Ataatsimiinnerit sioqqullugit kingornatigullu nipilersuutinik tusarnaarneq
Guutip kiffaasa nipilersuutit Guutip tunissutaasut kusanartutut isigaat. (Jaak 1:17) Ilagiinni amerlasuuni erinarsuutit Naalagaaffilersaarutit, ataatsimiinnerup aallartinnissaa sioqqullugu kingornatigullu, nipikitsumik nipilersuutigineqartarput. Teokratiimik nipilersuutit ataatsimiinnermut tikilluaqqusaasutut nuannersumik misigitittarpaatigut. Pallorfiginninnermut eqqarsartaatsikkut piareersimatittarpaatigut. Tamatuma saniatigut erinarsuutitsinnit erinarsuutit nutaat ilikkariartortarpavut eqqortumillu erinarsornissatsinnut ikiortarluta. Nipilersuutit taamaattut ataatsimiinnerup kingornatigut nipilersorneqaraangata anersaaq nuannersoq pilersittarpaa ataasioqatigiinnerlu qiimmaallannartoq misigitittarlugu. Taamaattumik utoqqaanertaqatigiinnit isumagineqartassaaq nipilersuutit Syng for Jehova — Klaverakkompagnement-miittut nipilersuataarneqartassasut. Qulakkiissavaat nipilersuutip nipituallaannginnissaa oqaloqatigiinnermut akornutaaqqunagu.