Qaammat manna aallarnerfigalugu ulluinnarni ataatsimiinnermi pingasunik aallarniutitut siunnersuuteqartarunnaassaaq. Kristumiutut inuunerput kiffartornerpullu – Najoqqutassaq-mi oqaloqatigiinnissamut siunnersuuteqartalissaaq, tassaassallunilu aallarniutigalugu apeqqutigisassaq, allassimaffik atuagassaq apeqqullu tullissaanut qilanaartuutissaq. Sapaatip-akunneranut filmi oqaloqatigiinnissamut siunnersuutilik ataasiinnaq takutinneqartassaaq. Biibililersaarutit ilinniartitsinermi atortakkatta ilaat sorleq atussanerlugu aamma qaqugu neqeroorutigissanerlugu (pulaaqqaarnermi pulaaqqiinermiluunniit) oqaluussisartut namminneq aalajangersinnaavaat. Aamma najoqqutassami pulaaqqiinermi siullermi aappassaanilu oqaloqatigiinnissamut siunnersuuteqartalissaaq. Siunnersuutit taakku iluaqutigalugit ilinniartitsisarnerput eqqumaffiginerusinnaavarput, taamaalilluta ‘eqqortumik isiginnittaaseqarnertik pissutigalugu naassaanngitsumik inuulersinnaasunik tamanik’ ikiuisinnaalluta. – ApS 13:48, NW.
Ilinniartut pisassaat: Allanik ilitsersuuteqanngippat pisassaqartut oqaloqatigiinnissamut siunnersuutit atussavaat.