Ilinniartitsisuusariaqarpugut, oqaluussisartuuinnarata
1 Inuit maluginiarsimavaat ’Jehovap nalunaajaasuisa nalunaajaatertik tusarliullugu nunarsuaq tamakkersimagaat’. Tamanna qanoq ililluni pisinnaasimava? Inuit piginnaasaatiguunngitsoq imaluunniit pissaaneratiguungitsoq, kisianni Guutip anersaavata kiffaanut sunniunneratigut sakkut assigiinngitsut atortarlugit oqaluussinerminnik aammalu ilinniartitsinerminnik naammassinninniarneranni. — sak. 4:6, ap. sul. 1:8.
2 Atuagassiat naqitikkat oqaluussiniarnermi ikiuutaapput sunniuteqarluartut. Ukiut ingerlaneranni Jehovap Nalunaajaasuisa atuakkat, atagassiaaqqat, atuagassiat aammalu naqitaaqqat miliardilikkuutaat naqitersimavaat agguaallugillu nutaarsiassaq nuannersoq tusarliukkumallugu. 1997-imut atuakkami ukiumoortumi nalunaarutit takutippaat naqitikkat aatsaat taama annertutigisimasut. Manna tikillugu Ny Verden-nutsigaq naqiterneqarsimavoq 91 millionit angullugit. USA-mi atuagassiaativut Napasuliaq Alapernaarsuiffik aamma Iteritsi! naqiterneqartut amerleriarsimapput 7,1 procentimik ukiup ataatsip ataani. Tysklandimi atuagassianik sanaartorneq 35 procentinik annertuseriarsimavoq. Atuagassiat tassani naqinneqarsimasut pingajorarterutaat Ruslandimi atorneqarsimapput.
3 Atuagassianik pisariaqartitsineq tamanna sumik pissuteqarpa? Inunnut naapitatsinnut sumiikkaluartunulluunniit oqaluussiffiginninnissamik kajumissaarutit sumi tamaani qisuariarfigilluarneqarsimapput. Amerlanersatta oqaluussinerput annertuseriarsimavaat angallaffiusuni, aqqusinerni, aammalu suliffeqarfinni, taamaalilluni amerlanerusunik atuagassianik soqutiginnittunut agguaassineq annertusisimalluni. Taakkua amerlanersaasa nutaarsiassaq tusarnikuusimanngilaat. Pisariaqartitsineq matussuserniarlugu ilagiit atuagassianik assigiinngitsunik peqqumaateqarput oqaluusseriaatsini assigiinngitsuni atugassaminnik.
4 Atuagassianik siaruarterinitsinni suna siunertaava? Siunertariinnangilarput agguaassinissarput. Ajoqersuganngortitsiortornissamik peqqussut marlunnik immikkoortoqarpoq — oqaluussineq ilinniartitsinerlu. Siullertut immikkut pisinnaatitaaffeqarpugut Guutip naalagaaffia pillugu nutaarsiassaq nuannersoq oqaluussissutigissallugu aammalu inuit ilisimatissallugit tassaasoq inuiaat neriuutissatuaat. (Mat. 10:7; 24:14) Atuagassiaativut Biibililersaarutit ukiuni amerlasuuni inuit soqutiginnilersinnissaannut taavalu Naalagaaffik pillugu ilisarsilersinnissaannut pitsaasimapput.
5 Tamatuma kingorna uvagut, ajoqersuganngortitsiniarluta Jesusip peqqussutaanik tamanik inuit ilinniartittariaqarpavut. (Mat. 11:1; 28:19, 20) Tassuunatigut atuagaativut atuagassiaativullu pingaaruteqartuupput, taakku ikiortigalugit inuit ajoqersuganngortinniarlugit atuaqqissaaqatitta uummataat sallusuissutip angusinnaammagit.
6 Atuagassiaatitsinnik tigusisut tassaasinnaapput ’oqaatsimik tusartut’ kisianni ikiorneqanngikkunik ’naammassinnittunngorsinnaanngillat’. (Jâk. 1:22-25) Ajoqersuganngortut amerlangaarsinnaanngillat ilitsersuunneqanngikkunik. (ap. sul 8:30, 31) Naapertuilluartumik isumallit sallusuissut Biibiliminngaanneersoq paasissagunikku ilinniartitsisinnaasumit ikiorneqarnissartik pisariaqartippaat. (ap. sul. 17:2, 3) Ikiorniarpavut siumukarnissaannut tunniulluinnarnissaallu, taavalu kuisinnissaannut, allanut ilinniartitsisussatut ilinniartillugit. — 2 Tim. 2:2.
7 Ilinniartitsisussanik pisariaqartitsineruvugut: Oqaluussitilluta nutaarsiassaq nuannersoq ilisimanerulersittarparput. Ilinniartitsinermili allat siumukarnartumik ilinniartissinnaasarpavut. Oqaluussinerup Guutip naalagaaffia pillugu inuit ilisimatittarpai, ilinniartitsinerulli nutaarsiassamik nuannersumik ilassinninnissaanik tamannalu naapertorlugu inooriaaseqalernissaannik ikiussavai. (Lúk. 8:15) Ilinniartitsisoq oqaluussiinnartanngilaq; nassuiaasarpoq, qularunnaarsitsisarluni, tunngaveqartumik paasititsisarpoq aammalu ajunngitsunik tunngaveqarluartunik atuisarluni paasinartunillu uppernarsaatinik saqqummiussisarluni.
8 Sapinngisamik amerlasuujulluta ilinniartitsisuusariaqarpugut, oqaluussisartuuinnarata. (Epr. 5:12a) Suliatta annerusortaata ilaa tassaavoq atuagassianik agguaassineq, kisianni oqaluussinermi angusaqarnissatsinnut ilinniartitsisutut qanoq iliornerput apeqqutaavoq. Nuannaarutigisarparput inuit atuagassiaatitsinnik pigaangata, kisianni atuagassianik agguaassineq anguniagassatut kingullertut isigissanngilarput. (2 Tim. 4:5) Inuit atuagassianik pinerat sallusuissummik ilinniartinneqarnissaannut aqqutissiuisarpoq.
9 Pulaaqqiigit atuaqqissaaqateqalernissannik siunertaqarlutit: Tamatta atuakkanik atuagassiaaqqanik aammalu atuagassianik agguaassingatsiarsimassaagut taamaalilluta pulaaqqittagaqalersimalluta. Akuttunngitsumik pulaaqqiinissarput piffissaqarfigisariaqarparput soqutiginninneq annertusiartortinniarlugu. Pulaaqqinnermut siunertaasariaqanngilaq pingaanerpaaq atuagassianik amerlanerusunik tunniussinissaq, kisianni inuit kajumissaassallugit atuagassianik periikkaminnik atuarnissaannik iluaqutigininnissaannillu. Uagummi nammineq malunnaatilimmik siumukarsimassanngikkaluarpugut eqqortumik ilisimasaqalersitsiniartumit pulaaqqinneqaqattaarsimanngitsuugutta? — Juá 17:3.
10 Soqutiginninneq tamatigut malittarisariaqarpat, Biibilimik atuaqqissaaqateqalernissamik siunertaqarlutit atuagassiaaraq Guutip sumik piumaffigivaatigut? imaluunniit atuagaq Ilisarsineq inuunermut naassaanngitsumut sammisoq atorlugu. Atuagassiat taakkua marluk Guutip naalagaaffimmik tusarliussaq paasiuminartumik saqqummiuppaat. Atuagassiaaqqap Biibilip pingaarnerusortai saqqummiuppai. Atuagaq ’Ilisarsineq’ itinerusumik naatsumillu paasiuminartumik paasissutissiivoq.
11 Ilinniartitsinermik periaatsip pisariunnginnerulersitap tamatuma Naalagaaffimmik Kiffartorneq-mi juuni 1996-imoortumi nassuiarneqarsimasup, ilinniartitsisumut ilinniartitsineq aammalu ilinniartumut ilinniarneq ajornannginnerulersippai. Allaaserisaq ersarissumiitiguk taamaalillutit tassani ilinniartitseriaatsinut atatillugu siunnersuutit pitsaasut takoriaannanngorsinnaallugit. Qanoq ilinniartitannut soqutiginninnissat, atuaqqissaarnermilu qanoq annertutigisumik sammisaqarnissaq, qanorlu apeqqutit sammisamut tunnganngitsut akisinnaaneritit, ilinniartitsisoq ilinniartitarlu atuaqqissaarniarnerminni qanoq piareersartarsinnaasut, ilinniartitat Jehovap peqatigiissortaanut ilitsersorneqarnissaa siunnersuutigineqarput. Siunnersuutit malinniarneranni amerlanersatta, aamma nutaat, Biibilimik atuaqqissaaqatiginninnerit siumukariatupallattut aqussinnaassavavut.
12 Oqaluussiffigisartakkani angusaqarluarnermik nalunaarutit: Atuagaq ’Ilisarsineq’ aammalu atuagassiaaraq Guutip sumik piumaffigaatigut? ajoqersuganngortitsiortornermi ikiuutaalluarsimaqaat. Qatanngutip angutip Boliviameersup atuagassiaaraq angummut neqeroorutigisimavaa ingerlaannarlu atuaqqissaaqatigilersimallugu. Qaammatit sisamat qaangiuttut ataatsimeersuarnermi kuisittussanut ilaasimavoq.
13 Amerlasuut Jehovamut tunniulluinnarnissaminnut kajuminnerulersimapput ’Ilisarsineq’ atuaqqissaareersimallugu. Angolami ’Ilisarsineq’ agguaatereerlugu ilagiinni taakkunani atuaqqissaartartut 190-iniit 260-inut amerleriarsimapput, ataatsimiigiartartullu marloriaammik, tassa 180-iniit 360-inut amerleriarsimallutik qaammatit sisamat ingerlanerinnaanni. Tamatuma kingorna ilagiinnik allanik pilersitsinissaq pisariaqalersimavoq.
14 Qatanngut angut siullermik ’Ilisarsineq’ atorlugu atuaqqissaaqateqalersimasoq oqarpoq „ajornanngitsuararsuusoq atuaqqissaaqatiginnittutut apeqquteqaannartarluni, allassimaffinnik naleqquttumik atuartarluni aammalu ilinniartitaq paasinninnersoq sianigissallugu“. Isumaqarsimagaluarpoq oqaluussillaqqissut kisimik ingerlalluartumik atuaqqissaaqatiginnissinnaasut, aammalu nammineerluni tamatumunnga pikkorissinaviarnani, kisianni massakkut isummani allanngortissimavaa oqarlunilu: „Uanga pisinnaaguma allat aamma pisinnaapput.“
15 Biibilimik atuaqqissaaqatiginninnikkut, kiffartornitsinnut ilaasukkut, ajoqersuganngortitsisinnaavugut. Taamaaliorsinnaanermik ineriartortitsisimasut suliaq, nalerisimaalersitsisartutut pisuunngornartutullu isigaat. Qanortoq aamma uagut pilluta oqartoqarsinnaagili ’Guutip naalagaaffianik oqaluussissutiginnittugut Naalagarlu Jesus Kristus siooranngilluinnarluta pitsaalineqarnatalu ajoqersuutigalugu’. — ap. sul. 28:31.