... Uum­mam­mik uiniusumik [tas­sa Guutip siulersuineranik maleruaarusut­tumik] tunis­savak­ka.” (Ez 11:19) Al­lan­ngor­nis­saan­nut Jehovap Israelik­kut ikiorusup­pai, aam­ma uagut ikiorusup­paatigut.

12-13. (a) Tus­siaat 119:59 naaper­torlugu suut eq­qarsaatigeq­qis­saar­tariaqar­pavut? (b) Qanoq im­minut aperisariaqar­pit?

¹² Iliuuserisariaqagat­ta aap­paat tas­saavoq eq­qar­saatigin­neq­qis­saar­neq. Eq­qarsaatit misigis­sutsil­lu suut al­lan­ngor­tit­tariaqar­nerlugit paasiumal­lugu ul­lut tamaasa Biibili atuaraangatsigu atuak­kavut eq­qarsaatigeq­qis­saar­tariaqar­pavut. (Tussiaat 119:59 atuaruk; Hebr 4:12; Jaak 1:25) Eq­qarsaativut misigis­sutsivul­lu silarsuup eq­qarsar­taasianit sun­ner­teq­qajaanersut paasiniar­tariaqar­par­put. San­ngiif­fit­ta suuneri un­neq­qaril­luta nas­suerutigisariaqar­pavut akior­nis­saal­lu ilungersuutigalugu.

¹³ As­sersuutigalugu uku eq­qarsaatigik­kit: ‘Sin­ngaq­qajaasar­punga?’ (1 Petr 2:1) ‘Tunuliaqutara, ilin­niagaqar­nera aningaasaateqarluar­neraluun­niit pil­lugu makitaq­qajaavunga?’ (Uss 16:5) ‘Al­lat uat­tut pigisaqar­tigin­ngin­nerat imaluun­niit al­lamik naggueqar­nerat pil­lugu suun­ngitsutul­lusooq isigisar­pak­ka?’ (Jaak 2:2-4) ‘Saatanip silarsuaata neqeroorutigisin­naasai kajungeraak­ka?’ (1 Joh 2:15-17) ‘Aliik­kusersuutit atoqatigiin­ner­tal­lit nakuuser­ner­tal­lil­lu nuan­naraak­ka?’ (Tuss 97:10; 101:3; Am 5:15) Apeq­qutit taama it­tut akinerisigut suut sulis­sutigisariaqar­nerlugit paasis­sagunar­pat. Isumaliutersuutit uum­matitsin­ni ‘pal­lit­taalisaliatut’ is­sin­naasut suujun­naarsin­nerisigut Ataatar­put qilam­miusoq nuan­naar­tis­savar­put. – Tus­s 19:15.

14. Ikin­ngutinik pitsaasunik toq­qaaneq sooq pingaaruteqangaar­pa?

¹⁴ Pingajuat­tut iliuuserisas­sar­put tas­saavoq ikin­ngutinik pit­saasunik toq­qaaneq. Nam­mineq ilisiman­ngik­kaluarluguluun­niit ikin­ngutitsin­nit sun­ner­neqangaar­tar­pugut. (Uss 13:20) Ilimanan­ngilaq sulif­fitsin­ni atuarfim­miluun­niit eq­qarsaatinik Guutip akuerisaanik eq­qarsar­nis­samut sun­ner­neqar­tar­tugut. Ataatsimiin­nitsin­nili pitsaaner­paanik ikin­ngutitaar­torsin­naavugut. Ilagiin­ni “asaqatigiin­nermut ajun­ngitsulior­nermul­lu” kajumis­saaqatigiit­tar­pugut. – Hebr 10:24, 25.

‘UPPERNERMI AALAJAAGIT’

15-16. Saatanip eq­qarsaativut qanoq al­lan­ngor­tin­niar­tar­pai?

¹⁵ Eq­qaamajuk Saatanip eq­qarsaatit­ta al­lan­ngor­tin­nis­saat aalajangiusimal­luin­naraa. Guutip oqaasiata eq­qarsaatitsin­nut sun­niuteqarluar­nera akior­niarlugu isumaliutersuutit as­sigiin­ngitsut ator­tar­pai.

¹⁶ Saatanip apeq­qutit ator­tagai al­lan­ngorsiman­ngil­lat. Eva naatsiivim­mi Edenimi ima aperaa: “Ilumut Guuti oqar­pa ...?” (1 Mos 3:1) Silarsuarmi Saatanimit aqun­neqar­tumi apeq­qutit qulalersitsiniaasut ima it­tut tusar­tar­pavut: ‘Anguteqatigiit katit­tar­nis­saat Guutip ilumut akuerin­ngilaa? Guutip juul­lisior­nis­sat inuuis­sior­nis­sal­lu ilumut iner­teq­qutigaa? Aalersor­tin­ngin­nis­sat Guutip ilumut naatsorsuutigaa? Asasan­nik ilaajun­naarsitaasimasunik at­taveqar­tan­ngin­nis­sat Guutip asan­nit­tup ilumut piumasaraa?’

17. Up­perisatsin­nik qulalersin­niarluta aperineqarut­ta susariaqar­pugut, aam­ma Kolos­semiut 2:6, 7 naaper­torlugit qanoq kinguneqarsin­naava?

¹⁷ Up­perisar­put qularutigin­ngil­luin­nar­tariaqar­par­put. Apeq­qutit pingaarutil­lit up­perisatsin­nut tun­ngasut akis­sutis­sarsin­ngik­kutsigit qulalersin­naavugut. Taman­na eq­qarsar­taatsitsin­nut up­per­nitsin­nul­lu ajoqutaangaarsin­naavoq. Taamaat­tumik susariaqar­pugut? Biibilimi eq­qaasin­neqar­pugut eq­qarsar­taatsitsigut al­lan­ngor­tariaqar­tugut “Guutip piumasaa ajun­ngitsoq naam­mal­luin­nar­torlu akuerisaalu paasil­luaq­qul­lugit”. (Rom 12:2, NW) Ul­lut tamaasa Biibilimik atuaq­qis­saar­tar­nitsigut sal­lusuis­sutit Biibilimeersut Jehoval­lu najoq­qutas­siaasa eq­qor­tuuneri up­peril­luin­nalis­savavut. Taava or­pit­tut sorlaqarluar­tutut ‘up­per­nermi aalajaas­saagut’. – Kolossemiut 2:6, 7 atuakkit.

18. Saatanip silarsuaata sun­niutaanut ajor­tunut akiuun­niarluta suut iluaqutigis­savavut?

¹⁸ Kialuun­niit up­per­nermi aalajaatsis­sin­naan­ngilaatit, taamaat­tumik isumak­kut nutaan­ngor­tuarit. Qinujuarit Jehoval­lu anersaavata ikiuinis­saa qin­nutigalugu. Eq­qarsaatigin­neq­qis­saar­tarit eq­qarsaatitit pis­sutiginiak­katil­lu misis­soq­qis­saar­tarlugit. Ikin­ngutinik pitsaasunik toq­qaagit, taak­kuami isumak­kut al­lan­ngor­nis­san­nut ikiorumaarmatsit. Taamaalior­nik­kut Saatanip silarsuaata sun­niutaanut ajor­tunut akiuutis­saatit, iluatsit­tumil­lu ‘isumaliutersuutit an­neruniar­neril­lu Guutimik ilisimasaqar­nermut as­sor­tuisut suul­luun­niit’ suujun­naarsis­savatit. – 2 Kor 10:4, 5.