Det fantastiske skaberværk vidner om Gud
Amerlasuut pinngortitarsuaq isiginnaarlugu nuannarisarpaat. Taamaalioraangamillu ikittuinnaat Pinngortitsisorsuatta eqqarsartaasia misigissusiilu paasisarpaat. (Rom 1:20) Qangarsuaq Daavip, Jehovap oqaasii isumassarsiarititaasut aqqutigalugit Jehova ilikkarpaa, aammali pinngortitai “takugaangamigit” Tassunga qaninnerulersarpoq. (Tuss 8:4, 5) Tamatta, uagut, meeqqavut, atuaqqissaaqativullu Jehovap pinngortitaasa ilaanik itinerusumik paasisaqarnissatsinnut, Pinngortitsisorsuatta piginnaasaanik pissusiinillu takunnissinnaanissatsinnut tassungalu qanillisinnaanissatsinnut filmi qulequtalik Det fantastiske skaberværk vidner om Gud iluaqutigisarparput. Filmi takoreerukku akissutit tulliuttut akisinnaavigit?
(1) Avataarsuup angissusiata aaqqissugaalluarneratalu Jehovamik pingaartitsinerit qanoq sunnerneqaatigaajuk? (Es 40:26) (2) Erngup misissorneratigut Pinngortitsisorsuaq qanoq ilikkagaqarfigaarput? (Saqq 14:7) (3) Nunarsuup angissusia seqinermullu ungasissusia eqqarsaatigigaanni Jehovap ilisimassusianik qanoq ersersitsippat? (4) Qaammat sumut iluaqutaava? (Tuss 89:38) (5) Inuunermik nuannaarutiginnittussanngorlugit inuit qanoq pinngortitaappat? (6) DNA suua? (Tuss 139:16) (7) Jehovap pinngortitaanit allanit inuit qanoq allaaneruppat? (1 Mos 1:26) (8) Silarsuassami nutaami suna qilanaaraajuk?
Ilanngussat: (9) Qalipaatit suminngaanneerpat? (10) Nunarsuup nusussisimanninnera eqqarsaatigalugu imeq orpiup nuuanut qanoq annguttarpa? (11) Imeq timitsinnut qanoq pingaaruteqartigaa? (12) Pinngortitat suleqatigiinnerannik assersuuteqarit. (13) Pinngortitat qanoq ilillutik nalunngilaat allanik suleqateqartussaallutik? (14) “Vinkeli najoqqutaasoq” suua, pinngortitamilu qanoq takuneqarsinnaava?
Jehovap suliai “isigeriarsigit”: “Qilaap timmiai isigeriarsigit” aamma “malugeriarsigit narsaatip naasui liljat qanoq naajartortartut”, Jiisusip kajumissaarpaatigut. (Matt 6:26, 28) Taakkua uppernerput nakussatsissinnaavaat Jehovallu ilisimassusianik, annaassisinnaaneranik asanninneranillu pingaartitsinerput allisissinnaallugu. Silarsuarmi sanaajusut ulapputiginagit Jehovap pinngortitai kusanartut qimerloornissaannut piffissaqarfigikkit eqqarsaatigalugulu Guuti pillugu qanoq oqaluuttuunniaraatigut. — Tuss 19:2.