Sooq oqaluussiuartoqartariaqarpa?
1 Illit najukkanni ukiorpassuarni oqaluussisoqarsimava? (Matt 24:14) Immaqa taava eqqarsarputit ilagiit angalaarfigisartagaat naammattumik angalaarfigineqareersimasoq? Naalagaaffik oqaluussissutigigaangakku, inuit amerlanerit soqutiginninngitsut naapittarunarpatit. Taamaattorli maluginiariaruk atuakkami Esajas’ profeti — et lys for alle mennesker II-mi qupperneq 141-mi Jiisusip ajoqersugai pillugit allassimasoq: „Sumiiffiit ilaanni kiffartornerminnik angusaat ilungersornerminnut suliaminnullu annertuumut naleqqiullugit annertugisassaanngillat. Aalajaattuarpulli.“ Sooq oqaluussiuaannarpat?
2 Jeremia eqqaamajuk: Aalajaalluta oqaluussiuarnerput inuit tusaajumaneraatigut tusaajumannginneraatigulluunniit apeqqutaasariaqanngilaq. Naak amerlasuut oqariartuut assortoraluaraat ikittuinnaallu tusaajumallutik Jeremia ukiuni 40-ni angalaarfigisartakkaminiiginnarpoq. Sooq Jeremia taamaaliortuarpa? Guutimit suliakkerneqarsimanini pissutigalugu, siunissamilu qanoq pisoqarumaarneranik ilisimasaqarnerata oqaluusitsittuarpaa. — Jer 1:17; 20:9.
3 Tamatumani Jeremia assigaarput. Jiisusip ’peqquaatigut inunnut oqaluussissutigeqqullugu nalunaajaatigeqqullugulu taannaasoq Guutip inuusunik toqusimasunillu eqqartuussisussanngortitaa.’ (ApS 10:42) Oqariartuuterput tusartunut inuunermik toqumilluunniit naleqarsinnaavoq. Tusagassamut nuannersumut qanoq qisuariarnertik naapertorlugu inuit eqqartuunneqassapput. Taamaattumik pisussaavugut peqquneqarnitsitorluinnaq iliussalluta. Naak inuit tusaajumanngikkaluartut suliassarput suliariuarutsigu, Jehovamut taakkununngalu asanninnerput takutissavarput. Tamannaannaanngilarli.
4 Uagut nammineq iluaqutigissavarput: Inuit qanorluunniit qisuariaraluartut Guutip piumasaatut iliorutta, eqqissineq qamannga pisoq nalerisimaarnerlu allatigut anguneqarsinnaanngitsoq misigissavarput. (Tuss 40:8) Tamanna inuunitsinnik siunertaqalersitsivoq. Oqaluusseqataanerulernikkut Guutip silarsuassaani nutaami inuunissamik neriuuterput eqqarsaatiginerulerlugulu qilanaarinerulissavarput. Neriuutit Biibilimeersut eqqarsaatigigaangatsigit Jehovamut attaveqarnitsigut anersaakkullu nakussatsinneqassaagut.
5 Allaat oqaluussinitta kinguneri pilertortumik takusinnaanngikkaluarlugit, sallusuissutsip naatsiiassartaa inunnut oqaloqatigisimasatsinnut ikkunneqarsimasoq, Jehovap piffissaa nalliuppat naajartulerumaarpoq. (Joh 6:44; 1 Kor 3:6) Arlaannattaluunniit ilisimanngilaa oqaluussinitta kinguneranik suli qassit Naalagaaffik pillugu sallusuissut ilikkarumaarneraat.
6 Jiisusip uatsinnut siunnersuutaa aatsaat taama ilassisariaqarparput: „Mianersoritsi! Eqqumagitsi! Naluarsimi taamaaliffissaa qaqugu nalliukkumaartoq. Ilissinnut oqaaserisara una tamanut oqaaseraara: Eqqumagitsi!“ (Mark 13:33, 37) Qanortoq tamatta Naalagaaffimmik tusagassaq nuannersoq oqaluussissutigiuartigu, aqqanillu angingaartumik illernarsisitseqataanitsigut Jehovap uummataa nuannaartillugu.