Meeqqasi piareersimappat?
1. Sooq meeqqat atuartut piareersimanissartik pisariaqartippaat?
1 Atualeqqinnissamut piffissaq qalliartorpoq. Qularnanngitsumik meeqqasi misilinneqarnernik tatineqarnernillu nutaanik nalaataqassapput. Aamma “sallusuissut nalunaajaatigissallugu” periarfissaqalissapput. (Joh 18:37) Piareersimappat?
2. Piareersimanissamut meeqqassi suut ilisimasariaqarpaat?
2 Inuiattut ileqqulersuutit nalliuttullu allat qanoq isumaqarnersut nalunngilaat aamma sooq peqataaffigisanngikkitik paasilluarsimavaat? Tatineqarnernut nalaakkumaakkaminnut, assersuutigalugu qaffasissumik ilinniagaqarnissamik, peeraqarnissamik, imigassartornissamik, ikiaroornartutornissamillu tatineqarnermut akiuunnissamut piareersimappat? Oqaannarusussappat, upperisaminnut akerliummat ilaaniarnani imaluunniit ilisimavaat upperisartik pillugu qanoq nassuiaassanerlutik? — 1 Petr 3:15.
3. Angajoqqaat meeqqatik sungiusarniarlugit unnuk ilaqutariittut anersaakkut ittunik sammisaqarfik qanoq atorsinnaavaat?
3 Unnuk ilaqutariittut anersaakkut ittumik sammisaqarfik atorsiuk. Soorunami ukiup ingerlanerani pisariaqalerpat oqaloqatigiissutigissagunarpasi. Atuarnerup aallartinnginnerani atuarfimmi ajornartorsiutaasinnaasut sapinngisassinnik meeqqassinnut oqaloqatigiissutigigussigit nalornissutiginnginnerussavaat. Soormi ataasiarlusi arlaleriarlusiluunniit unnuk ilaqutariittut anersaakkut ittumik sammisaqarfik atorussiuk? Meeqqasi aperisinnaavasi atuarfimmut uteqqinnissaminnut suna isumakuluutigineraat. Maannakkut meeqqat anginerulereeramik paasinnissinnaanerulerlutillu siornatigut sammereersimasasi sammeqqissinnaassavasi. (Tuss 119:95) Illit ilinniartitsisuusaarlutit, atuarfimmi siunnersortaasuusaarlutit atuaqataasuusaarlutilluunniit sungiusarsinnaavusi. Biibili, ‘Ræsonnerebogen’ aamma atuakkat Unge spørger atorlugit meeqqasi akinissaannik ilinniartissigit. Ukiut tamaasa atuarneq aallartikkaangat angajoqqaap meeqqani sungiusartarpai atuariartorunik Jehovamut nalunaajaasuunerminik ilinniartitsisut nutaat qanoq oqaloqatigissanerlugit. — Takuuk Vagttårnet, 15. decembari 2010, qupperneq 3-5.
4. Angajoqqaat silatuut qanoq iliorusussappat?
4 ‘Ullut atugarliorfiusut’ inuusuttut ullumikkut nalaattagaat ulluni kingullerni makkunani ajorsigaluttuinnarput. (2 Tim 3:1) Angajoqqaat silatuut inuusuttut nalaattagaat siumut ilisimariissavaat. (Uss 22:3) Atuarneq nutaaq aallartinnginnerani meeqqasi piareersimanissaannut ikiorniarlugit ilungersoritsi.