Pinngortitsisersuatta soqutigaatigut!
1 Jehova Israelikkut naalasseriitsut eqqarsartinniarlugit ima aperisimavoq: „Naluiuk, tusarsimanngiliuk [Jehova] naassaanngitsumut Guutiusoq, nunarsuaq tamaat pinngortissimagaa? Qasussananilu nukillaarneq ajorpoq, siuneqassusia siunersissaanngilaq.“ (Jes. 40:28) Pinngortitsisersuarput nalunngilarput asannillunilu soqutiginninnera misigisarlugu. Inuilli millionilikkuutaat piunera qularutigaat imaluunniit Biibilimi oqaatigineqarneranut naapertuutinngilluinnartumik isigalugu. Qanoq ikiorsinnaavavut?
2 Atuagaq nutaaq Findes der en Skaber som interesserer sig for os? suliarineqarsimavoq taakku ikiorsinnaaqqullugit. Inuit isumatuut uppernarsaatit tunngavigalugit eqqarsaqqullugit kajumissaarniarpai. Sammineqartut soqutiginartuupput atuakkamilu tunngavilersuutit qularunnaarsitsisut atuartup tiguartitsissutigissavai.
3 Atuagaq nutaaq ’Skaberbogi’ ilisimallualeruk: Atuakkap pingaarnerusortai ilisimallualikkit. Kapitalit 2-mit 5-imut sammivaat silarsuaq, inuuneq, inuillu qanoq pinngorsimanersut, sunalu taakkununnga tunuliaqutaanersoq. Kapitalini 6-imit 9-mut Biibili Atuakkiortualu peqqissaartumik sammineqarput, aammalu Mosesimik allakkat siulliit-ni pinngortitsineq pillugu allaaserineqarsimasut tatiginartuunersut. Kapitali 10-mi inuit apeqqutigisartagaasa ilaasa pingaarnersaat naammaginartumik akissutissaqarpoq, tassa: „Sooq naalliuutit taama amerlatigippat Pinngortitsisitta soqutigippatigut?“
4 Qulartut eqqarsartinniarsarisakkit: Atuakkami quppernerni 78-imi 79-imilu eqqarsaatit assigiinngitsut allat Guuti pillugu eqqortumik paasisaqarnissaannut iluaqutaasinnaasut saqqummiunneqarput. Ima aperigit: „Silarsuaq pilerfeqarsimava?“ Amerlanerit angerusussapput. Angerpata aperisinnaavutit: „Pilersitsisoqarsimanerpa imaluunniit naamik?“ Amerlanerit pilersitsisoqarsimanerassavaat. Tamatumalu apeqqummut kingullermut aqqutissiuppaatigut: „Silarsuaq nukimmik naassaanngitsumik imaluunniit kinaassusilimmik naassaanngitsumik pilerfeqarpa?“ Taamatut periaaseqarnerup amerlasuut paasitissavaat Pinngortitsisoqarsimassasoq.
5 ’Skaberbogi’ tassaavoq amerlasuut pisariaqartilluinnagaat. Ilaquttannut, suleqatinnut, atuaqatinnut, nalunngisannullu allanut tunniuguk. Oqaluussiartortillutit nassartariuk Guutip piuneranut qulartunut tunniussinnaaqqullugu. Atuagaq ilisimallualerutsigu, Pinngortitsisitsinnut asanninnerput annerulissaaq, tamatumalu peqqussutaanut qutsissunut maleruaajuartissavaatigut. — Evf. 5:1; sar. 4:11.