Aappariinneq – Inuuneq naallugu atuuttussaq

Kristumiutut aap­pariil­luar­neq Jehovamut ataq­qinaataasar­poq, uiusumut nuliaasumullu nuan­naarutaasarluni. (Mk 10:9) Kristumiut aalajaal­lutik pil­luarlutillu aap­paqarumagunik aap­pas­samin­nik toq­qaaniar­nerminni najoq­qutas­sianik Biibilimiit­tunik malin­neq­qis­saar­tariaqar­put.

Aatsaat ‘inuusup­pal­laarun­naareeruit’ aap­pas­sarsiorit, inuusup­pal­laar­ninni kinguaas­siuutitigut misigis­sutsitit silatusaar­tumik aalajangiinis­samik saper­nar­nerulersitsisin­naam­mata. (Ko1 7:36) Silatusaarlutit ukiut aap­paqan­ngif­fitit Guutimut attaveqarluar­neruler­nis­samut kristumiutullu pis­suserineqar­tus­sanik ineriar­tor­titsinermut atuk­kit. Taamaalioruit aap­pariin­nermik iluatsisitsil­luar­nis­samut piareersimanerungaas­saatit.

Katin­nis­samut akuersin­ngin­ninni soqutigisavit ‘qamuuna kinaas­susianik’ ilisarisiman­nil­lualer­nis­samut pisariaqar­tumik pif­fis­saqarit. (Pe1 3:4) Aap­parisin­naasat­tut soqutigisat pil­lugu pis­sutis­saqarluarlutit nalor­nileruit nalor­nis­sutitit marluul­lusi eqqar­torsigit. Inun­nut allanut attaveqar­ner­tulli aap­parmut tun­nius­sin­naasat aap­parmit pisin­naasanin­ngar­nit aap­pariin­nermi pingaar­nerutin­neqar­tariaqar­put. (Flp 2:3, 4) Aap­panin­ngin­ninni najoq­qutas­sianut Biibilimiit­tunut naaper­tuut­tumik inuuguit pil­luarlusi aap­pariin­nis­sas­sin­nut tun­ngavis­siil­luas­saatit.

ISIGINNAAGASSIAQ FØR MAN GIFTER SIG – 3. DEL: ‘BEREGN OMKOSTNINGERNE’ ISIGINNAARIARLUGU APEQQUTIT UKU AKIKKIT:

• Qatan­ngutip arnap Shanemut attaveqar­nera qanoq ingerlava?

• Immin­nut ilin­niar­nerminni qatan­ngutip arnap suut maluginiar­pai?

• Qatan­ngut arnaq angajoq­qaaminit qanoq ikior­neqarpa, silatusaarlunilu qanoq aalajangerpa?