Siunissaq pillugu sallusuissut

“Guutip naalagaaf­fia qanil­lisoq” qanoq nalun­ngis­sin­naagip­put Jiisusip nas­suiar­paa. (Lukasi 21:31) Siulit­tuuter­pas­suisa ilaat tas­saap­put sorsun­nersuaqar­tas­sasoq, nuna sajorujus­suar­tas­sasoq, nerisas­saaleqisoqar­tas­sasoq nap­paas­suaqar­tas­sasorlu – ul­lumik­kut taak­kor­piaat takusar­pavut. – Lukasi 21:10-17.

Tamatuma saniatigut Biibilimi siulit­tuutigineqar­poq inuit naalak­kersuif­fiisa ‘ul­luini kingul­ler­ni’ inuit pis­susipalaaqas­sasut. Taak­kua al­laatigineqar­nerat Timotheusimut al­lak­kat aap­paat 3:1-5 atuarsin­naavatit. Isigin­nit­taatsit iliuutsil­lu takugaangak­kit qular­nan­ngitsumik Biibilimi siulit­tuutip ul­lumik­kut pis­sutsinut naaper­tuuteq­qis­saar­nera isumaqatigis­savat.

Taman­na qanoq paasisariaqar­pa? Pif­fis­saq Guutip naalagaaf­fiata nunarsuarmi inuunermik pitsaanerungaalersitsisus­samik an­ner­tuunik al­lan­nguif­fis­saa nal­liutingajaler­poq. (Lukasi 21:36) Biibilimi Guuti nunarsuaq inuil­lu tas­sani naas­saan­ngitsumik inuusus­sat pil­lugit nuan­nersunik neriorsuivoq. Aajuku as­sersuutit ilaan­naat.

PITSAASUMIK NAALAKKERSUINEQ

“[Jiisusi] naalagaas­susermik naalan­naam­mil­lu kun­ngius­susermil­lu tunineqar­poq; inuiaqatigiit, naggueqatigiit im­mik­kul­lu oqaasil­lit tamarmik kif­far­torfigaat. Naalagaas­susia naalagaas­susiuvoq soraajuitsuusus­saq, kun­ngeqarfialu suujun­naas­san­ngilaq.” – DANIELI 7:14.

Tamanna qanoq isumaqartoq: Naalagaaf­fim­mi nunarsuaq tamak­kerlugu naalak­kersuisumi Guutip pilersitaani Er­neranil­lu kun­ngiuf­figineqar­tumi inuuneq nuan­naarutigisin­naavat.

PEQQINNEQ

“In­nut­taasoq kinaluun­niit oqas­san­ngilaq: ‘Nap­parsimavunga!’” – ESAJA 33:24.

Tamanna qanoq isumaqartoq: Nap­parsimalin­ngisaan­narlutil­lu in­narluuteqalin­ngisaan­nas­saatit; toqun­ngisaan­narlutit inuusin­naalis­saatit.

EQQISSEQATIGIILLUINNARNEQ

“Nunarsuarmi tamarmi sorsun­nerit soraarsik­kumaar­pai.” – TUSSIAAT 46:10.

Tamanna qanoq isumaqartoq: Sorsun­nis­samik tamatumalu naal­liun­nar­tuinik sioorasaarisoqas­saas­saaq.

NUNARSUAQ INUNNIK AJUNNGITSUNIK ULIKKAASSAAQ

“Iluan­ngitsoq er­niin­naq peerut­tus­saavoq, ... qanilaar­tut nuna kingor­nutis­savaat.” – TUSSIAAT 37:10, 11.

Tamanna qanoq isumaqartoq: Ajor­tunik inoqarun­naarluni taamaal­laat Guutimut naalak­kusut­tunik inoqalis­saaq.

NUNARSUAQ TAMARMI PARATIISINNGUSSAAQ

“Il­luliorumaar­put nam­min­neq inigisas­samin­nik viin­nequtinil­lu ik­kus­suil­lutik inerititaat nerisas­samin­nik.” – ESAJA 65:21, 22.

Tamanna qanoq isumaqartoq: Nunarsuaq tamarmi alutor­nar­tun­ngus­saaq. Guutip ‘piumasaata nunami pinis­saanik’ qin­nuter­put Jehovap eq­qor­tis­savaa. – Mat­thæusi 6:10.