Oqaluussinermi pikkorinnerulerit — Pulaaqqiinissamut tunngaviliinikkut

Sooq pingaaruteqartoq. Soqutiginnittumik naapitaqaraangatta pulaaqqikkusuttarparput sallusuissutip naatsiiassartaa ikkussarput imerterniarlugu. (1 Kor 3:6) Taamaattumik qaqugukkut alakkaqqissinnaanerlugu paasiniarlugu pulaaqqiinissamut tunngaviliisariaqarpugut. Aamma pitsaassaaq pulaaqqikkutsigu akisassatsinnik aperigutsigu. Tamanna pulaaqqinneqarnissaminut qilanaarutigilersinnaavaa, apeqqullu atuagassiami tunniussatsinni akineqarpat atuarusunnerussavaa. Tullianik oqaloqatigiinnissamut tunngaviliigutta suna eqqartussanerlugu nalunngereeratsigu pulaaqqiinissarput ajornannginnerussaaq, pulaakkallu suna eqqartussaneripput ilimageriissavaa. Pulaaqqikkutsigu oqarsinnaavugut kingullermik apeqqutigisarput akiniarlugu alakkaripput.

Qanoq iliortoqarsinnaasoq:

Illumiit illumut oqaluussinissaq piareersaraangakku aamma pulaaqqiinermi akisassannik apeqqutissat piareersartaruk. Atuagassiami ullormi tamatumani neqeroorutigisanni eqqartorneqartoq, imaluunniit atuaqqissaarutigisartakkami alakkaqqikkukku atorsinnaasanni akineqartoq, tunngavigisinnaavat.
Soqutiginnittorlu oqaloqatigiinnissinnik naggasiitinnak ilisimatiguk alakkaqqikkusullugu, pulaaqqiinermilu akisassannik apeqqutissatut piareersakkat apeqqutigalugu. Inuit ilaat ulapittorujussuullutillu pulaaqqinneqarnissaminnut isumaqatigiissuteqarusuppallaartanngillat. Taamaattoq naapikkukku ima oqarsinnaavutit: “Ullup taamaalinerani angerlarsimagajuppit? [Akissutaanut tusarnaarit]. Sapaatip-akunnerata tulliani alakkalaarusuppakkit apeqqut una akiniarlugu: ... Alakkaruma ulapippallaaruit oqaannassaatit.”
Pulaagaq oqarfigigukku piffissami aalajangersimasumi alakkarniarlugu oqaatsitit eqqortikkit. (Matt 5:37) Oqaloqatigiinnerup naggasernerani tullissaanik pulaaqqinnissamut tungaviliigit.

Qaammammi matumani una misiliguk:

Oqaluussinissaq piareersaraangakku aamma pulaaqqiinermi akisassannik apeqqutissat piareersartaruk. Apeqqutiginiakkallu oqaluusseqatigisartakkannut oqaluttuariuk.