‘Paulusip Guuti qutsavigaa nakussatsitaallunilu’

Romami ilagiit Paulusi tikilersoq tusaramik­ku qatan­ngutit ilaat aal­lar­tin­neqar­put Paulusi parsiar­niarlugu, taak­kulu 60 km sin­nerlugu angalap­put. Im­minut pil­liutigeriaan­naanerat Paulusimut qanoq sun­niuteqar­pa? “Paulusip takugamigit Guuti qutsavigaa nakus­satsitaal­lunilu.” (ApS 28:15) Naak Paulusi ilagiin­nik tikeraak­kaminik nakus­satsitsisar­nera ilisimaneqarluaraluar­toq, pisumi matumani par­naarus­saaq­qanermini Paulusi nakus­satsin­neqar­tuuvoq. – 2 Kor 13:10.

Nalitsin­ni ilagiin­nik nak­kutil­liisut qatan­ngutimin­nik nakus­satsitsiumal­lutik ilagiit tul­leriiaarlugit tikeraar­tar­paat. Guutip in­nut­tai tamaasa as­sigalugit taak­kut­taaq qasusar­put, isumakuluuteqar­tar­put nikal­lor­tarlutil­luun­niit. Ilagiin­nik nak­kutil­liisoq nulialu tul­liani ilagiin­nut tikeraar­pata, il­lit taak­ku nakus­satsik­kumal­lugit, taamatul­lu ‘up­perisaqaqatigiin­nis­sigut ilin­ni kajumis­saaqatigiik­kumal­lusi’, qanoq iliorsin­naavit? – Rom 1:11, 12.

• 

  Katersuunnerit tapersersukkit. Oqaluus­sisar­tut sapaatip-akun­nerani pingaarutilim­mi pisuni tapersersuiniarlutik pil­liuteqaraangata nak­kutil­liisoq qiim­maal­lat­tar­poq. (1 Th 1:2, 3; 2:20) Qaam­mam­mi tikeraarfiani ikior­ti-pioneriusin­naavit? Imaluun­niit nak­kutil­liisoq nulialuun­niit oqaluus­seqatigiumasin­naavigit, arlaal­luun­niit Biibilimik atuaq­qis­saaqatigisar­tak­kan­nut nas­sarlugu? As­sigiin­ngitsunik suleqateqar­nis­sar­tik nuan­naarutigisar­paat, aam­ma nutaajusunik oqaluus­sil­laq­qip­pal­laan­ngitsutul­luun­niit misigisunik.

• 

  Inoroorsaarit. Inisimasorisin­naavigit neriar­toq­qul­lugil­luun­niit? Taamaalioruit nak­kutil­liisoq nulialu asal­lugit ersersis­savat. Pisariusunik sas­saal­lerfigineqar­nis­sar­tik naatsorsuutigineq ajor­paat. – Luk 10:38-42.

• 

  Ilitsersuutai siunnersuutaalu maleruakkit. Jehovamut kif­far­tor­nitsin­ni qanoq pitsaanerulersin­naanersugut takusin­naaq­qul­lugu nak­kutil­liisup asan­nin­nermini ikior­tar­paatigut. Ilaatigut sukan­nersumik naq­qit­tariaqarsin­naavaatigut. (1 Kor 5:1-5) Naalak­kaangat­ta maniguuk­kaangat­talu nuan­naar­tit­tar­par­put. – Hebr 13:17.

• 

  Qujamasunnerit ersersiguk. Ilagiin­ni nak­kutil­liisoq nulialu paasitik­kit taak­ku suliaat il­lit qanoq iluaqutigisimaneritit. Oqarfigisin­naavatit al­laf­figalugil­luun­niit. – Kol 3:15.