Perorsaatissiineq – Jehovap asanninneranut ersiutaasartoq

Perorsaatis­siineq ilitsersuinermut ilin­niar­titsinermul­lu tun­ngas­suteqar­neruvoq, aam­mali naq­qiinermut anusin­ngorsaanermul­lu tun­ngas­suteqar­poq. Jehovap perorsaatis­sit­tar­paatigut akuerisin­naasaminik pal­lorfiginias­sagatsin­ni. (Rom 12:1; Hebr 12:10, 11) Ilaan­nik­kut perorsaatis­sin­neqar­neq imaan­naan­ngis­sin­naasar­poq, perorsaatis­sin­neqar­ner­pul­li malil­lugu iliorut­ta Guutip naaper­tuil­luar­tutut isigis­savaatigut pil­luaq­qus­sal­lutalu. (Uss 10:7) Perorsaatis­siisut perorsaatis­sin­neqar­tul­lu suna eq­qaamasariaqar­paat?

Perorsaatis­siisoq. Utoq­qaaner­tat, angajoq­qaajusut al­lal­lu Jehovap pisar­neratul­li inus­siar­nersumik asan­nit­tumil­lu perorsaatis­siiniarlutik ilungersor­tar­put. (Jer 46:28) Al­laat sukan­nersumik perorsaatis­siineq pis­sutsinut naaper­tuut­tumik asan­nin­nermil­lu kajumis­sis­suteqarluni pisariaqar­poq. – Tit 1:13.

Perorsaatis­sin­neqartoq. Qanorluun­niit perorsaatis­sin­neqaraan­ni tamatumin­nga ajat­tuinani perorsaatis­sin­neqar­neq naaper­torlugu ingerlaan­naq ilior­toqar­tariaqar­poq. (Uss 3:11, 12) Naam­mal­luin­nan­ngitsuugat­ta tamat­ta as­sigiin­ngitsor­pas­suar­tigut perorsaatis­sin­neqar­tariaqar­tar­pugut. Biibilimi atuak­kagut ilagiil­luun­niit ataatsimiin­nerini tusak­kagut uagutsin­nut perorsaataasin­naap­put. Aam­ma ilaan­nik­kut eq­qar­tuus­sisin­naanermut ataatsimiititaliamit perorsaatis­sin­neqar­tariaqar­toqarsin­naavoq. Perorsaatis­sin­neqar­neq malil­lugu iliorut­ta inuuner­put nuan­ner­nerus­saaq inuunermil­lu naas­saan­ngitsumik kinguneqarsin­naal­luni. – Uss 10:17.

ISIGINNAAGASSIAQ “JEHOVA RETLEDER DEM HAN ELSKER” ISIGINNAARIARLUGU APEQQUTIT UKU AKIKKIT:

• 

  Canonip inuunera qanoq aal­lar­tip­pa, qanorlu al­lan­ngor­pa?

• 

  Jehovamit qanoq asan­nit­tumik perorsaatis­sin­neqar­pa?

• 

  Taas­suma misigisimasai sumik ilin­niarfigaagut?