Bibelen — en positiv kraft i dit liv

Biibilip inuit millionillit inuunerminnik pitsaanerusumik allannguinerannut ikiorsimavai. Ullumikkut ajornartorsiutit nalaattakkatta iluarsinissaannik Biibilip najoqqutassiaasa suut ikiorsinnaavaatigut? Qularnanngitsumik apeqqut tamanna akissutissarsissallugu nuannaarutigissavat dvd Bibelen — sande ord om nutid og fremtid, filmit pingasuusut aappaata Bibelen — en positiv kraft i dit liv takuneratigut. Filmi takoreerukku apeqqutit tulliuttut akisinnaavigit?

(1) Sooq Biibili atuagaannaanngila torrallataq? (Hebr 4:12) (2) Biibilip pitsaanerusumik inuuneqalernissatsinnut ikiorsinnaappatigut, sooq inuit taama ajornartorsiuteqartigaat? (3) Biibilimi suna ajoqersuutigineqartuni pingaarnersaava? (4) Biibilimi allassimaffiit suut aappariit (a) oqaloqatigiilluarsinnaanissaannut (b) kamannissaraluaminnut noqissinnaanissaannut, iluaqutigisinnaasaat innersuussutigineqarpat? (5) Kristumiut aappariinnermut isiginnitaasertik qanoq ilaqutariittut inuunerminni pitsaanerusumut allanngortissinnaavaat? (Ef 5:28, 29) (6) Jehova angajoqqaanut qanoq maligassaalluarnerpaava? (Mark 1:9-11) (7) Qanoq angajoqqaat ilaqutariittut atuaqqissaaqatigiinneq soqutiginarsarsinnaavaat? (8) Biibilimik atuaqqissaaqatigiittarnerup saniatigut, Guutip oqaasiani meeqqamik pisariaqartitaat suut matussuseqqullugit angajoqqaat kajumissaarneqarpat? (9) Ilaqutariit aningaasaqarnikkut Biibilimi siunnersuutit qanoq iluaqutigisinnaavaat? (10) Eqqiluisaarnermut ikiaroornartumik imigassamillu atornerluinermut stressernermullu tunngatillugu Biibilimi najoqqutassiat suut peqqiilliuutitsinnik annikillisitsisinnaappat? (11) Biibilimi neriorsuutit suut napatissinnaavaatigut? (Job 33:25; Tuss 145:16) (12) Guutip oqaasiani siunnersuutit pitsaanerusumik inuuneqalernissannut qanoq iluaqutigisimavigit? (13) Filmi taanna atorlugu illit allat qanoq ikiorsinnaavigit?