Ajornartoornissamut piareersimavit?

Sillimanani ajornartoortoqariartaartoqartarpoq. (Jaak 4:14) Taamaattumik sapinngisamik piareersareersimanissaq silatusaarnerussaaq. (Uss 22:3) Nakorsariaatsit periaatsillu sorliit akuerisinnaanerlugit aalajangiutereerpigit siumoortumillu peqqussummut allallugit? Filmi Transfusionsfri behandling imødekommer patienters behov og rettigheder (filmit aappaat dvd-miittoq Alternativer til transfusion — Dokumentarserie) tamatumunnga iluaqutissatut saqqummersinneqarnikuuvoq. Filmi isiginnaajutigalugu apeqqutit tulliuttut eqqarsaatigikkit. Filmi pilattaanerneersunik takutitsillattaammat, angajoqqaat meeqqatik mikisut suut takusinnaaneraat eqqumaffigisariaqarpaat.

(1) Sooq nakorsat ilaasa aalersuisarnermut isiginnittaasertik eqqarsaatigeqqilersimavaat? (2) Aalersuinertaqanngitsumik pilattarterujussuarnernik pingasunik taasaqarit. (3) Sooq silarsuaq tamakkerlugu nakorsat pilattaasartullu tusindillit aalersuinertaqanngitsumik napparsimasunik suliarinnikkusuppat? (4) Aammik atuinermut tunngatillugu ungasinngitsukkut misissuinerni suna paasineqarpa? (5) Aalersortinneq qanoq navianaateqarpa? (6) Aalersuinertaqanngitsumik suliaritinnerup pitsaaqutai pillugit immikkut paasisimasalippassuit qanoq isummersimappat? (7) Aakilliortarnermut suna pissutaava, sunalu iluaqutaasinnaava? (8) Napparsimasup timaa aavata aappaluttortaanik pinngorartitsinerulernissaanut qanoq ikiorneqarsinnaava? (9) Pilatsinnermi aammik annaasaqarpallaannginnissamut atortorissaarutit suut atorneqarsinnaappat? (10) Aalersuinertaqanngitsumik suliaritinneq meeraaqqanut ajoquserujussuarsimasunullu iluaqutaava? (11) Iluamik nakorsartinnissamut ileqqorissaarnermut tunngaviusut ilaat suua?

Katsorsaariaatsit filmimi takutinneqartut akuerissanerlugit inuup nammineq nalunngeqatiginnissutini Biibilimik ilinniartinneqarsimasoq tunngavigalugu aalajangertussaammagu, ajornartuunnginnermi aalajangereersimanissaq pingaaruteqarpoq. Paasissutissat atuakkami ‘Bevar jer selv i Guds kærlighed’ kapitali 7-imi tassanilu innersuussutigineqartut aamma Guutip naalagaaffianut kiffartorneq-mi novembari 2006-imoortumiittut, qupp. 3-6, toqqaanissatsinnut iluaqutigisinnaavavut. Kuisimaguit siumoortumik peqqussummut toqqarsimasatit allattukkit, peqqussullu nassartuaannaruk.

[Qupp. 3-mi issuagaq]

Nakorsaariaatsit periaatsillu sorliit akuerisinnaanerlugit aalajangiutereerpigit siumoortumillu peqqussummut allallugit?