Saqqummiinermut siunnersuutit

Juunimi arfininngornermi siullermi Biibilimik atuaqqissaaqateqarneq qanoq aallartinneqarsinnaasoq

“Upperisarsiorneq asanninnermik eqqissinermillu imaluunniit uumissuinermik nakuusernermillu siuarsaasutut isumaqarfigaajuk? [Pulaagaq akili]. Tamanna pillugu soqutiginartumik takutilaarlakkit.” Napasuliaq Alapernaarsuiffik 1. juunimeersoq pulaakkamut tunniuguk qupperneq 26-mi qulequtaaqqap ataaniittoq sammisiuk allassimaffillu minnerpaamik ataaseq atuarlugu. Atuagassiat neqeroorutigikkit apeqqutillu tulliuttup oqaloqatigiissutiginissaanut pulaaqqinnissannik isumaqatigiissuteqarfigiuk.

Napasuliaq Alapernaarsuiffik 1. juuni

“Amerlasuut isumaqarput upperisarsiorneq politikkimut akuliunneqarnera ajunngitsuusoq, allalli isumaqarput upperisarsiorneq politikkilu akuliunneqartariaqanngikkaluartut. Illilli qanoq isumaqarpit? [Pulaagaq akili]. Inuit Jiisusi politikkimut akuliutinniaraluarmassuk qanoq qisuariartoq maluginiaruk. [Johannesi 6:15 atuaruk]. Atuagassiami uani allaaserineqarpoq sooq Jiisusi taamatut qisuariarnersoq aamma kristumiut qanoq pitsaasumik inuiaqatigiinni ikiuussinnaanersut eqqartukkit.”

Vågn op! Juuni

“Ukiut tamaasa silarsuarmi tamarmi inuit millionillit nerisassanit toqunartoqalersimasunik napparsimalertarput. Inuiaqatigiinni nerisartakkavut qanoq isumannaatigippat? [Pulaagaq akili]. Nerisanit toqunartoqalersimasunit ilaquttavut qanoq illersorsinnaagivut allaaserisani sisamani atuagassiami uani sammineqarput. Aamma ungasinngitsukkut inunnut tamanut peqqinnartunik nerisassaqalerumaartoq Biibilimi neriorsuutigineqartoq ilanngullugu eqqaaneqarpoq.” Tussiaat 104:14, 15 atuakkit.