Kristumiunut kiffartornermut aaqqissuussaq
1. Aaqqissuussaq nutaaq suna 1938-mi aallartippa, sunalu siunertaralugu?
1 1938-mi, Jehovap peqatigiissortai aaqqissuussamik nutaamik pilersitsivoq. Ilagiit arlaqartut ataatsimeersuaararnermut qaaqquneqarput. Suna siunertaralugu? Januaari 1939-mi Budbringeren-imi (maannakkut Guutip Naalagaaffianut Kiffartorneq-mik ilisimaneqartoq) ima allassimavoq: “Ataatsimeersuaarartarnerit taakku, Guutip naalagaaffianik suliniarnermut iluaqutissatut atorneqartut, Jehovap teokratiimik peqatigiissortaanut ilaapput. Ilinniartitsinerit ataatsimeersuaararnermi saqqummiunneqartartut oqaluussisartunut ataasiakkaanut suliamik pitsaasumik suliarinninnissamut pingaaruteqangaarput.” Guutip naalagaaffianik oqaluussisartut 1938-mi 58.000-iinnarniit 2009-mi 7.000.000-it sinnerlugit amerleriarsimanerat eqqarsaatigissagutsigu paasinarpoq, oqaluussisartut suliassaminnut iluatsilluartumik angusaqarluarnissaannut ataatsimeersuaarartarnerit taakku iluaqutaalluarsimasut!
2. Ukiumi kiffartorfiusumi nutaami ataatsimeersuaararnermi suut sammineqassappat?
2 Ukiumi aggersumi sammisassat: Septembarimiit aallartittussami saqqummiussassanut qiimmaallaataasussanut qilanaarpugut. Ataatsimeersuaararnermi sammisassaq “I er ikke en del af verden” Johannesi 15:19-imiit tigusaavoq. Oqalugiaatit suut kristumiutut kiffartornermut iluaqutaassappat? Arfininngornikkut oqalugiaat tusarnaagassarput qulequtaqarpoq, “Hvordan heltidstjenesten beskytter os”. Aamma oqalugiaatit ataqatigiit pingasut tusarnaassavavut qulequtaqartut “Lad dig ikke besmitte af . . .” — “Vilddyret”, “Den store skøge”, aamma “Jordens rejsende købmænd”. Sapaatikkut oqalugiaatini ataqatigiinni qulequtarineqassaaq “Elsk Jehova, ikke verden”. Oqalugiaatit ilaat ima qulequtaqarput, “Fortsæt med at leve som udlændinge og midlertidige indbyggere aamma “Fat mod! Du kan besejre verden”.
3. Ataatsimeersuaararnermi najuunnerput qanoq iluaqutigisinnaavarput?
3 Ungasinngitsukkut ataatsimeersuaararneq najuuffigereerlugu qatanngut arnaq kiffartornermi annikillisitsisimasoq allappoq, sammineqartut inuttut atukkaminik eqqarsaatiginneqqilersissimagaani maannalu aalajangiussimallugu “utoqqatsissutissarsiorunnaarluni oqaluussinermut peqataasalerniarluni”. Qularutissaanngilaq ukiumi kiffartorfiusumi nutaami ataatsimeersuaaranerit Jehova asanerulernissaanut tamatta ikiorumaaraatigut, silarsuaq pinnagu. (1 Joh 2:15-17) Kristumiunut oqaluussisartunut asannittumik aaqqissuussaq pissarsiaqarfiginiarlugu najuunnissat ilungersuutigiuk tusarnaaqqissaarniarlutillu.