Saqqummiinermut siunnersuutit

Apriilimi arfininngornermi siullermi Biibilimik atuaqqissaaqateqarneq qanoq aallartinneqarsinnaasoq

“Inuppassuit isumaqarput Diaavulu silarsuarmi ajortorpassuarnut pisuusoq. Eqqarsaatigisarpaalli Diaavulu suminngaanneernersoq? Guutimit pinngortinneqarpa? Illit qanoq isumaqarpit? [Akissutaa tusarnaaruk]. Una maluginiaruk.” Allaaserisaq Napasuliaq Alapernaarsuiffik marsi-apriilimoortup tunuaniittoq takutiguk immikkoortorlu siulleq aamma allassimaffik innersuussutigineqartoq atuarsigit sammillugillu. Atuagassiaq neqeroorutigiuk, apeqqutillu tulliuttup oqaloqatigiissutiginissaanut pulaaqqinnissannik isumaqatigiissuteqarfigalugu.

Napasuliaq Alapernaarsuiffik Marsi-apriili

“Inuk kristumiunit, juutinit musliiminillu ataqqineqangaartoq pillugu illit isummat paaserusuppara. Inuk taanna tassaavoq Mosesi Biibilimi eqqaaneqartoq. Taanna tusaraangakku suna eqqaasarpiuk? [Pulaagaq akili]. Naak kukkuluttorsimagaluartoq Biibilimi qanoq eqqaaneqarnera soqutiginarpoq. [Atuaruk 5 Mosesi 34:10-12]. Pissusii ajunngitsut pingasut, aamma qanoq ilaarsinnaaneripput atuagassiami uani eqqaaneqarput.”

Vågn op! Apriili

“Angerlarsimafinni nakuuserneq nunarsuaq tamakkerlugu ajornartorsiutaavoq. Inuit ilaasa, inuup kulturikkut tunuliaqutaa, ilaqutariinni tunuliaqutaat aamma nakuusernermik aliikkutassiat tamatumunnga pissutaanerartarpaat. Angerlarsimaffinni nakuusernernut suna pissutaanerpaasoraajuk? [Pulaagaq akili]. Uiusup nuliaasullu imminnut qanoq pissuseqartariaqarnerat pillugu Biibilimi atuarneqarsinnaavoq. [Atuaruk Efesosimiut 5:33]. Aappariit Biibilimi najoqqutassiat maleruarneratigut aappariinnertik annaassimagaat uani atuagassiami atuarsinnaavat.”