1998-imi Teokratiimik Atuarfik

Atuartut ilinniagassamik sammisassamilluunniit aalajangersimasumik ilinniartinneqartarput. Teokratiimik Atuarfimmi Guutimik ilisarsinermik ilinniartinneqartarpugut. Atuarfimmut peqataalluartarutta oqalunnikkut oqaluussinikkullu pikkorinnerulersinnaavugut. Atuarfimmi 1998-imut tunngatillugu pilersaarutip anersaakkut siumukarnissatsinnut amerlasuunik periarfissaqartissavaatigut.

Pilersaarut misissornerugukku malugissavat pisassami nr. 3-mi ilaannikkut sammineqartassasut inuit Biibilimi eqqaaneqartut ilaat Hjælp til forståelse af Bibelen-imi allaatigineqartut. (Soorunami qinerlerfissiaq Indsigt i Den Hellige Skrift atorneqarsinnaassaaq qallunaatut saqqummerpat.) Aamma Ilaqutariinnik atuagaq nutaaq 1998-imut pilersaarummi ilaatinneqarpoq, pisassanilu nr. 3-mi 4-milu sammineqartassalluni. Pisassaq nr. 4 atuakkamik tamatuminnga tunngaveqaraangat qatanngummit angummit oqalugiaatitut saqqummiunneqartassaaq. Eqqaamajullu tamatta piffissamik eqquisariaqaratta.

Nutaarsiassaq: Sapaatit-akunnerinut tamanut erinarsuutissap normuata kingorna ungaluuserlugit allassimapput ’Biibilimik atuagassanut tapiliussat’ tamatta iluaqutissavut. Pilersaarummi pisassat tamakkuninnga tunngaveqanngikkaluarput, taamaattorli kajumissaarniarpatsigit atuagassat malinniaqqullugit. Taamaalillutit ullut tamaasa Biibilimik atuarneq sungiutissavat, maannakkut taamaalioriinngikkuit.

Pisassiineq, siunnersuineq allattariarsorlunilu uteqqiineq pillugit „1998-imi Teokratiimik Atuarfimmi pilersaarut“-mi aamma Naalagaaffimmut Kiffartorneq-mi oktobari 1996-imoortumi qupperneq 3-mi paasissutissat amerlanerusut nassaarineqarsinnaapput. Paasissutissat tamakku misissoqqissaarniakkit.

Suli Teokratiimik Atuarfimmut peqataanngikkuit maannakkut taamaaliulernissamut kajumissaarniarpatsigit. Atuarfik asseqanngitsoq tamanna suli pingaaruteqarluinnarpoq Jehovamut kiffartortut maniguuttut Guutimillu mianerinnittut oqaluussisartutut piginnaassuseqarnerulerniarnissaannut. — 1 Tim. 4:13-16.