Atuartuunerit atorluaruk
1 Ukiup taamaalinerani inuusuttut amerlasuut ima aperisarput: „Maanna atualeqqilereerpugut?“ Immaqa atualeqqineq unamminiarnartunik isumakuluutinillu nassataqarsinnaagaluarpoq, aammali inuusuttut ilinniartitaaneq atorluarunikku iluaqutissarsiffigissaqaat.
2 Tunngaviusumik ilinniagaqarneq pitsaasoq anersaakkut siumukartitseqataasinnaavoq. Inuup inuusuttuutilluni iliuuserisai inersimasutut naammassisinnaasaanut sunniuteqartorujussuusarput. Aamma atuartuuneq eqqarsaatigalugu ’inuk siaruartikkani naapertorlugit katersuiumaartoq’ ilumoorpoq. (Gal. 6:7) Inuusuttut eqiasuillutik ilinniagassatik ilinniaqqissaartarunikkik pisinnaassutsit Jehovamik kiffartornerminni iluaqutaasinnaasut ineriartortissinnaavaat.
3 Atuarfimmi fagit eqqortut qinissagaanni siumut eqqarsaatigeqqissaarneqartariaqarput. Angajoqqaat meeqqatik ikiortariaqarpaat inuunermi faginik anersaakkut ittunik angusaqartitsisunik atoriaannaasunik ilinniagaqarnartunik qinerseqqullugit. Inuusuttut piginnaassutsitik ineriartortikkunikkik kingusinnerusukkut pioneeritut imminnut pilersorsinnaassapput. Tunngaviusumik ilinniarnertik ikiortigalugu sumiluunniit Jehova kiffartorfigisinnaasariaqarpaat.
4 Ilissi inuusuttut, ukiut atuartuuffigisasi atorluarniarsigik. Taamaaliuutigalusi silarsuarmi qaffanniarnasi Jehovamut illernartumik kiffartorneq pingaartissiuk. Inuunersi Jehovap piumasaanik iliornissamut atorniarsiuk. Taava Jehovap ataqqinaatissaanik angusaqarluassaasi. — Tus. 1:3.