Septembarimi arfininngornermi siullermi Biibilimik atuaqqissaaqateqarneq qanoq aallartinneqarsinnaasoq

“Inuit assigiinngitsunik inuiaqatigiinnersut assigiinngitsunillu upperisallit ullut tamaasa qinusarput. Isumaqarpit Guutip qinnutit tamaasa tusartarai akillugillu?” Pulaagaq akili. Napasuliaq Alapernaarsuiffik 1. septembarimoortoq pulaakkannut tunniuguk qupperneq 30-mi qulequtaaqqap ataaniittoq sammisiuk allassimaffiillu issuarneqartut ilaat minnerpaamik ataaseq atuarlugu. Atuagassiat neqeroorutigikkit apeqqutillu tulliuttut oqaloqatigiissutiginissaanut pulaaqqinnissannik isumaqatigiissuteqarfigiuk.

Napasuliaq Alapernaarsuiffik 1. septembari

Atuagassiap saqqaa takutiguk aperalugulu: “Apeqqut una qanoq akissaviuk? [Pulaagaq akili]. Biibilimi qanoq allassimasoqartoq maluginiaruk. [1 Joh 5:19 atuaruk]. Una malillugu ‘Ajortup’ imaluunniit Diaavulup silarsuaq aquppaa. Apeqqummilli pilersitsivoq. Diaavulu suminngaanneerpa? Kinaassusiliviua? Qanoq sivisutigisumik aqutsinera Guutip akuerissavaa? Tamanna pillugu Biibilimi qanoq allassimasoqartoq atuagassiap matuma sammivaa.”

Iteritsi! Septembari

“Ullumikkut inuppassuit aningaasatigut ajornartorsiuteqarneq pissutigalugu isumakulupput. Aningaasat naammattusaarnissaat sooq taama ajornakusoortigisoraajuk? [Pulaagaq akili]. Inuppassuit aningaasaqarniarnerannut iluaqutaasimasunik Biibilimi silatuunik siunnersuuteqarpoq. [Qupperneq 8-9-milu allassimaffiit ilaat atuaruk]. Akiitsuminnik angummanniartunut atuagassiaq una atoriaannaasunik siunnersuuteqarpoq.”