“Disse ord ... skal du have i dit hjerte”

Angajoqqaat savanik paarsisunut assersuunneqarsinnaapput. Qitornatik, savatut tammariaannaasut saassunneqariaannaasullu, isumassorluartariaqarpaat. (Uss 27:23) Angajoqqaat akisussaaffitsik qanoq naammassilluarsinnaavaat? Qitornatik qanoq eqqarsarnersut uummammioqarnersullu paasiumallugu ullut tamaasa attaveqaqatigisariaqarpaat. (Uss 20:5) Angajoqqaat aamma qitornamik uppernerat atortut ‘innermit nungutinneqarsinnaanngitsut’ atorlugit ineriartortittariaqarpaat. (1 Kor 3:10-15) Isiginnaagassiami “Disse ord ... skal du have i dit hjerte”-mi aalajangersimasumik ilaqutariittut atuaqqissaartarnissap pingaaruteqassusia erseqqissarneqarpoq. Taamaattumik ilaqutariittut isiginnaarsiuk apeqqutillu tulliuttut eqqartorlugit.

(1) Ilaqutariit Romanikkut anersaakkut ittunik pingaartitsiunnaarnerannut suut pissutaappat? (2) Sooq qatanngutip angutip Romanip aallaqqaammut ilaqutariittut atuaqqissaaqatigiisitsiniarnera iluatsinngila? (3) Allassimaffik suna iluaqutigalugu iluatsilluartumik meeqqanik perorsaasoqarsinnaava? (5 Mos 6:6, 7) (4) Ilaqutariit pitsaanerusumik attaveqaqatigiinnissaannut suut iluaqutaasinnaappat? (5) Angajoqqaat sunik pilliuteqarnissaat meeqqat pisariaqartippaat? (6) Qatanngutit Barrowikkut ilaqutariinnut Romanikkunnut qanoq sunniuteqarluarpat? (Uss 27:17) (7) Ilaqutariittut atuaqqissaaqatigiinneq ingerlalluaqqullugu ilaqutariinni ittuusoq susariaqarpa? (8) Ilaquttami atugaat pitsaanerulersinniarlugit qatanngut angut Roman sua? (9) Sooq piffissami aalajangersimasumi ilaqutariittut atuaqqissaaqatigiittarnissaq pingaaruteqangaarpa? (Ef 6:4) (10) Ilaqutariittut atuaqqissaaqatigiinnermi suut sammineqarsinnaappat? (11) Qatanngutip angutip Romanip Marcus qanoq eqqissisimasumik aalajangersimarpasissumilli eqqortumik iliornissamik pingaartitseqqullugu ilinniartippaa? (Jer 17:9) (12) Angajoqqaat Romanikkut Rebecca Justinimut attaveqarnerminut tunngatillugu eqqortumik aalajangiisinnaaqqullugu qanoq ikiorpaat? (Mark 12:30; 2 Tim 2:22) (13) Angajoqqaat Romanikkut inuunerminni allannguinermikkut uppernertik qanoq ersersippaat? (Matt 6:33) (14) Ilaqutariinni ittuusut anersaakkut ittunik ilaquttaminnut pilersuinissaasa pingaaruteqassusia isiginnaagassiami qanoq ersersinneqarpa? (1 Tim 5:8) (15) Ilaqutariinni ittuusutut suna aalajangiusimaviuk?

ILAQUTARIINNI ITTUUSUNUT: Isiginnaagassiaq 2011-mi ataatsimeersuarnermi isiginnaartitsissutitut saqqummiunneqarpoq. Taamanikkut ilaqutariittut atuaqqissaaqatigiinnermik pitsanngorsaanissat paasiviuk? Maannakkummi? Suli allannguisariaqarussi qinunikkut allannguigitsi, tamanna ilaquttavit naassaanngitsumik iluaqutigissavaat. – Ef 5:15-17.