“Nunarsuup inui tamarmik assigiinnik oqaaseqarput”

11:1-4, 6-9

Jehovap inuit Babelimi naalan­ngitsut oqaasiisa ilatsin­nerisigut siam­mar­tip­pai. Ul­lumik­kut inup­pas­suit inuiaqatigiin­nit tamaneersut im­mik­kul­lu oqaasilin­nit tamanit pisut katersor­pai ‘tamarmik aterminik torlorfigin­nin­nias­sam­mata isumaqatigiil­lutil­lu im­minik kif­far­tuus­sinias­sam­mata minguitsunik qarloqalersil­lugit’. (Sef 3:9; Saqq 7:9) ‘Qarloq minguitsoq’ tas­saavoq Jehova siuner­taalu Al­lak­kani Il­ler­nar­tuni al­las­simasoq pil­lugit sal­lusuis­sut.

Al­lamiutut ilin­nias­sagut­ta oqaatsit nutaat alan­ngaagin­nar­nis­saat naam­man­ngilaq. Eq­qarsar­tariaaseq nutaaq ilin­niar­tariaqar­par­put. Taamatut­taaq sal­lusuis­sut malil­lugu minguitsunik qarloqaler­niar­nitsin­ni eq­qarsar­taaser­put al­lan­ngor­tariaqar­poq. (Rom 12:2) Taamaalior­tuar­neq Guutip in­nut­taasa ataasioqatigiin­neran­nut iluaqutaavoq. – 1 Kor 1:10.