Guutip oqaasia kiffartorninni sunniuteqartittuaruk

Nutaarsiassamik nuannersumik soqutiginnittut oqaloqatigigaangatsigit Biibilimit atuarnitsigut Guutip oqaasia sunniuteqartittarutsigu silatusaassaagut. Tamanna siorna immikkut ittumik ataatsimeersuaararneranni erseqqissarneqarpoq. Ilagiinnik nakkutilliisoq “Guutip oqaasia kiffartorninni sunniuteqartittuaruk”-mik qulequtalimmik oqalugiarpoq. Sammineqartut pingaarnerit eqqaamavigit?

• Sooq Jehovap oqaasia oqaatsitsinnit sunniuteqarnerusarpa? — 2 Tim 3:16, 17.

• Biibili qanoq misigissutsitsinnut, isumatsinnut, pissutiginiakkatsinnut pissutsitsinnullu sunniuteqartarpa? — Takuuk Napasuliaq Alapernaarsuiffik juunip aallaqqaataa 2012-imoortoq qupp. 30, imm. 7.

• Oqaluussinermi allassimaffimmik atuaagaangatta qanoq Guutip oqaasia ataqqineqalersissinnaavarput? — Takukkit ‘Skolehåndbogen’ qupp. 148, imm. 3-4 aamma Guutip naalagaaffianut kiffartorneq marsi 2013-imoortoq qupp. 6, imm. 8.

• Sooq allassimaffiup atuakkatta nassuiarnissaa oqaloqatigiissutiginissaalu taama pingaaruteqartigippat, qanorlu taamaaliorsinnaavugut? — ApS 17:2, 3; Takuuk ‘Skolehåndbogen’ qupp. 154, imm. 4-miit qupp. 156, imm. 5-imut.