Jesus ilaaruk — ullut tamaasa oqaluussillutit
1 Jesus nunamiikkallarami immikkut suliassamik naammassiniagassaqarsimavoq. Tassaavoq ’sallusuissutip nalunaajaatiginissaa’. (Juá. 18:37) Ataatami pissusii siunertaalu alutornagaartut pillugit sallusuissut oqaluussissutigisimavaa. Suliaq tamanna neqissamisut isigaa; inuunermini tamani taanna kisiat aalluppaa. (Juá. 4:34) Lukasip oqaluttuaraa Jesus ’ullut tamaasa’ naalaffimmi ajoqersuisartoq. (Lúk. 19:47) Piffissani tamaat sapinngisamik atorluarpaa. (Juá. 9:4) Toqunngitsiarnermini Ataataminut ima oqarsinnaasimavoq: ’Nunami naalannarsisippakkit; suliaq uannut suliareqqusat naammassivara.’ — Juá. 17:4.
2 Jehovap iliuuserisimasai tamaasa uummatikkut pingaartikkutsigik, misigissaagut ullut tamaasa taanna eqqartussallugu pisussaasugut. Jesusip ajoqersugaasut nakimaalluta ima oqarusussaagut: ’Massami takusavut tusakkavullu oqaatiginnginneq saperpavut.’ (ap. sul. 4:20) Ilaannikkuinnaq Jehova eqqartorneq ajorpaat, oqaluttuarineqarpormi ima: ’Soraanngillallu ullut tamaasa . . . oqaluutigalugu.’ (ap. sul. 5:42) Tamatta immikkut ima aperisariaqarpugut: ’Jesus, maligassara, ilaarpara?’
3 Oqaluussissutiginninnerup nukinginnassusia: Jesusip siulittuutigaa Naalagaaffimmik oqaluussissutiginninneq nunarsuarmi tamarmi oqaluussissutigineqareerpat, ’taava naggatissaq nalliukkumaartoq’. (Mat. 24:14) Tamatuma ilimasulersittariaqarpaatigut oqaluussissutiginnilluni suliap nukinginnassusianik pingaaruteqassusianillu. Inuit millionillit inuunerat pineqarmat suliassaq alla pingaaruteqarnerusinnaanngilaq imaluunniit iluaqutaanerusinnaanani. Pissutsit aaqqissuussaanerata matuma naggatissaa qanilliartortillugu suliap tamatuma naammassinissaanut piffissaq killeqarpoq.
4 Nalunaarusiat takutippaat Jehovap assersuutaasumik savanik katersuineq pilertortikkaa. (Jes. 60:22) Nunarsuup ilaani amerlasuuni inuit sallusuissummut isaapput, nuannaarlutik ima nillerlutik: „Ingerlaqatigissavassi tusaratsigu Guutip najoraasi.“ (Sak. 8:23) Jesusip oqaasii aatsaat taama pingaaruteqartigilersimapput: ’Katersugassat amerlaqaat, sulisussalli ikeqaat, . . . katersugassat inuat qinnuigisiuk sulisussanik katersuiffimminut aallartitseqqullugu.’ (Mat. 9:37, 38) Aallussilluarnissatsinnik kaammattorneqarluta misiginnginnerpugut, soorlu Jesusip ajoqersugai ’naalaffimmiittaannarsimasut Guuti unnersiutigalugu qutsavigalugulu’? — Lúk. 24:53.
5 Ullut tamaasa sallusuissut nalujunnaarsiguk: Ullut tamaasa periarfissarsiortuartariaqarpugut allat sallusuissummik oqaluttuunnissaannut. Periarfissarpassuaqarpoq. Minuttialunnguit ikinngutinnut ilisarisimasannulluunniit tusarnaarusussinnaasumut telefonikkut oqaluussinermut atorsinnaavigit? Angalaartarfigisanniluunniit inuit naapissinnaanngisatit allaffigisinnaavigit? Niuerniartillutit niuertitsisumut naqitaaqqamik neqeroorfiginninnissat eqqarsaatigisimaviuk? Ulluinnarni allat neriuummik avitseqatiginissaannut periarfissat allarpassuit qularnanngitsumik eqqaasinnaavatit. Iliuuseqaruit nakimaannerulaarlutillu Jehovap ikiussavaatit. — 1 Tás. 2:2
6 Ulloq nutaaq aallartikkutsigu immitsinnut ima aperisariaqarpugut: ’Ullumi periarfissaq sunaluunniit takkuppat atorluarniassavara allat neriugisannik oqaluttuullugit?’ Sooq nunarsuarmut aallartitaasimanini nassuiaramiuk isuma Jesusip ersersitaa ilaarniaruk: ’Guutip naalagaaffia . . . oqaluussissutigisassaraara, tamanna pillugu aallartitaagama.“ (Lúk. 4:43) Kissaatigigutsigu Ajoqersuisutsitut ikkumalluta taassumatut iliortariaqarpugut. — Lúk. 6:40. (kmD 96/02 Efterlign Jesus — forkynd hver dag)