Guutip naalagaaffia pillugu sallusuissut
Jiisusip ajoqersukkani ima qinusaqquai: “Ataatarput qilanniittutit! Aqqit illernartitaali, naalagaaffiit tikiulli, piumasat qilammisut nunamissaaq pili.” (Matthæusi 6:9, 10) Guutip naalagaaffia suugami? Qanoq iliussava? Sooq qinnutigisassavarput?
Jiisusi Guutip naalagaaffiani kunngiuvoq.
Lukasi 1:31-33: “Jiisusimik atsissavat. Pingaartorsuanngussaaq Qutsinnerussaartullu erneranik taaneqassalluni, Guutillu Naalakkap tunissavaa ataataata Daavip issiavissaarsuanik; Jaakukkunnut kunngiussaaq naassaanngitsumik, naalagaassusialu atajuaannassaaq.”
Jiisusip Naalagaaffik oqaluussinermini pingaarnertut sammivaa.
Matthæusi 9:35: “Jiisusip illoqarfiit illoqarfeeqqallu tamaasa angalaarfigai synagogiini ajoqersuisarluni Naalagaaffimmillu iivangkiiliu oqaluussissutigisarlugu aammattaarlu nappaatit anniaatillu tamaasa ajorunnaarsittarlugit.”
Jiisusip Naalagaaffik qaqugu tikiutissanersoq ajoqersukkami nalunnginniassammassuk nalunaaqummik ilisimatippai.
Matthæusi 24:7: “Inuiaammi pikitsitsiumaarput inuiannut, naalagaaffillu naalagaaffimmut, sumilu tamani kaannersuaqartarumaarpoq nunalu sajuttarluni.”
Maanna Jiisusip ajoqersugaasa Naalagaaffik nunarsuaq tamakkerlugu oqaluussissutigaat.
Matthæusi 24:14: “Naalagaaffimmillu iivangkiiliu taanna silarsuarmi tamarmi oqaluussissutigineqassaaq inuiannut tamanut nalujunnaarsillugu, taavalu naggatissaq nalliutissaaq.”