Nuunniarpit?

Ullut ilaanni apeqqut taanna angersinnaagukku iliuuserisassat amerlaqaat. Iliuusissat ataani allaqqasut malikkukkit ilagiinni nuuffigissanni kiffartornerit sukkasuumik aalajangersimasuulissaaq.

(1) Sumut nuunnissat nalujunnaarniariarukku allatsip ikiorsinnaavaatit ilagiinni nuuffissanni naalagaaffilersaarfiup adresseanik qanorlu ilisukkut ataatsimiittarnerinut piffissanik. Ilagiit arlaliuppata utoqqaanertat aperisinnaavatit sorlernut ilaassanerlutit. Nuuffinni ataatsimiigiarnissat tassanilu utoqqaanertat ilikkarnissaat kinguarsaqinagu.

(2) Ilagiinni allatsit suleqatigiissapput oqaluussisartutut allagartat —/allagartasi nuunneqarnissaannut. Aammattaaq utoqqaanertat ilagiinnut nuuffigisannut allakkiamik ilisarititsisutinik nassiussissapput. (Takuuk Apeqquteqarfik Guutip Naalagaaffianut Kiffartorneq-mi februaari 1991-imeersoq.) Ilagiinni nuuffigisanni kiffartornermut ataatsimiititaliap tikinnerit pillugu atuaqqissaaqatigiinnermik aqutsisoq nalunaarfigissavaa, taassuma attaviginiassammatit ikiorlutillu atuaqqissaartarfiup peqataaffigiligassavit naninissaanut. — Rûmamiut 15:7.

(3) Tikiffissanni qatanngutit arnat angutillu ilinniarusuppaatsit tikilluaqqusaanerillu takutikkusullugu. (Naleqqiuguk Juánasip agdlagaisa pingajue 8.) Soorunami tamanna pissappat ataatsimiinnernut najuuttariaqarputit.

(4) Oqaluusseqataanissannut nuunninni suliassat tamarmik naammassinissaat utaqqisariaqanngilat. Guutip naalagaaffiata soqutigisai salliutikkukkit sinneri tamaasa angumerissavatit, avatangiisitillu nutaat toqqissisimanartissallugit. (Matîuse 6:33) Angerlarsimaffittaanni eqqissiguit ilagiinni qatanngutit ilaat immissinnut ilisarisimallualerniassagassi qaaqqunissaat qularnanngitsumik qilanaarissavat. — Rûmamiut 12:13b.

Allamut nuunneq suliarujussuuvoq. Siunnersuutilli qulaani taaneqartut malikkaanni anersaakkut peqqinnermut akornutaassanngilaq. Kristumiutut qatanngutigiittut asanninneq misigalugu isumalluarnartumik misilittagaalerumaarpoq.