Nakkutilliisut siuttuusut — allatsi
1 Ilagiinni ’tamatigut ippinnaatsumik torersumillu iliortarneq’ eqqarsaatigalugu allatsi immikkut pingaaruteqarpoq. (1 Kor. 14:40, NV) Ilagiit kiffartornermut ataatsimiititaliaannut ilaasortaavoq, ilagiit allakkatigut atassuteqartarnerat allattukkallu pingaartut isumagisarlugit. Akisussaaffigisai immaqa utoqqaanertat allat suliarisartagaannit ersaritsiginngikkaluarput, sulinerali pingaartuullunilu pingaartinneqaqaaq.
2 Allakkat Peqatigiiffimmeersut imaluunniit allaneersut tigugaangamigit akineqartariaqartut akinissaat isumagisarpaa. Isumagisarpaalu allakkat utoqqaanertanit tamanit atuarneqarnissaat; allakkat toqqortarpai toqqukkallu aaqqissugaalluartillugit. Atuagassianik allanillu inniminniilluni allagartat misissoriarlugit atsioriarlugillu Peqatigiiffimmut nassiuttarpai. Qatanngutit angutit ilagiit naatsoorsuutaannik atuagassianillu aalajangersimasunik pisartagaqartunik isumaginnittut aamma suliassat ataatsimeersuarnernut tunngasut tamaasa nakkutigisarpai.
3 Qaammatit tamaasa kingusinnerpaamik arfernanni allatsip ilagiit kiffartornermik nalunaarusiaat Peqatigiiffimmut nassiuttassavaa, taamaattumillu tamatta qaammat naagaangat ingerlaannaq nalunaarusiavut tunniuttariaqarpavut. Taava allatsip kisitsisit oqaluussisartut oqaluussisimanerannik allagartaannut allattussavai. Oqaluussisartup kialuunniit oqaluussisimanerminik allagartaq takujumasinnaavaa.
4 Oqaluussisartumik ilagiinnit aallartoqaraangat allatsip oqaluussisartup taassuma allagartaa allakkallu ilisarititsissutit ilagiinnut nuuffigisaanut nassiutissavai, ilagiinnullu nuuttoqaraangat tamakkununnga assingusunik qinnuteqartassalluni. — Organiseret til at fuldføre vor tjeneste, qup. 101, 102.
5 Allatsip pioneerit sulinerat nakkutigisarpai utoqqaanertallu allat, ingammik kiffartornermut nakkutilliisoq, pioneerit ajornartorsiutigisinnaasaat pillugit paasitittarlugit. Oqaluussisartumik aallussilluanngittoqaraangat ilagiit atuakkamik atuaqqissaaqatigiinnerannik aqutsisut paasitittarpai. Allatsi kiffartornermullu nakkutilliisoq unittooqqasut ikiorneqarnissaanni siuttuusarput. — Naalagaaffimmut Kiffartorneq, novembari 1987, qup. 1.
6 Allatsip suliarisartagaanik ilisimasaqarneruleratta tamakkununnga ’pilittaanerani’ tapersersorniartigu. — 1 Kor. 4:2.