Oqaluussinermi pikkorinnerulerit – Nalunaajaanissaq siunertaralugu oqaloqatigiinnermik aallarniinikkut

Jiisusi ar­namut Samariamiumut torrutiin­narlugu nalunaajaasin­naaler­poq oqaloqatigiin­neq aal­lar­neramiuk. Inun­nik nalusatsin­nik oqaloqateqar­niar­neq qanoq pik­korif­figinerulersin­naavar­put?

• Inuit inus­siar­nersumik oqaloqatigik­kit. Jiisusi qasugaluarluni imermik qinunermigut oqaloqatigiin­neq aal­lar­tip­paa. Inus­siar­nersumik ilas­seriarlutit sila maan­naluun­niit pisut eq­qaasin­naavatit. Eq­qaamajuk aal­laq­qaam­mut siuner­tarigak­ku oqaloqatigiiler­nis­saq, taamaat­tumik sumil­luun­niit inum­mut soqutiginarsin­naasumik aal­lar­niuteqarsin­naavutit. Qisuarian­ngip­pat al­lamut misileeq­qigit. Jehova qin­nuigiuk sapiis­suseqaq­qul­lutit. – Neh 2:4; ApS 4:29.

• Eq­qumaf­figiuk oqaloqatigiin­nis­sin­ni nutaarsias­sat nuan­nersut qanoq iserfigisin­naaneritit, tas­san­ngaan­naqinal­li. Oqaloqatigiin­neq pis­susis­samisoor­palaar­tuutiguk. Kimigiiser­pal­laaruit peq­qusiileqilersin­naavoq oqaloqatigiumajun­naarlutil­lu. Suli nalunaajaaler­tin­nak oqaloqatigiin­neq unip­pat pakatseqinak. Nutaarsias­sat nuan­nersut iserfiginis­saat saper­nar­tik­kuk­ku oqaloqatigiigin­nar­nermik aal­lar­niinis­sat sungiusaruk. [Filmi siul­leq isigin­naariarlugu eq­qar­torsiuk.]

• Up­perisat qanoq ilin­nut pingaaruteqar­tigisoq iserfiginiarsariuk taamaalil­lutil­lu alaper­naatsilerlugu. Ar­naq apeq­quteqalersil­lugu Jiisusi soqutiginar­tumik oqaaseqar­poq. Apeq­qutaanik akinermigut aatsaat nutaarsias­sat nuan­nersut iserfigai. [Filmip aap­paa isigin­naariarlugu eq­qar­torsiuk, kingor­nalu filmip pingajuat isigin­naariarlugu eq­qar­torlugu.]