‘Uppernermi aalajaattuarsinnaaqqullugit’ ikiukkit

Jehovap oqaluussinermik pilluaqqusinera takullugu nuanneqaaq, ukiummi tamaasa inuit 250.000-it sinnerlugit kuisittarmata! (5 Mos 28:2) Biibilimik atuaqqissaaqatigineqartup kuisereernerata kingorna uagut oqaluussisartutut taassuminnga atuaqqissaaqatiginninnerput immaqa unitsittarparput soqutiginnittut allat piffissaqarfigiumallugit. Aamma imaassinnaavoq kuiserlaap atuaqqissaaqatigineqartarnermi unitsinneqarnissaa eqqarsaatigigaa oqaluussinermut piffissaqarnerorusukkami. Kisianni upperisami tunngaveqarluarnissaq pingaaruteqarnerungaarpoq. Kuiserlaat Kristusimi ‘sorlanissimanissartik’ ‘uppernermilu aalajaallisimanissartik’ pisariaqartippaat. (Kol 2:6, 7; 2 Tim 3:12) Taamaattumik Biibilimik atuaqqissaaqatigineqartartoq kuisereeraluarpalluunniit atuakkat Biibilimi sorpiaat ajoqersuutigineqarpat? aamma ‘Bevar jer selv i Guds kærlighed’ naammassinissaata tungaanut atuaqqissaaqatigiinneq ingerlatiinnarneqartariaqarpoq. — Guutip naalagaaffianut kiffartorneq apriili 2011-moortoq, qupp. 2 takuuk.