Oktobarimi Biibilimik atuaqqissaaqateqalersinnaavit?
1. Oktobarimi suna neqeroorutaassava?
1 Napasuliaq Alapernaarsuiffik aamma Vågn op! oktobarimi neqeroorutigineqassapput. Soqutiginninneq ineriartorteqqinniarlugu kajumissaarneqarpugut naqitaaraq Sallusuissut paaserusuppiuk? neqeroorutigeqqullugu, Biibilimillu atuaqqissaaqateqalerniarnissaq sulissutigalugu. Pulaaqqittakkatsinnut qanoq taamaaliorsinnaavugut?
2. Atuagassianik tigusisimasumut pulaaqqiinnermi, qanoq ililluta naqitaaraq Sallusuissut paaserusuppiuk? Biibilimik atuaqqissaaqatiginniniarnermi aallarniutissatut atorsinnaavarput?
2 Naqitaaraq qanoq atorneqartartoq: Imatut oqartoqarsinnaavoq: “Atuagassiani tunniunnikuusanni, inuit qanorluunniit tunuliaqutaqarunik upperisaqarunilluunniit, Biibili misissoqqullugu kajumissaarneqarput. [Pulaakkamut naqitaaraq Sallusuissut paaserusuppiuk? tunniuguk apeqqutillu saqqaaniittut takutillugit.] Apeqqutit soqutiginartut taakkua Biibilimi naammaginartumik akissutissaqartinneqarput. Illit nammineq taakkua ilaat apeqqutiginikuuigit?” Pulaakkavit oqaasii tusarnaariarlugit apeqqutit naqitaaqqamiittut ilaata akissutaa oqaluuserisiuk allassimaffiillu innersuussutigineqartut ilaat atuarlugu. Nassuiaaguk taamaaliornikkut Biibilimi ajoqersuutigineqartut paasineqarsinnaasut atuagarlu Biibilimi sorpiaat ajoqersuutigineqarpat? tunniullugu. Imaasa allattorsimaffiani kapitalimi toqqagaani immikkoortut siulliit oqaluuserisigit, imaluunniit naqitaaqqami oqaluuserisamut tulluartoq atuakkami qupperuk. Innersuussutit atorsinnaasavut immikkoortumi tulliuttumi sammineqarput:
● Guutip soqutigaatigut? (qupp. 9-11 § 6-10)
● Sorsunnerit naalliuutillu qaquguluunniit atuukkunnaassappat? (qupp. 11 § 12-13)
● Toqugutta qanoq pissaagut? (qupp. 59-60 § 7-8)
● Toqungasunut neriuutissaqarpa? (qupp. 71 § 13-15)
● Guutimit tusarneqarlunga qanoq qinusinnaavunga? (qupp. 166-167 § 5-8)
● Qanoq pillualersinnaavunga? (qupp. 9 § 4-5)
3. Pissutsit naapertorlugit qanoq suleriaaserput tulluarsarsinnaavarput?
3 Soorunami, pulaaqqiinermi siullermi atuagaq Biibilimi sorpiaat ajoqersuutigineqarpat? atorlugu atuaqqissaaqatigeeriaatsimik takutitsinissamut periarfissaqanngippat, kingusinnerusukkut oqaloqatigeqqinnissaanut isumaqatigiissuteqarfigisinnaavarput. Pulaakkap soqutiginninnera naapertorlugu, atuakkap neqeroorutiginnginnerani, naqitaaqqami apeqqutit assigiinngitsut samminiarlugit aggeqqittarsinnaavugut. Oktobarimi Biibilimik atuaqqissaaqateqalerniarluta naqitaaraq iluaqutaalluarsinnaasoq atorluarniartigu, taamaalillutalu eqqortuliorusuttut ‘sallusuissut ilisimalernissaanut’ ikiorlugit. — Joh 8:31, 32.