Pruffiitit maligassariniarsigit – Habakkuki
1. Sooq pruffiiti Habakkuki paasisinnaavarput?
1 Silarsuarmi ajussuseq annertusiartortoq takullugu immaqa Habakkukitut misigisarpugut, taassuma Jehova ima aperaa: “Sooq iluaatsuliorfigineqarnermik misigisaqartippinga perlutsitaaneralu isiginnaaginnarlugu?” (Hab 1:3; 2 Tim 3:1, 13) Habakkukip oqariartuutaanik aalajaallunilu maligassiuineranik eqqarsaatiginneqqissaarneq Jehovap ullormi eqqartuussivissaata tungaanut aalajaannissamut iluaqutigisinnaavarput. – 2 Petr 3:7.
2. Ullumikkut aalajaannerput qanoq ersersissinnaavarput?
2 Aalajaalluni inuuvoq. Pissutsit ajornerat sapilersutut misigilissutiginagit Habakkuki anersaakkut eqqumaniarlunilu suliniuteqartuarpoq. (Hab 2:1) Jehovap oqaatsimi piffissaq eqqoqqissaarlugu eqquukkumaarnerannik naapertuilluartullu aalajaallutik inuunissaannik pruffiiti neriorsorpaa. (Hab 2:2-4) Tamanna kristumiunut naggatissap naggaterpiaani inuusunut qanoq isumaqarpa? Naggatissap nalliukkumaarnerata qularinnginnera qaqugu nalliukkumaarnerata ilisimaneranit pingaarneruvoq. Upperneq eqqumajuarnissatsinnut oqaluussinermillu pingaarnerpaatitsinissatsinnut iluaqutigisarparput. – Hebr 10:38, 39.
3. Sooq Jehovamut kiffartornermik nuannaarutiginninnerput aalajangiusimasariaqarparput?
3 Jehova qiimmattaatigaa. Gogi Magogimeersoq Jehovap innuttaanik saassussippat uppernerput misilinneqassaaq. (Ez 38:2, 10-12) Akersuunneq, allaat ajugaasunut, artorsartitsisarpoq. Immaqa nerisassaaleqisoqassallunilu pigisat annaaneqassallutillu atugarliortoqalissaaq. Erloqinartorsiortoqalerpat qanoq periassaagut? Habakkukip atugarliortarnissani naatsorsuutigigamiuk Jehovamut kiffartornermik nuannaarutiginninnissani aalajangiusimavaa. (Hab 3:16-19) ‘Jehovami nuannaarneq’ aamma uagut siunissami misilinneqarnermi pinertusaarnissamut iluaqutigissavarput. – Neh 8:10; Hebr 12:2.
4. Maanna siunissamilu suna nuannaarutigisinnaavarput?
4 Jehovap ullormi eqqartuussivissamini inuit aniguisitaasa Guutip inooriaasereqqusaanik ilinniartinneqarnerat ingerlaannassaaq. (Hab 2:14) Makititaasut aamma Jehova pillugu ilinniartinneqassapput. Qanortoq Jehova taassumalu suliai nuannersut pillugit allat oqaluttuunnissaannut periarfissat tamaasa atortarisigit! – Tuss 34:2; 71:17.