Oqaluussinermi pikkorinnerulerit – Niuertarfinni oqaluussinikkut

Sooq tamanna pingaaruteqartoq. Inuit sivisuumik sulisartut Naalagaaffik pillugu tusarliussamik oqaluussiffigissagutsigit suliffiini saaffigisinnaavavut. Sulisut suliffianni naapinneqartuaannarsinnaammata pisinianullu inussiarnersuusarmata niuertarfinni oqaluussineq nuannersinnaavoq angusaqarfiulluarsinnaallunilu. Oqaluussisartut angusaqarluassagunik naliliisinnaassuseqartariaqarlutillu atisalersoriaatsimikkut isikkorissarnermikkullu isornaatsuusariaqarput. (2 Kor 6:3) Taamaattumik kiffartornermik nakkutilliisup niuertarfiit qanoq akulikitsigisumik kikkunnillu angalaarfigineqartarnersut nakkutigilluartariaqarpaa.

Qanoq taamaaliorsinnaasutit:

Aallarniut naatsoq sungiusaruk. Sulisoq sivisuallaamik oqaloqatigigutsigu oqaloqatigeqqinnissaanut periarfissaarussinnaavugut.
Niuertarfimmi sulisut ulapippallaannginneranni, assersuutigalugu niuertarfiup ammaqqammernerani, saaffigisinnaavavut.
Akisussaasoq siulliullugu oqaloqatigiuk. Inussiarnersuugit. Ima oqarsinnaavutit: “Inuit suliffianni sivikitsunnguamik oqaloqatiginiartarpavut angerlarsimaffianni naapinnissaat ajornakusoortittaratsigu.” Naatsumik aallarniigit naqitaaqqamillu, atuagassiamik imaluunniit Biibililersaarummik allamik neqeroorfigalugu. Tuniniaasartutut naatsorsuunneqaqqunata aatsaat kajumissutsimik tunissutit pillugit aperineqarutta suliatta qanoq aningaasalersorneqartarnera pillugu oqaaseqassaagut.
Akisussaasoq inussiarnersuuppat sulisut allat oqaloqatigisinnaanerlugit aperiuk. Sulisut isersimaartarfiinut Biibililersaarutinik ilisisoqarsinnaanersoq niuertarfiit ilaanni immaqa aperigaanni pitsaaneruvoq.
Naliliisinnaassuseqarit. Sulisup sullitaqarunnaarnissaata ulapikkunnaarnissaataluunniit tungaanut utaqqigit.

Qaammammi matumani una misiliguk:

Niuertarfinni oqaluussisarussi aallarniut naatsoq tulluartoq atorsinnaasarsi ilaqutariittut atuaqqissaaqatigiinnissinni piareersarsiuk.